على كثر المواجع تبسمت

..{ علىّ كَثُر إلمَـوإُجعَ تبَسًمّــتٌ ..!

:

آلصمت له عندي معزّه ومقدار
في زحمة الافواه .. يا مزين الصمت !!

لا صار بعض البوح عند البشر عار
لو يشتعل جوفي حشى ما تكلّمت

تعبت من قولة : (علامك) و (وش صار )
وان طحت ما ألقى سوى كلمة (سلمت)

واعذار اخلقها ولو مالي اعذار
مشّيتها مره .. ومرات ما رمت !!

كذبة صباح الخير/ يا صبح الانوار
عذري ليا عدّت ليالي ولا نمت

اسهر طوال الليل وضْيوفي افكار
واقول لاْصحابي : نعم توّني قمت !!

ما عاد فيني ألفت عْيون واْنظار
يكفي بأني من زماني تعلّمت

ان الصدر بيتـ/ـن .. وسكّانه اسرار
نيّام .. بس يصحون لامن تألّمت

يصحون ويناظرهم الجار والمار
وش عاد ينفع سترهم لو تكتّمت ؟!!

آقدّم اقدامي على درب الاصرار
امشي ولكن للأسف ما تقدّمت

( النار قدامي .. ومن خلفي النار !!)
والعمر يمضي بي وانا ما تولّمت

يا لين ذاك الحلم في لحظه انهار
وانا مع لحظة سقوطه تحطّمت

جروحي كثار .. وتناهيدي كثار
لكن على كثر المواجع .. تبسّمت !!

ثم أْلتزمت الصمت وعزومي كبار
ولو يشتعل جوفي حشى ما تكلّمت ..

..
منقول
..

الله يعطيك
العافيه

ويكون بعونك على المواجع

شرفتوني بمروركم الرائع
لكن
من اريد منه الرد لم يرد

( النار قدامي .. ومن خلفي النار !!)
والعمر يمضي بي وانا ما تولّمت

تسلم اخي طلال علىنقل الأبيات الهادفة
لك الشكر والتقدير

ابيات جميله وبنفس الوقت موجعه،،،
مشكوووور اخوي طلال على الاضافه.