((( تدري ليه ازعل عليك..!!)))
الخفوق اللي رميتـه فـي يدينـك ياهـواي
مايجوز انك تخسره وان خسرتـه مايصيـر
اندفعت وجيت يمـك ! والبشـر كلـه وراي
انت تدري في غلاك ! وتدري انك لي نظيـر
ياعيون الكون كلـه .. ياهنايـه مـع شقـاي
تدري ماغيرك زلال ! وكل من حولي هجير
انا مابي غير كلمه ! يرتـوي منهـا ضمـاي
شف سراب اللال فيني وانـا قدامـي غديـر
اشهقك حب ومشاعر ويتعطـر بـك مسـاي
في خفوقي لك مكان وماغيرك احد ٍ خشيـر
وان حصل ثم جيت يمي هذي هي غاية مناي
لك ورود الكون كله والثرى يفـرش حريـر
في عيوني لك مبات وداخل عيونـك رجـاي
وان تكرمت بودادك صـارت الدنيـا بخيـر
ازهرت جدب الصحاري ونوًر البدر بسمـاي
واشرقت شمس النهار وكل ماتطلـب يصيـر
(تدري ليه ازعل عليك)؟ ويتجدد لك عطـاي!
(اعشقك واموت فيك)من البشر عليك اغيـر
ان وصفتك .. ماوصفتك ! خان تعبيري غلاي
الحروف الأبجديـه مـن خجلهـا تستخيـر
الشاعر الرائع: فهد الفريدي.
(((تدري ليه ازعل عليك ..!! ))) 
العرض الشجري
