فـــــي مـــــــــاضي الأيــــــام

هذا بيت لشاعر علي بن جضعان
يقول فيه

عن ماضي الذكرى مع الوقت ناسين=أيـام عشناهـا طفـولـه بـريـه




وهذي مجاراتي على البيت

.....................................
وفي ماضي الايام مايشقي العيـن=بساعات حلو ايامنـا الجوهريـه
انصور الماضي على وقت هالحين=ونحسب على ضعف الطفولة فتيه
ونبني من الامال قصرٍ من الطين=ملجى الحلوم ونشـوة المعنويـه
وتمرها الافكار حينن ورى حيـن=وتسكن به ايـامٍ وفتهـا المنيـه
ونشوف دربٍ ينقسـم لتجاهيـن=عن ماضي الايـام بـان الخفيـه
درب يذكرنا الطرب ماضي اسنين=بين الجهل ومسامـر السامريـه
ودرب يجيب الباقي العمر تبييـن=تضيق به سعت صـدور البريـه
وكتبت مثل حروف علي عناويـن=يوم جازلي طرق الحروف النديـه
وفخر اجاري شعر نجم الجضاعين=مايقول حشو القـاف ولا العريـة

الشاعر القدير


غازى الفريدي


أبيات جزله من شاعر جزل لافض فوكــ


اما


الشاعر على الجضعان فهو غني عن التعريف وكله بركه


اللى هيضكــ وخلاكــ تجاريه



صحة الالسن وسلمت القلوب بكما نفتخر



تحياتي للجميع

الشاعر اللي هيضه شوف شطرين=وهيج شجون ٍ بالضماير خفيه
يالله عسى ذكراه ورد ورياحين=ومشكـّله بالوانها النرجسيه
صعب ٍ على العشاق شطب العناوين=اللي تذكرهم حياة ٍ هنيه
لو انهم عقال مثل المجانين=ان جات سيرة قيس والعامريه
يابو عمر حركت قلب وموازين=وغازي جروحه بالمعاليق نيه
والرفق مطلوب ٍ مع العسر واللين=واهل القلوب الناعمه شاعريه

وصح لسانك يابو صالح ايها القلب الاخضر الجميل ....

شعرائنا الكرام
غازي الفريدي
ابو عبد العزيز
صحت ألسنتكم
وصح لسان ابو عمر ( بيت عن ألف بيت)

غازي
شاعر الابداع والجمال
صح لسانك على هذه الابيات الرائعة
لقد انعشت اصحاب القلوب الخضر بعد ان كاد يتغير اللون
مع تقادم السن .
والشكر موصول للشاعر الرومنسي مراقب بيت القصيد
علي الجضعان
ويتواصل لعندليب المجالس وشيخ الغزل خلف الفريد
دمتم جميعا نجوما تحلق في سماء المجالس

شعرائنا الاعزاء:
علي بن جضعان- غازي الفريدي- خلف الفريد
صح السنتكم وبيض الله وجيهكم،،، امتعنتونا بالابيات الرائعه،، تقبلو شكري وتقديري لكم.

علي بن جضعان / غازي الفريدي / خلف الفريد


بيض الله وجيهكم


واااااافين وما قصرتوا

نصوص فاخره تستحق الوقوف والتصفيق طويلآ


لاعدمتكم

علي بن جضعان / غازي الفريدي / خلف الفريد
صح الله السنتكم وبيض الله وجيهكم ابداع في ابداع

غازي الفريدي صح لسانك ولي الشرف

بأن تجاري هذا البيت وكم أنت رائع

ويخجل بيتي من هذه العقد المكمل له

لله درك نضمت فأجدت ووزنت فأبدعت

تقبل شكري وأمتناني على هذه المجاراه

والتي هيضت شاعرنا ابوعبدالعزيز

والذي أكمل هذه المنظومه الرائعه

ولكل من تفاعل الف شكر وتقدير

وأكرر شكري لشاعر الرائع المبدع

غازي الفريدي وأقول لافض فاك

الشاعر

ابو فيصل
غازي بن عجاب

اشادة منك
وسام من الدرجة الاولى

اشكرك على الاسلوب
الراقي
ولك ودي وتقديري