الشاعر عضيب يسند للشاعر محمد بن هديب

هذه القصيدة للشاعر عضيب بن هليل العلوي الحربي
موجهة منه للشاعر الكبير : محمد بن عبدالله العواد الهديب الفريدي

يا ليت محمد يوم وصلت وصاتـي=قـدّر تحياتـي وسـيّـر علـيـه
أخوٍ عزيز وعارفٍ عـن صفاتـي=الشـك زايـل والقلـوب ابرحيـه
وأنا على مثله تجـوز اشرهاتـي=يجعـل مواثيـق الصداقـه قويّـه
عمـارنـا لابـدهـا فانـيـاتـي=ولا دايـمٍ يـا كـود رب البريـه
قضيت لـي ساعـات بتحرياتـي=وأنا احتري موترك يطلـع عليـه
من عرض ربعٍ شوفهم هو شفاتي=في ساعةٍ من عند ربـي فضيّـه
أفرح ليا صارو النشامـا حضاتـي=والنـار فيهـا للنشامـا شـويـه
مـع دلتيـن اصعـار ومهيلاتـي=والعـود دار بـدورة الشاذلـيـه
ودارت سوالفهم على المكرماتـي=والكل منهـم قـام يسـأل خويـه
هـاذي طـراة الـروح وتمنياتـي=عندي مثل عيد السنـه بالضحيـه
هذا هـواي ورغبتـي واشهواتـي=والناس كـلٍ لـه طريـق ونحيـه
وأحدٍ هبابه بيـن فقـر وغناتـي=لو هو كثير المـال نفسـه رديـه
والزرق عنـد مكـوّن الكايناتـي=ربٍ بعـث للنـاس سنـة نبـيـه
وفرض على المسلم صيام وصلاتي=وارسل شفيع الخلق بأشرف وصيه
اللي قسم لي سامك العرش يأتـي=لو حاول الحسّـاد يمنـع مجيـه
ربٍ كفـل زرقـي وحـدّد حياتـي=موحي دبيـب الـذر بالخرمسيـه
رازق طيـورٍ بالسمـاء حايماتـي=عـلاّم مـا بالبيـنـه والخفـيـه
ارجيه يمحـا سيتـي باحسناتـي=في ساعة الميعاد يرضـى عليـه
وصلاة ربي عد ما اخضـر نباتـي=على النبي بأزكـا سـلام وتحيـه

وهنا رد الشاعر الكبير محمد العواد حيث يقول

يا مرحبا عـد النجـوم السراتـي=وعَدَاد ما بيـن الحفـر والحويـه
من البشر ومـا بينهـن كايناتـي=بكتاب مـن جانـي كتابـه هديـه
فزيت بالمكتـوب قبـل القرياتـي=وهليت بـه قـدّام قبضـة ايديـه
وجنـي مـرد أبياتكـم وارداتـي=واخترت جولات المثل عـن رديـه
هات القلم والبـوك وأدن الدواتـي=نبـي نسجـل بالرسالـه تحـيـه
تحيـةٍ عنـدي مـن الواجبـاتـي=لعضيـب نرسلهـا لـزومٍ عليـه
اللي ذكرنـي يـوم دز الوصاتـي=ارسل مراسيل الوفـاء والحميـه
قالو: يقول عضيب ملـوزم يأتـي=ما يقبل الأعذار لـو هـي قويـه
ودّه يكرّمـن ربـيـع السـراتـي=ريف الضيوف ومدلهـل الأهليـه
ما هو ريا دافع وفاء من شفاتـي=وهليـت بالمرسـال ومعاونـيـه
واجبـت للدالعيـن علـمٍ ثبـاتـي=نبـي قبـال اللـي لهـم قابليـه
ربعٍ لهم طيـب المكـارم اهواتـي=يوم السنين اللـي بأهلهـا قصيـه
نطاحةالواجـب هـل الطايـلاتـي=حمول سرد الخيل فـي كـل هيـه
ما قلتها يـا عضيـب بمجاملاتـي=النـاس تقـرأ البيّنـه والخفـيـه
وكـلٍ براهينـه مـن الفايتـاتـي=واليوم كل الناس صـارت سويّـه
ويا عضيب أنا صديت ما هي جفاتي=لا والـذي بالديـن كلّـف نبـيـه
انه هوى بالـي وغايـة امناتـي=زورة محلـك يـا زبـون الونيـه
وهرجٍ يسلينـا علـى المكرماتـي=نلقاه عنـدك يـا مونـس خويـه
راحت علينا يـا السنافـي فواتـي=والعذر ما يمـلا اليديـن الخليـه
كله سبايب من فعل بـك سواتـي=قبلك غدينـا بيـن هـاذي وذيـه
حسيبـه الله عـالـم الخافيـاتـي=علاّم مـا يخفـى عليـك وعليـه
ولاني مكلـوّفٍ بحـرث المواتـي=أخاف من جحـرٍ وبأقصـاه حيـه
وعند الاصابه ما يفيـد الشماتـي=نصيـر لنيبـان الأفاعـي ضحيـه
بينت روس أقلام فـي موجزاتـي=وأنته تعـرف الصايبـه والخطيـه
ركّزت أنا النيشان وأنتـم ارماتـي=ارم الهـدف يـا ناقـل البندقيـه
حيثك عطيـبٍ تطـرح الحايماتـي=وترد سكران الطنـا عـن نويـه
برهانكم يكفـي عـن الماضياتـي=يوم الهدانـي راس مالـه زريـه
يـزرا عليـك ويتـرك الواجباتـي=ويوزم نفـسٍ مـا بهـا غايريـه
وسط الجماعـه ينقـل الخايعاتـي=بالهرج شغلـه شغلـة الصيرفيـه
ويقول أنـا كالزيـر وإلا الزناتـي=عنده فلا يمشي على الأرض زيـه
وعن لازمك يطلع على النايفاتـي=وإن جاك يشره كبر ابان وطميـه
الاش لـو عنـده حـلال وغناتـي=تلقـاه دايـم يعتـذر دون شـيـه

قصيدة رائعه صح لسان الشاعرعضيب
والشاعر محمد
مشكور مشرفنا ابويارا

بيض الله وجهك يا أبو يارا على أضافة لنا قصائد شعار كبار ولنا الفخر والمفخرة انهم من قبيلة حرب وسمعتنا عذب الشعر النبطي
تقبل خالص محبتي مع تقديري لك

مساجله جميله نابعه من موده : صح لسان الشاعرين
الله يعطيك العافيه اخوي منصور وبالنسبه لقصيدة ابن هديب فيها خطاء املائي
مثل
فزيـت بالمكتـوب قبـل القرياتـي

واجبـت للدالعيـن علـمٍ ثبـاتـي

مساجله رائعه صح لسان الشاعر عضيب والشاعر محمد هديب،،،
عاداتك ماتجيب الا الجزل يابويارا،،، الف شكر على النقل.