من عاش بالدنيا يشوف العجايب أحمد الناصر

السلام عليكم ورحمة الله وبركاته
أسعد الله اوقاتكم بكل خير .. قصيده للشاعر الكبير / احمد الناصر الشايع
اتمنى ان تستمتعوا بقراءتها

كل من عـاش بالدنيـا يشـوف العجايـبمثـل ماشـفـت بالدنـيـا وشفـتـه باهلـهـا

قمت ابرق وافرق بيـن مخطـي وصايـبمثـل فـرق الجبـال النايفـه مـن سهلـهـا

والتوافيـق عنـد الله حـظـوظ و وهـايـبعـنـد رب يـجـازي كــل نـفـس بعمـلـهـا

اشـهـد ان الـهـدوم يـسـتـرن المـعـايـباثـرهـا تسـتـر الحـرمـه وتسـتـر فحلـهـا

الاوادم بعضهـم مـثـل وصــف الجـلايـبلـو توحّـد بهـا ذيــب الـخـلا كــان اكلـهـا

كم صبيٍ تحسب انـه عطيـب الضرايـبوان بخصته , كرهت الديـره اللـي نزلهـا

مايسر ان حضر , وان غاب ماقيل غايبمــار الارزاق عـنـد الله لخلـقـه كفـلـهـا

مـايـضـد الـضـديـد ولايـفـيـد الـقـرايــبيـوم نفسـه تـعـدى حـدهـا مــن زعلـهـا

وفيـه رجـل يحـل المشكلـه والنشـايـبكـــل ماحـمـلـوه الـواجـبـات احتـمـلـهـا

واقـــفٍ لـلــزوم ومـرتـكـي لـلـنـوايـبوالحـمـول الثقـيـلـه مـالـهـا الا جمـلـهـا

ليـت روحـه قبـل تركـز عليـه النصايـبحـط عنـه اربعيـن مـن الـزلايـب بدلـهـا

وفيـه منهـو مسالـم مايـحـب الطـلايـبما اشتقى من رضى نفسه ولا من زعلها

وفيـه منهـو اذا كبـرت عليـك المصـايـبسـاق وجهـه وجاهـه لـك ونفسـه بذلـهـا

وفيـه منهـو يبـا الجـودا فـلاشـك هـايـبكـل مانـاض صـدره جـى عضـوده خللها

وفيـه منهـو يحـل المعجـزات الصعـايـباصغـر افعالـه الجـزلات مـحـدن فعلـهـا

وفيـه منهـو يعيـش وعيشتـه بالسبـايـبكـل ماسمـع غلطـة مـن رفيـقـه نقلـهـا

وفيه منهو علـى نفسـه رضـى بالغلايـبالله اللـي رفــع نـفـس ونـفـس خذلـهـا

لــو تـبـي تنصـحـه لله مـجــر الهـبـايـبانـكــرك والنصـيـحـه ردهــــا ماقـبـلـهـا

اشهـد انـه عقوبـه مــن كـبـار العقـايـبقاصـر المعرفـه قلبـه كمـا قـلـب بلـهـا