لاقلت يـــمه حنان هالإسم يكفيني؟؟؟

لاقلت يمه حنان هالاسم يكفيني؟؟؟

لاقلت يمه حنان هالاسم يكفيني؟؟؟

لاقلت يمه حنان الاسم يكفيني
وشلون ضمت يدينك يابعد رأسي...

يمه يايمه دخيلك لا تخليني
محتاجه قربك وحضنك يابعد ناسي...

محتاجه عطفك دخيل الله ضميني
لاتتركيني لدنيا قلبها قاسي....

يالغاليه بشوق جيتك لاترديني
جيتك وخطوات رجلي تسبق أنفاسي..

محتاجه لك حيل ومحتاجه تلميني
من قسوة الوقت ومن تعذيبه القاسي...

أبي بعيونك عن احزاني تشيليني
وابي بحضنك أفارق هم وسواسي...

وأبي حنانك وكلماتك تغطيني
من مقدم الرجل لين اخر شعررأسي...

وأبي أحس بشعور ٍ منك يكسيني
عطف ومحبه وحنان ٍ دون مقياسي...

يمه كبرت وكبر هم الزمن فيني
ومن لوعة الوقت قلبي عايش يقاسي...

محتاجه حضنك أمانه لاتلوميني
محتاجه اعاود طفوله كلها أوناسي...

برّجع الوقت وانسي اللي معنيني
يومي صغيره وحنانك ماليءً كاسي...

يمه ذكرت الزمان الماضي بعيني
ماضي الطفوله السعيده وروعة إحساسي...

كم كنت أضمك وكم مره حضنتيني
وكم نام راسي على صدرك وهو ناسي...

وكم كنتي تبكين من فكر يبكيني
وكانت عيونك فداك القلب حراسي...

وكم كانت مناك دايم بس تشوفيني
احلى وأنظف " بنيه " بين جلاســي...

وياما وياما سهرتيلي تواسيني
لأونست ضيقه وزار الهم مجلاسـي...

وكم كان حضنك عن الخلان يغنيني
وكم كان عشقك لفرحي ماله قياسي...

الله ياذاك الزمان شقد يحيـيني
ليته يعود وتعوووود أفراح وأماسي...

ياليتني ماكبرت ولاقسى ليني
وبقيت طفلٍ همومه لعب وأكياااسي...

يالغاليه جيت لك شوقي يقديني
كبير لكن بقربك يصغر إحساااااسي...

يمه يايمه أنا بنيتك تحبيني
أدري وربي ولكن بقهره يــأسي..

.بحطم الحزن فيني وأقهر سنيني
وبقول للهم "ياقلب العنى" ناسي...

بنسى عذابي بحضنك لاتهديني
من بعد حضنك يزيد الهم هوجاسي...

لاتتركيني وضمي يديك ليديني
لمسة كفوفك تبدد قسوة أتعاسي...

أبي أعاند زماني وظلمه الشيني
وأبي بقربك أرده عني الخاسـي...

ياأعز ناسي وياكل الكون في عيني
ياملهمتـني المحبه وصيت نومــاسي...

يفداك عمري وروحي وكل مغليني
ويفداك كلي وأنا من رأسي لساسي...

ياأغلى غرام ربى داخل شراييني
وياأعذب شعور ٍ سكني وياأجمل إحساسي..




مما رااااااق لي....فديتك يايمه

نعم انه الوفا

الوفاء من اجمل مافي الحياة
واخاصة للوالدين الذين هم
هم اهل الوفاء لأن العقوق
هو نقيض الوفاء اعاذنا
الله وياكم قراءنا الكرام منه

اشكر الاخت
صاحبة القلم المفيد
والعلم الاكيد
والاختيار السديد

مـيـس

أخي غازي مرورك على القصيدة أنار حروفها
بإضافانك الرائع التي خُضبت حروفها بدم البر بالوالدين

و ثنائك يتوج راس كل موضوع اطرحه أو قصيدة
أختارها
لك شكري وامتناني بمرورك الرائع

لاقلت يمه حنان الاسم يكفيني
وشلون ضمت يدينك يابعد رأسي...

نعم الام والجنة هذا هو طموح كل شخص

نسال الله ان نكون من البارين بوالدينا ومن المطعين لهم

اشكرك اختي على هذا النقل والاختيار الجميل

وبارك الله في جهودك المميزة

لك تحياتي

أبو وسيم مرورك غيمة وسم هطلت بركتها على القصيدة
بإضافاتك المبروكة التي رصعت حروفها بالذهب بدعوة البر بالوالدين
لك شكري وتقديري