بلسم ضد سم الافاعي

قصيدة اخي ابا فيصل غازي ابو زوايد كانت بلسم لدغه ودواء جرح ....
ولتاثري بالقصيدة شكلا ومعنى ومضمون اترجم اعجابي هنا ....

رد الرجل لاصار معقول ومصيب=خصٍّ ليامن صار قول بمحله
عملة فخر تخرج من الجيب للجيب=وتقويم للسانٍ تعوّد لزلّه
وانته يابو فيصل عرفناك ماتغيب=عند المواقف ثابت ٍ كالمسله
رديت ردٍّ يفحم الخصم ويشيب=ويسكت افواهٍ مبخراتٍ مغلّه
وترى القلوب اللي بها حقد مع ريب=مثل الافاعي سمّها تستملّه
وامجادنا اكبر من سويلم شعيب=تكفى يابو فيصل لاواجهك قله

صح لسانك ابو عبد العزيز

وافي الرد و وافيه الابيات

ورد ابو فيصل مثل ماشبهته بلسم لدغة الافعى ....

الله يديم عزنا على الدين والشرف والطيب

مشكور يابو عبدالعزيز

صح لسانك ابوعبدالعزيز تسلم اياديك

وامجادنا اكبر منك يا سويلـم شعيـب
تكفى يابو فيصـل لاواجهـك قلـه


كلى فخر وسعاده بالمجاره الغاليه من الرجل الغالي الشاعر الفذ / خلف بن عتاق الفريد

صح لسانك وإعتلا شأنك


تحيتي

فعلا للإبداع اهله وانت منهم ياعندليب المجالس
شاعرنا العذب / خلف الفريد
صح لسانك على هذه المجاراة لشاعر يعتبر علما من اعلام الشعراء
شكرا لك على هذه الاضافة الرائعة
وتقبل خااااااااالص التقدير

صح لسانك يابوعبدالعزيز على الابيات الجزله.

صح لسانك اخوي خلف الفريد والله لايهينك

كل الاحبة الغالين الذين ضمخوا موضوعي بعطر مرورهم وردودهم .....

اشكركم على هذا الفيض الاخوي والشعور النبيل والثقة الكبيره ....
لاعدمتكم

ماقصر الشاعر ابو فيصل بيض الله وجهه
ونت وجهك ابيض يا خلف على المجاراة الرائعة
والجزلة قمة الرد والفخر ولنا بقصائدكم
جعلكم الله رماحاً دون القبيلة
ولكل يعلم بذلك ان شعراء القبيلة رماحاً لها
تقبل مروري يا ابا عبد العزيز

مشعل المجالس

مرورك العطر زاد قصيدتي بهاءا وجمالا ...
والمراد كما ذكرت وابو فيصل كان رده فوريا فله كل تحيه ..
اشكرك على طيب المشاعر والثقة الكبيره
لاعدمتك