يبقى الغلا من بين الاحباب ماراح

يبقى الغلا من بين الاحباب مـاراح=ويبقى اللقاء من بين الاحباب ذكرى
مقابلك حلم وبـه البـال ينسـاح=والفرحه إليا شفتـك اكيـد كبـرى
صرح المحبه طول الايـام ماطـاح=حتى لو إن ظروف الايـام قشـرى
عـزالله انـي مانسيتك..ولاارتـاح=إلا لاجاء صوتك للاسمـاع يطـرى
ماغير صوتك يالغلا طب الاجـراح=طبي وأنا شاريه لو كـان يشـرى
مادام شوقي في سماء الحب لـواح=ماابغيك تحفر له على الارض قبرى
ظلام هجرك يبطله منـك مصبـاح=في هجرك تجي بيض الايام غدرى
ريحتني بوصالك ووصلـك وشـاح=وافهم قصيدي..وانت بالعين تقـرى
غلاك له فالقلب مضوى ومسـراح=وفكري وقلبي معك في حكم الاسرى
في ذمتي مالك عن القلب مـرواح=وان ذمتي من نكث الاوعاد تبـرى
شاريك بسلـوم المحبيـن ياصـاح=واغلى الغلا ينصاش ياأعز عـذرى
طيب الغلا من بيننـا يالغـلا فـاح=وانت بغلاتك ياهوى روحـي أدرى
خلنا نعيش بحب ترتاح ..وأرتـاح=عمري ترى ماهو يبي غيرش أخرى
رسالتك قبل امس مضمونها أمواح=عزالله انها تجعـل الجـرح يبـرى
الشاعر ....النداوي

شاريك بسلـوم المحبيـن ياصـاح
واغلى الغلا ينصاش ياأعز عـذرى

ابو عادل شرفني مرووووووورك الرائع تقبل تقديري

شعر رائع
صح لسان الشاعر
وتسلم يمينك اخي ابن مطيع

صح لسااان الشاعر وبيض الله وجهك عالنقل

المشاركة الأصلية كتبت بواسطة ميس الريم

شعر رائع
صح لسان الشاعر
وتسلم يمينك اخي ابن مطيع

ومن يقوول يسلم شكراً أختي ميس

المشاركة الأصلية كتبت بواسطة نايف بن مياس..

صح لسااان الشاعر وبيض الله وجهك عالنقل

وجهك أبيض يانايف