قصيده موجهها لنايف بن مياس

السلام عليكم ورحمة الله وبركاته

يا نايف شليويح يا ابن الطحاطيح=ياللي كلامك دايم في محله
الوضع مزري يابعيد المطابيح=ما هو على ما قيل فنجال دله
ازريت لا اجامل نفوس المراويح=اللي تزود علة القلب عله
ناس تعل اهل القلوب المجاريح=ويزودن الطين يالذيب بله
لو كان ودي بالسعه والتساميح=الخلق ما كل تبي تحتمله
واليوم عندي طب يا ابو شليويح=بعدن عن العربان راحه وفله
اناعن العالم عشقت التصافيح=ما عاد لي بمقرد الخلق لله
عن مدحت الطيب وذم المشاحيح= يانايف المياس مغنيني الله
وسلامتكم

صح السانكـ
قصيده رائعه..

صح السانك يابن عواد تسلم على القصيدة الرائعه
وبيض الله وجهك على الجزلة بنتظار جديدك
وقول لك أهلاً وسهلاً بنظمامك الى مجلسك ومجلس ربعك
بنتظار رد بن مياس
تقبل مروري مع التحية
ܔܛ مشعل بن مطيع ܔܛ

صح لسانك اخوي نواف

قصيدة رائعة

ونحن بانتظار الرد من الشاعر نايف

تقبل تحياتي

صح لسانك يانواف وابشر بالرد لو انك حشرتنا بوجه رمضان

صح الله ابدانكم وننتظر رد ابن مياس