أنا أشهد أن نايف يعرف الرياجيل

أنا أشهد أن نايف يعرف الرياجيل***

هذه قصيده قالها الشاعر /عبد الله بن عبداللطيف بن صلهام العتيبي
من اهل ساجرفي سعادة الفريق الركن/غيث بن غازي الحربي
عند فك أسر ركاب الطائره الروسيه في المدينه المنوره

أنشهد أن نايف يعرف الرياجيـــــل = اللي الى راحت تسد اللزومــــي
مثل بن غازي غيث نسل المشاكيل =كاسب ثقات من الرجال النعومي
دكتور في طب الكبود المغاليــــل = علة نحر لمخرمين الخشومــــــي
فاتل وناقض مبهمــــــات المحابيل = ليا لمع برق الفتن فالغيومـــــي
بأوامر اللي ياصلون المواصيــــــل = سترالخشوف مرودعات الوشومي
ويليق بك تسطير جزل التماثيـــــل = ياحامل أنواط الشرف والوسومي
والشعر ديوان العرب مثل ماقيـــل =وله الشرف لو يكتبك كل يومـــــي
حربي لون السيف والجيش والخيل = تشهد لتشهد له بثني الخصوصــي
من لابه معهم تطول التفاصــــــيل =حرب الدول وموردين السهومـــــي
ويابو عمر لولاك والجدي وسهيل = مالي ورى شرد القوافي لزومــي
مالله خلقني لأجل جمع المحاصيل =ولا مودة ساهجين السلومـــــــــي
اليا وفاء الطيب ثنيت الفناجيــــل = وليااعتذرني ما ظلمت الرخومـــي
رجل خلقه الله لكسب التنافيــــل = ورجلٍ عن النفعه تقول محرومـــي
وهايبٍ من عند منشي المخاييـــل = حظٍ يطيح ومثل حظك يقومـــــــي
لعل يفداك الردي بارد الحيـــــــل = وعمرك على الطاعه وعزك يدومي
والله يعز أهل السيوف المصاقيل = حكام نجد مفرجين الهمومـــــــــي
اللي من أجل المملكة تسهر الليل = ومن تاه لابده يعرف اليمومـــــــي
مهفين قدر مروجين الأباطيــــــل = ومضيع المله يعيش مخزومــــــــي
وسلايل معزي كعام الحلاحيـــل = حتى ولو في عصر حرب النجومي
حريبهم لوهوعدى في طرف ليل = تضيق به بدري وساع الهدومـــي
ما للدعايه في بلدنا مداخيـــــل = لو صدقوها قاصرين الفهومـــــي
هذا كلام اللي عليه الدواليـــــل = مهوب هرج مسحبين العلومــــي
يعيش من يوفي الرجال المكاييل =في ماقفه والله غفور ٍ رحومــــــي
وأختامها ياغيث مع خنة الهــيل = خير الكلام بمبتداه مختومـــــــــي
أنشهد ان نايف يعرف الرياجيـل = اللي اليا راحت تسد اللزومـــــــــي

--أنشهد أن نايف يعرف الرياجيل = اللي الياراحت تسد اللزومي

-- مثل ابن غازي غيث نسل المشاكيل=كاسب من ثقات الرجال النعومي

--يليق بك تسطير جزل التماثيل= ياحامل أنواط الشرف والوسومي

-- شكرا ً لقـيلها وناقـلها ويستاهل الفريق الركن غـيـث بن غازي الحربي

-- اخي منصور الوسوس شكرا ً على حسن الختيار وحسن الطرح

-- لك مني جزيل التقـدير والاحترام على هذه القـتـباسات النادره

-- احوك مبارك بن ناصر بن حديد

بيض الله وجهك ع المشاركه

الأخ منصور الوسوس
أشكرك من أعماق قلبي على القصيدة الجزلة من شاعر جزل قالها معبراً ما بظميرة من أحساس وكلمة حق
صح السان الشاعر ويستاهل غيث الحربي
وتستاهل كل خير على الجهود المبذولة
تقبل مروري