على ذكرى الغرام وشرهة الغالين للغالين**بعد قفت وسومك واجدبت خضر البساتيني ...

مساء الخير.
قصيدة مميزه للشاعر/ محمد بن مريبد العازمي
اتمنى ان تنال اعجابكم ورضاكم...

على ذكرى الغرام وشرهة الغالين للغالين
بعد قفت وسومك واجدبت خضر البساتيني

ضميتك بعد طولت الغياب ولا غفت لي عين
وانا لو انت بحري واشربك ما اظن ترويني

انا ما اعاتبك ليه الجفا لاني اعرفك زين
لاكني لا كتبت الشعر في مثلك يسليني

ادور لك عذر بين الظروف وسجت السالين
وادله خاطري في كل لحظه بينك وبيني

عسا الله لا يعيد الضيقه اللي في مساء الاثنين
بعد ما جرحتني من فرااقك ودمعت عيني

هذاك اليووم لينت الخفوق اللي حشى مايلين
لو تلين الرجال اللي على الشدات قاسيني

رحلت وضاقت الوجهات الاربع قلت اجيك منين
ولابه غير درب لو سلكته ما يوووديني

تغانمت الطريق اللي يجي بيتك من الصوبين
احسب اني بشوفك واحسبن الوقت يمديني

تركت الدار بيساري واخذت اول طريق يمين
وانا شهب العلووم تحدني والشوق حاديني

على وصل الهنوف اللي تمخطر بين حين وحين
مرابعها القصيد وبيتها بين الشرايني

نبت في وصلها توت المحبه والكرز والتين
وتمايل كل غصن شوقه ندف الرياحيني

عليها يمين ما تنسى الغلا ولها علي يمين
ما ينقص من غلاها شي دااام الله محيني

صح لسان الشاعر المبدع محمد مريبد
وسلمت اناملك على هذا الاختيار
مع واااااافر التقدير

منصور الوسوس
يسلمو يا الغالي