شفت العماير يوم راحت تناتيف

هذه القصيدة موجهة للشاعر الكبير / شريف بن راكب
حيث اسندها له الشاعر العذب والمبدع دائما أحد أبرز
شعراء الفرده بالنظم شاعر يعرفه الجميع من خلال جمال طرحه
وروعة مفرداته وجزالت معانيه انه الشاعر : عبيد بن نهار الفريدي .
وسوف أنقل لكم قريبا رد الشاعر العلم : شريف بن راكب

وش حل حلمي كان ماهو تخاريف=يا مفسرة حلم السواد وصدفها
اشوف ميقافي بعال المشاريف=من عصر لين الشمس كفت طرفها
ادرج نضر عينن تهل الذواريف=على بقايا دار ما الله خلفها
غيّم سماها من كتام العواصيف=واستسرجت نار الدمار بسعفها
قامت تنسفها الصواريخ تنسيف=تنسيف ندافن لفرشن ندفها
باسراب ميراجن سوات الخواطيف=ببطونهن موتن مصفى ارففها
شفت العماير يوم راحت تناتيف=من عالي اسطحها لسافل غرفها
اكبر عماره بالمدينه هكالصيف=صباتها كبر الاضافر شقفها
حلمٍ على ودٍ من العلم به زيف=يابو محمد شمس عمري خسفها
تباً لهل دنياً يكيلون تطفيف=وتباً لنفسٍ عذرها ما عسفها
متقلدٍ شيطانها صارم السيف=اركى عليها ولعن الله جدفها
ماهو غرام بحب حشو النفانيف=حقي من الخفرات حضي قطفها
فاتن ثمان سنين جردٍ مراديف=وضحكات صفران الشدوق نعرفها
ما زعزعني بايهات السواليف=وحلوف كذابٍ بربي حلفها
يوم النجوم المبرهزه مكاسيف=وكلاب مسعى السوق ينضح قرفها
طارن طرالي راوده طاري السيف=اما صلاح الحال والا تلفها
اما به المركب تزفه مجاديف=على اخر الميناء ونركز هدفها
والا تصير حكايتن للمزاهيف=يفرح بها نقال هرجٍ حذفها
يجرها بعصير سوق الهفاهيف=ريحة هواء طبخ الحرام وصلفها
هذا كلامي يابعيد الاطاريف=خذ واردٍ صرف المصارف صرفها
من سلم سوق النقد تبرى المصاريف=صاف الثمين اللي تلاعج صنفها
وعطني من مصيبك ردود المضاريف=دامه ورد جم البحور وغرفها
ما ينتعلى سد روس الشفاشيف=لانهل من عالي روابي شرفها
تم الكلام ولابقي لي تحاسيف=والنفس ماتلحق عليها بأسفها

وهنا رد الشاعر الكبير وأحد أعلام الشعر المعاصرين
شريف بن راكب الفريدي ...

عديت راس اللي لها بالوحش قيف=كم عاد غيري واحدٍ مانصفها
واتعبت رجليّه بكثر التواقيف=وقفت وقفه صاحبي ما وقفها
من هاجسٍ خلاني ارجع وانا معيف=وانسى الضعون اللي ترفرف عطفها
واسباب مابي ياملا دون توصيف=عبرت عزيزٍ من عيونه ذرفها
من قال سم بسم حرش الزواحيف=وراح وتناول فروته والتحفها
عبيد كتفني بالامثال تكتيف=صدّدر بصافيها وخلا عذفها
يا عبيد ما نارك حطبها من الليف=وعلي معصير الهبايب نسفها
وعندي خبر باسباب كل التخاليف=وسير السفينه والهوى اللي جعفها
لكن عسى ماصار رحمه وتخفيف=اصبر على ميلت زمانك وطفها
دام انها مابين نجران وطريف=والسيل دارك سالمه ماجرفها
قدام يوم يقال عندك لها ضيف=وغصبٍ على من كان تاخذ ضيفها
يا عبيد لو دنياك تمشي على الكيف=كلٍ تعرض دربها ثم حرفها
هذا وبين الحلم والعلم والطيف=ابعاد لو دكتورها ماوصفها
يا عبيد خذ رايي وراي المناكيف=كلٍ ذلوله باركه من ضعفها
خل الفقارى اللي تنشد عن الريف=ترى هل البـل منذرين بحوفها
كم واحدٍ ركب المراكب ولاشيف=يخطف بليل وصيدته ما خطفها
وليا انحدر فيه الرشاء للغراريف=حط الملام بلحيته ثم نتفها
اليا شاف له يومٍ كثير التكاليف=يلقاه من شيطان نفسه لقفها
يا عبيد ما ودي يقولون يا حيف=دارٍ بها ماترفع الراس عفها
دام ان صفحاتك قمر وسط الارشيف=تكفى عليهن صورة الشمس ضفها
وساير زمانك لو على مد وانصيف=لو تطرد الوجبه ولو تستلفها
وحظك معك لوكنت بالجو لجنيف=حكمه لنا الله في كتابه كشفها
وكم واحدٍ حقه من المال توليف=ركب القطار وخبزته ما شلفها
اللي على بابه عن المد تغليف=وكّل على يده البعيد وكتفها
الله ينظف دار الاجواد تنظيف=من عالمٍ شيطانها في حففها
من راح حطو فوق راسه غطاريف=ومن شد حاجه تلها ثم لهفها
وتباً لدنياً برقها له رفاريف=من فوق صيرانٍ تشح بحجفها
وتباً لرجلٍ مايعرف المعاريف=نفسه على درب الوفاء ما كلفها
طال الكلام وبلغت الهرج تقطيف=واسمح بلفاتٍ عميلك شطفها
ان كان بالمعنى تناقض وتحريف=وحرفتها قدام تجي محرفها

الشاعر العذب و الرائع الذي جعلنا نرتوي من قوة الشعر ,وجزالته الرائعه الشاعر عبيد بن نهار الفريدي
,وبنتظار الشاعر المميز وشاعرنا القدير بن راكب
الأخ القدير والمشرف العام المجالس منصور الوسوس
أبو يارا تبقى علماً عالياً يرفرف في سماء الأبداع
قصائد حصرية تكون من نصيب المجالس بجهودك المباركة
ومتابعتك لكل جديد في ساحة الشعر وشعراء الفردة الذي كتبو شعرهم في التاريخ نجدها هنا في
مجالس الفردة مجالسهم وبوابتهم للعلام الخارجي
تقبل مروري المتواضع

فاتن ثمان سنين جردمرا د يف=وضحكات صفران الشدوق نعرفها

الله الله الله درك من شاعر
وبيض الله وجه ابا يارا كعادته

وراييى الشخصي وممكن يكون غلط
ان الشاعر يجب يقول كذى
او يسكت افضل

بيض الله وجهك اخي ابو يارا
على الاختيار الرئع والف شكر

وصح لسان شاعرنا الكبير عبيد نهار
عودنا على الابداع

صح لسان الشاعر العلم عبيد بن نهار


وبإنتظار رد الشاعر العلم شريف بن راكب


وسلمت يمينك ابا يارا على نقل الجزل من شعر شعرائنا



تحياتي

صح لسان الشاعر وبيض الله وجهك على وضع القصيده

صح السان

الشاعر عبيد بن نهار الفريدي

وهذه احدى روائعه الشعرية

وشاعرنا المخضرم بن راكب كفوا

لتفسير هذا الحلم الشعري

كما نشكر مقدمها لنا منصور الوسوس

صح لسان الشاعر عبيد بن نهار ولا هو غريب عليه مثل هذا الابداع ...
وقد اسندها على شاعر علم سوف يكون رده بمستوى هذه الرائعه ...
كما اشكر ناقل كل جزل وجميل العزيز ابو يارا الذي عودنا على اختيار الدرر ....
اشكركم جميعا

صح لسان الشاعرين الكبيرين ابن العم عبيد نهار المزرم الفريدي والشاعر الكبير المميز ابومحمد شريف على هذه الدرر سلمت يمينك ابويارا

المشاركة الأصلية كتبت بواسطة منصور الوسوس

هذه القصيدة موجهة للشاعر الكبير / شريف بن راكب
حيث اسندها له الشاعر العذب والمبدع دائما أحد أبرز
شعراء الفرده بالنظم شاعر يعرفه الجميع من خلال جمال طرحه
وروعة مفرداته وجزالت معانيه انه الشاعر : عبيد بن نهار الفريدي .
وسوف أنقل لكم قريبا رد الشاعر العلم : شريف بن راكب

وش حل حلمي كان ماهو تخاريف=يا مفسرة حلم السواد وصدفها
اشوف ميقافي بعال المشاريف=من عصر لين الشمس كفت طرفها
ادرج نضر عينن تهل الذواريف=على بقايا دار ما الله خلفها
غيّم سماها من كتام العواصيف=واستسرجت نار الدمار بسعفها
قامت تنسفها الصواريخ تنسيف=تنسيف ندافن لفرشن ندفها
باسراب ميراجن سوات الخواطيف=ببطونهن موتن مصفى ارففها
شفت العماير يوم راحت تناتيف=من عالي اسطحها لسافل غرفها
اكبر عماره بالمدينه هكالصيف=صباتها كبر الاضافر شقفها
حلمٍ على ودٍ من العلم به زيف=يابو محمد شمس عمري خسفها
تباً لهل دنياً يكيلون تطفيف=وتباً لنفسٍ عذرها ما عسفها
متقلدٍ شيطانها صارم السيف=اركى عليها ولعن الله جدفها
ماهو غرام بحب حشو النفانيف=حقي من الخفرات حضي قطفها
فاتن ثمان سنين جردٍ مراديف=وضحكات صفران الشدوق نعرفها
ما زعزعني بايهات السواليف=وحلوف كذابٍ بربي حلفها
يوم النجوم المبرهزه مكاسيف=وكلاب مسعى السوق ينضح قرفها
طارن طرالي راوده طاري السيف=اما صلاح الحال والا تلفها
اما به المركب تزفه مجاديف=على اخر الميناء ونركز هدفها
والا تصير حكايتن للمزاهيف=يفرح بها نقال هرجٍ حذفها
يجرها بعصير سوق الهفاهيف=ريحة هواء طبخ الحرام وصلفها
هذا كلامي يابعيد الاطاريف=خذ واردٍ صرف المصارف صرفها
من سلم سوق النقد تبرى المصاريف=صاف الثمين اللي تلاعج صنفها
وعطني من مصيبك ردود المضاريف=دامه ورد جم البحور وغرفها
ما ينتعلى سد روس الشفاشيف=لانهل من عالي روابي شرفها
تم الكلام ولابقي لي تحاسيف=والنفس ماتلحق عليها بأسفها

وهنا رد الشاعر الكبير وأحد أعلام الشعر المعاصرين
شريف بن راكب الفريدي ...

عديت راس اللي لها بالوحش قيف=كم عاد غيري واحدٍ مانصفها
واتعبت رجليّه بكثر التواقيف=وقفت وقفه صاحبي ما وقفها
من هاجسٍ خلاني ارجع وانا معيف=وانسى الضعون اللي ترفرف عطفها
واسباب مابي ياملا دون توصيف=عبرت عزيزٍ من عيونه ذرفها
من قال سم بسم حرش الزواحيف=وراح وتناول فروته والتحفها
عبيد كتفني بالامثال تكتيف=صدّدر بصافيها وخلا عذفها
يا عبيد ما نارك حطبها من الليف=وعلي معصير الهبايب نسفها
وعندي خبر باسباب كل التخاليف=وسير السفينه والهوى اللي جعفها
لكن عسى ماصار رحمه وتخفيف=اصبر على ميلت زمانك وطفها
دام انها مابين نجران وطريف=والسيل دارك سالمه ماجرفها
قدام يوم يقال عندك لها ضيف=وغصبٍ على من كان تاخذ ضيفها
يا عبيد لو دنياك تمشي على الكيف=كلٍ تعرض دربها ثم حرفها
هذا وبين الحلم والعلم والطيف=ابعاد لو دكتورها ماوصفها
يا عبيد خذ رايي وراي المناكيف=كلٍ ذلوله باركه من ضعفها
خل الفقارى اللي تنشد عن الريف=ترى هل البـل منذرين بحوفها
كم واحدٍ ركب المراكب ولاشيف=يخطف بليل وصيدته ما خطفها
وليا انحدر فيه الرشاء للغراريف=حط الملام بلحيته ثم نتفها
اليا شاف له يومٍ كثير التكاليف=يلقاه من شيطان نفسه لقفها
يا عبيد ما ودي يقولون يا حيف=دارٍ بها ماترفع الراس عفها
دام ان صفحاتك قمر وسط الارشيف=تكفى عليهن صورة الشمس ضفها
وساير زمانك لو على مد وانصيف=لو تطرد الوجبه ولو تستلفها
وحظك معك لوكنت بالجو لجنيف=حكمه لنا الله في كتابه كشفها
وكم واحدٍ حقه من المال توليف=ركب القطار وخبزته ما شلفها
اللي على بابه عن المد تغليف=وكّل على يده البعيد وكتفها
الله ينظف دار الاجواد تنظيف=من عالمٍ شيطانها في حففها
من راح حطو فوق راسه غطاريف=ومن شد حاجه تلها ثم لهفها
وتباً لدنياً برقها له رفاريف=من فوق صيرانٍ تشح بحجفها
وتباً لرجلٍ مايعرف المعاريف=نفسه على درب الوفاء ما كلفها
طال الكلام وبلغت الهرج تقطيف=واسمح بلفاتٍ عميلك شطفها
ان كان بالمعنى تناقض وتحريف=وحرفتها قدام تجي محرفها

المشرف

المبدع

وقلب المجالس

منصور الوسوس

لاهنت ياابا يارا

على هذه الجهود الجبّاره

وثق ان كل ماتقوم به هو محل

تقدير وإعجاب من الجميع

ومما لاشك فيه ان توهج المجالس

وتوالي نجاحاتها يعود الفضل فيه

بعد الله الى دعمك اللا محدود

وتواجد الدائم ولعل هاتين

((((الدرتين))))

من الشاعرين العملاقين

((عبيد نهار الفريدي))

و

((شريف محمد الفريدي))

ماهي الاّ حسنة من حسناتك

لله درك ياابا يارا

لقد قرأت هنا الشعر الحقيقي

الذي يحمل اجزل المعاني

واجمل الصور واعمق المضامين

وهذا الإحتراف في الفتل والنقض

لايجيده الأ مثل هؤلاء الكبار

لكم جميع كل الشكر والتقدير

وهذا مانحن بحاجته من الجزاله

هكذا الشعر والإّ فلا,,,,,,

لقد شربت من عذوبة هاتين الغيمتين

حتى ارتويت

اسعد الله قلبك كما اسعدتني وببلت كبدي