30-07-10, 02:37 AM
|
المشاركة رقم: 1 |
| المعلومات | | الكاتب: | | | اللقب: | شاعر
| | الرتبة: | | | الصورة الرمزية | | | | البيانات | | التسجيل: | Jun 2010 | | العضوية: | 3010 | | الاقامة: | القصيم | | الجنس: | ذكر | | المواضيع: | 126 | | الردود: | 671 | | جميع المشاركات: | 797 [+] | | بمعدل : | 0.15 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  متى على الله يطلع سهيل.........بن مياس
السلام عليكم ورحمة الله وبركاته:-
هذي قصيده تعبر عن نفسها واعتذر للي طلبوا مني غزل باذن الله بالقادم
متى على الله يطلع سهيل ويبين=ويعود للصقار وقت انفراجه
راع الولع بالصيف مثل المساجين=وان قرب المقناص هذا خراجه
لوكان مابه غير وحده وثنتين=البر تكفي شوفته وانسهاجه
لاصرت مع ناس حشام وعزيزين=تلقى سلى الخاطر وتلقى علاجه
على المتاعب والمقانيص ضارين=مافيهم اللي ما يطابق مزاجه
تشاوروا واختاروا الموقع الزين=ما احد يخالفهم ويكثر لجاجه
وإذا امرحو مع نجمة الصبح صاحين=ويمشون قبل النور يبداء انبلاجه
تلقى لهم دار الحباري ميادين=ولاهمهم درب الوعر وانعراجه
ثم انتهض حر بطلعه نياشين=كنك تشوف الخرب باوسط حجاجه
حر مواكيره بروس الضلاعين=ماهو بجير فرخوه الخواجه
واطلب على طلعه يفر الجناحين=يلعب كما القرطاس وسط العجاجه
وحول على الخرب المكوبر بعزمين=غير الشجاعه صاحبه وانحراجه
من ضربته تلقى ثناديه نصفين=والقلب لا ذاقه وشاحه وتاجه
هذا هوى بالي وذي قرة العين=إن كان شفي زين وإلا سماجه
وارجو السموحه يالرجال الميامين=إن كان فيها زلة وانعواجه
وسلامتكم
نايف بن شليويح الفريدي
التعديل الأخير تم بواسطة نايف بن مياس.. ; 30-07-10 الساعة 02:53 AM |
| |
العرض العادي
