28-07-10, 03:04 AM
|
المشاركة رقم: 1 |
| المعلومات | | الكاتب: | | | اللقب: |
عضو مجلس الإدارة
| | الرتبة: | | | البيانات | | التسجيل: | Jun 2007 | | العضوية: | 539 | | الاقامة: | بـريـدة - الحي الاخضر | | الجنس: | ذكر | | المواضيع: | 2042 | | الردود: | 12058 | | جميع المشاركات: | 14,100 [+] | | بمعدل : | 2.21 يوميا | | تلقى » 45 اعجاب | | ارسل » 172 اعجاب | | اخر زياره : | [+] | | معدل التقييم: | | | نقاط التقييم: | 598 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  لوقـت غـلاب والعربـان نقـاده
الدار لا كـدرت صافـي مشاربهـا=مـا قادنـي يمهـا شـف ولا راده
أشـوم عنهـا وأخليهـا وأجنبـهـا=الذيب يبخص مصاديـره وميـراده
العين مـا تبكـي إلا مـن سبايبهـا=الوقـت غـلاب والعربـان نقـاده
سـود الليالـي كثيـراتٍ عجايبهـا=تضحك عيال الخدم وتزعل السـاده
يـا عـل ربـي يعدينـا مصايبهـا=عن ما جرى للعرب ما هيب نشـاده
أحـدٍ يصـدق بهـا وأحـدٍ يكذبهـا=وابن الرخم يحتفل في عيـد ميـلاده
أعـز نفسـي وأعزيهـا وأعاتبهـا=وكثر المجامل ترى ما هوب لي عاده
إن كان نفس الولد نالـت مطالبهـا=وإلا قعـد مقعـد الحقـران مقعـاده
كـل الخلايـق لهـا ربٍ يحاسبهـا=واللي تمني كثيـر منـاه مـا فـاده
اللي يعمـر بهـا واللـي يخربهـا=واللي يواعـد ولا يصـدق بميعـاده
أرض الله الناس تسعى في مناكبهـا=كـلٍ بفالـه بمحـداره ومسـنـاده
بعض الرجاجيل لو تنتف شواربهـا=إن كان رأسه يخلي الـزود وعنـاده
يمناً تقصر عـن الماجـوب عقبهـا=تستاهل اللـوم دوم الـدوم وزيـاده
عبدالعزيز بن سعود(السامر)
|
| |
العرض العادي
