ديوان الشاعر/ عبدالله عبد الرحمن نغيمش الفريدي

ايها القاري الكريم يسرني ان اقدم لك بعض من قصايد
الشاعر المميز / عبدالله عبد الرحمن الفريدي الذي يتميز شعره
با السلاسه والدقة والعفة والرصانه شاعر ليس بمكثر لكنه مجيد
للشعر محبا لجزيله بعيدا عن الهزل .

يــاعــالــم" بـالـبـيّـنــة والــخــوافـــي=تكتـب لـي التوبـة قبـل موعـد المـوت
واعـيــش بطـمـئـنـان والسـتـرضـافـي=اليـوم وايضـا يـوم لـلـدود بــي قــوت
بكـرة اذا استوطـنـت بـعـض المـلافـي=في ماقع" بالطول والعرض (تابـوت)
الــقــاع فــرشــي والنـثـيـلـة لـحـافــي=فـوق اللـحـد مـايـازن الـطـن مكـتـوت
قــبــل مــشــي دفّـانـتــي بـنـصـرافــي=فـي ساعـة فـي سبّـع الارض مكفـوت
يـرسـل اثـنـيـن" يـاخــذون اعـتـرافـي=يـاربـي التثبـيـت فــي قـــول مـثـبـوت
وتفـتـح لــي الجـنـة وتـكـرم مضـافـي=فالبـرزخ المجهـول ياسامـع الـصـوت
يـاطـول فـــي ذاك الـمـكـان انجـعـافـي=لازايــر" يـذكـر وجـيـرانـي اسـكــوت
غيـر العـمـل مـالـي خــوي" مصـافـي=وحبل الرجاء في غيـر الإإلـه مبتـوت
عسـاه طـيـب وابـيـض الـوجـه وافــي=ومن طابت اعماله هاك اليوم مبخوت
نهار يبعث عاري الجلـد 000 حافـي=يـوم الحسـاب اللـي بالاهـوال منعـوت
ان ماحسبنـا احسـاب هــاك الاوقـافـي=راحـت علينـا اعمارنـا بالشقـاء فـوت

اعانق خيالـك شـوق واشتـاق لمحيـاك=لك القلب كله شـوق يامنتهـى احلامـي
طراة الحيـاة ولـذة العمـر فـي لقيـاك=عسى الله يديمـك لـي مادامـت ايامـي
انا يوم اغيب استثقـل الوقـت واتمنّـاك=تمـر الدقائـق يـوم وايامـي اعوامـي
تغيب ويغيب الإنـس والحـس والإدراك=ولا استحضر إلا دمعة العيـن واقلامـي
تقول الهواجيس إنس! وشلون كيف انساك؟=انا كيف ابا انسى بارد الماء وانا ظامـي
شربت المحبـة واتنفـس غـلا واهـواك=تهب الصبا واشتاق مع عـذب الانسامـي
ازورك بجنح الليل واسكن معـاك هنـاك=ولاعنـدي الاشبـه صـورة وهنـدامـي
متى..ياعذابي من متى..كم لي اترجـاك.=متى ألبس ثياب العيد وافطر من صيامي؟

الأُنس شَح اشوي .. والهم موجود=بشت الوناسه فيه قِصْر وقضافـه
مار الأمـل بالله مثنـي ومعقـود=وبالقلب مجتمع الرجا والمخافـه
اخاف معبود علـى حـق معبـود=وارجيه عفوه لو لحقنـي كلافـه
ياسامع النجوى ويافـارج الكـود=بيديك هـدات الشقـا وانصرافـه
انا بوجهك عن نحا كـل مقـرود=خطو الغثيث اللي يحـب اللقافـه
الزول كبر الفيل والفكـر محـدود=مع قلّة التوفيق خبـث وصلافـه
يوم الليال المقمـرة بدلـن سـود=مع دورة الايام فـي قربـه آفـه
لو جاك ياقلبي غرابيـل وألهـود=لا تشتكي جور الزمـن واختلافـه
اصبر لعله تالي الصبـر محمـود=وارفع مقامك عـن مقـامٍ تعافـه
وارفع يديك لراعي المد والجـود=بخلاص ... واطلبه العفو والمرافه
يالّلّه انا بحماك عن كـل منقـود=وعن الطريق المستقيـم انحرافـه

العبرة اللي لنـوم العيـن سراقـه=مثل فراق الحبايـب ليـت افارقهـا
إن حولت من رموش العين حراقـه=وإن استكنت ورى عيني تضايقهـا
نوم العرب لو سليت لعيني شفاقـه=وليا تذكرت دمـع العيـن غرقهـا
يالايمي كف لومك ما ابـي إلحاقـه=يا تلزم الصمت يا اكسكيوزمي سقها
شف حالي اللي براها البين وارقاقه=واسمع شهيق العباير يوم الا حقها
علي الذي مالي بنسيانهـم طاقـه=زينـة حياتـي ولذتهـا ورؤنقهـا
افراقهم ما يبيلـي فوقـه اغلاقـه=يكفي بروحـي يوردهـا مشانقهـا
آخذ مع الموت كتم انفاس وإيفاقـه=خيالهم لا لثـم روحـي وعانقهـا
انا اشهد الروح شفقانه ومشتاقـه=والاذن عن مايقولون العرب صقهـا

في حمى الرحمن ياللي مجافيني=ياعسى لوتقطع الوصل مصيونه
لوجفاني قـرة العيـن مغلينـي=خابر قلبـه بفرقـاي وشلونـه
فرقتنا سـود الايـام مبطينـي=وا عذاب القلب ياما اكبر اغبونه
الرجا مقطوع من بينـه وبينـي=حالت الاقدار والحظ مـن دونـه
ماخذيت اكفايتي منـه بالعينـي=ماحصل للشوف يشبع على هونه
مار له صورة بعينـي اتكفينـي=بين طرف العين والعين مركونه
وله خيال كل ما امسي يمسيني=فيه روحي كل ما امسيت مفتونه
مانسيت الزين لوتبطي اسنينـي=سيرة اهل الحب وامشي بقانونه
من يخون الود ماهو على دينـي=والله اني حافظ الود ما اخونـه
سبلـي يادمعـتـي لاتكنيـنـي=لا متى وانتي ورى العين مكنونه
مابها منقـود بيـن المحبينـي=سنة" بفراق الاحبـاب مسنونـه
خففي عني مصابـي وسلينـي=لو مصاب الحال ماهوب ياهونه

وهذة القصيدة موجودة في مجالس الفردة

المشاركة الأصلية كتبت بواسطة ابوزياد

بسم الله الرحمن الرحيم
السلام عليكم ورحمة الله وبركاته
من منا لم يسمع بما تناقلته وسائل الاعلام المقرؤة والمرئية من اعتداءء سافر على كل قيم الانسانية السوية فضلا عن كونه مخالف لكل تعاليم الدين ومسلمات الفطرة .
وهنا مناسبة الشعر ووقت المنافحة عن البلد واهلة
هنا صفعة على وجه هذا الدنئ اجلكم الله

مازن نعم حقير والاسم له دور=واحقر من المازن* ماتوجد حقاره
علمه قريته عبر الاعلام منشور=وإسمه وعنوانه وتفصيل عاره
رجل" يصرح بالقنوات مسرور=مع التحفظ في تمام العباره
ماهوب رجل الا امغرر و مثبور=مسرور بأفعال الخنا والقذاره
قالوا مجاهر ذنب والفعل محظور=يجني محاصيله حصيله خساره
اللي هتك سترٍ من الله مستور=وابلادنا الطاهر تخطى وقاره
ذنبه ماهو مخصوص بالذات مقصور=في حق نفسه ويتحمل اوزاره
إيغرر بغيره من الناس مغرور=مثل فراش النور من حول ناره
باكر اتحصل له امقلد وجمهور=(والنار دايم تبتدي من شراره )
حسب ما قال انه امعربد ومسعور=واسلوبه الساقط يعده شطاره
ناقص حيا ناقص عقل ناقص اشعور=مافيه دين ولا بقلبه غياره
هذا يقف خلفه من القوم طابور=ناس" تقف خلفه وناس" جواره
يبون حريه وحانات واخمور=والمنهج اللي ودهم بأنتصاره
علمان غصة حلق تاقف بحنجور=والدين واهله عاكسين" مساره
قولوا لهم يبطون ماجاهم الدور=مادام ابو متعب يدير الإداره
ولاهان ابوخالد من الشر ماجور=ونايف وشبله يعتلون الوزاره
تكفون يآل سعود وروهم الجور=خلوا شرايدهم شرايد معاره
وخلوه عبره لأهل الزيغ والبور=ومن اعجبه مازن يغير قراره
وتكفون يأهل الدين لايحجب النور=نبي بيان" يتصف بالجساره
اقولها وانا من الغبن مقهور=واحس في طعم الآلم والمراره

ـــــــــــــــــــــــــ ـــــــــــــــــــــــــ ــــــــــــــــــ
* - صغار النمل

وهذة القصيدة موجودة ايضا في مجالس الفردة

المشاركة الأصلية كتبت بواسطة ابوزياد

لك الحمد يالبارئ لك الشكر يامنان=لك أكفنا ترفع ثنا وانت راع الجود
وقيت الأمير الشهم من حيلة العدوان=وقيته وعافيته وكافيته البارود
عقب ماحفر له حفره الغادر الخوان=نجا والشرك وقع به الحاقد المقرود
تربط ابليس وجا امداوم عن الشيطان=ابو قرن يبي في قرونه يهد الطود
لو إن الجبان اصلاً مهو ند للشجعان=تعثر بثوبه من نظر سيفنا المجرود
عطاه الأمان وقال فكوا له البيبان=لعله صدوق بتوبته للصواب ايعود
ولكنه امجهز بكتله من النيران=حملها مثل حال البعوضة مع النمرود
تحامل على روحه ولاهوب راع إحسان=بنفسه قتلها شر قتله فعل مقصود
ينفذ وصايا افكار ضحله وضعف إيمان=سرطان في جسم البلد شرهم محشود
لهم شرع ماهو حق ماسنه الرحمن=هلاك النفوس وقتل الأنفس بغير احدود
مع انه محرم فيه نص ن من القرآن=مصيره جهنم حيث يكتب له الخلود
على العز يامحمد على العز ياكحيلان=على العز يأميرٍ رقى بالأمن سنود
يسجل لك التاريخ في صفحة الزمان=بتطوير الأمن ووقفة الجد والصمود
بوجه الوجيه الباغية طغمة الطغيان=تقص اليدين العابثة والنوايا السود
قيادي كفوبالأبن والأب والاخوان=دروع الوطن عز المواطن عيال العود
شعرت بسعادة يوم انا اتابع البيان=من الكلمة اللي قالها والملك موجود
يقول اطمئن ياسيدي فالعدو منهان=تطاير على سبعين قطعة قليل الفود
خذوا منه عبرة ياهل الزيغ والنكران=خذوا منه عبرة ياهل البغي والجحود
وبا ارفع ايديني واطلب الواحد المنان=يعز الوطن وإيعز حكامه آل سعود

وهذة القصيدة موجودة ايضا في مجالس الفردة

المشاركة الأصلية كتبت بواسطة ابوزياد

مع القلم والبوك وقم الساعة=مقطوعةٍ كتبتها اب براعة
سودتها بالحبر ثم ابيضّت=في آلة الكيبورد والطبّاعة
جتني حروف الشعر تمشي جذلا=متمائلة متغنجة منصاعه
كل حرف يسبق حرف على الصفحة=ويعانق السحاب برتفاعه
ماهي قصيدة شعر هذي باقة=بالعطر تكتب والزهور انواعه
تحمل آيات التهنيئة وتبارك=في ترقية شيخٍ طويلٍ باعه
مبروك يابومتعب وعقبالك=المرتبة الممتازة اللماعه
تستاهل وتستاهل وتستاهل=المدح في ذكرك يمد ذراعه
من طلعتك ياشيخ وانته تمشي=على النقا والمرجله والطاعه

عبدالله بن عبدالرحمن بن نغيمش

مشكور اخوي زاهر وابو زياد يستاهل شاعر