خل الكلام اللي على بيض الاوراق
واسمع كـلام الذكريـات الدفينـه
قادتني جيوش المشاعـر بالاعمـاق
مثل الهبوب اللـي تقـود السفينـه
امشي وانا مشتاق واجيـك مشتـاق
وارجع وانا شوقـي تزايـد حنينـه
ان غبت لك قلبي على القرب توّاق
وان جيت زالت كل ذكرى حزينـه
وان بان وجهك واشتعل كل بـرّاق
شفت الوصوف النـادره والثمينـه
كنك خذيت النور من نور الاشراق
وكنك عطيت الليل طبـع السكينـه
ولا هب ذعذاع المحبه والاشـواق
تزاحم هجوس(ن) بقلبـي سجينـه
يالصاحب اللي كل ما خاطري ضاق
القى السعاده بيـن رمشـه وعينـه
اخذت قلب(ن) بين الاضلاع خفـاق
ما ردته حـدب الضلـوع المتينـه
اثْر الغلا ذنب(ن) له القلب ينسـاق
يملـك مفاتيـح العقـول الرزينـه
والحب يبقى عند الاحبـاب ميثـاق
بوجيـه صفحـات القـدر كاتبينـه
واللـي بغفـوات المحبيـن مافـاق
يصبـر ويلقـى مايبـيـح كنيـنـه
الشاعر: نايف بن مساعد.
.:[ قادتني جيوش المشاعر بالاعماق ... مثل الهبوب اللي تقود السفينه]:. 
العرض العادي
