.:/ محاورة قويّة بين محمّد الجبرتي وصيّاف الحربي

محاورة قويّة بين محمّد الجبرتي وصيّاف الحربي


بــسـم اللــه الرحمــن الــرحيم



مـــحــــمــــد الــــجــــبــــرتـــــي:



سلام امسى المسا والنوريظهر في محل النور == سلام الشاعر اللي يجلب الزينـه ويعطيهـا
أناجيت الفرح والنار شبت والحطب مزبـور == لكن النار تأكـل فالحطـب واللـي تواليهـا



صـــيــــــاف الــــحـــــــربــــــي:



هلا يامرحبا ترحيبة رسـى بهـا البابـور == قريبه يالجبرتي يسرح الطرقـي ويمسيهـا
تشب النار وتدير الاراضي فوق راس الثور == وتال الليل يدفن ربـك الحفـره وراعيهـا



مـــحــــمــــد الــــجــــبــــرتـــــي:



ياحرب الله يسقي داركم يوم الديار دهـور == ليا شبت ديركم يشبـع الطرقـي ومافيهـا
ترى بابورك اللي تدبله جوف البحر مكسور == وهذي دبرة اللي يقتـل الديـره ويحييهـا



صـــيــــــاف الــــحـــــــربــــــي:



ديرنا لوتربع ماتجيها ياأصفر الدنقور == تلفت فالديار اللي بليس احرق مراعيها
من اول الجبرتي مستتر بالمنزل المستور == وذا الحينه كشفت لك القدور اللي تغطيها



مـــحــــمــــد الــــجــــبــــرتـــــي:



انا لولا الحيا لاضربك ضربه مالهـا دكتـور == توديهـا المهنـدس والمهنـدس مايداويهـا
انا بقضي على الداب الحنش والحيه أم الغور == ليا لدت عيوني وان نشدت عيون ترعيهـا



صـــيــــــاف الــــحـــــــربــــــي:



انا لولا الحيا لاعطيك بنت من بنات الحور == دقيقه وحده وتشيـل رجليـك وتوطيهـا
انا بظغط على البنزين لين يبلشن الماطور == ومن ورد مواطير الهنود اهوهه يسويهـا



مـــحــــمــــد الــــجــــبــــرتـــــي:



ليا زوجتني بنت العرب ياعمنـا مشكـور == انا واجب عليه بالوجوب ارضيك وارضيها
انا بعطيك شوري وانت لاتقبل علي الشور == تحب الطيبه والطيبه مـن حـظ راعيهـا



صـــيــــــاف الــــحـــــــربــــــي:



ليا جوزتك البنت الشريفه مابقا لك دور == عليك ام العيال تحط اصابعها بأذانيهـا
لجتك ام الهوايل لاتقطّع ثوبك المزرور == أنا لاشفت طالبة الذكاة اقـوم اذكيهـا



مـــحــــمــــد الــــجــــبــــرتـــــي:



لك الله ماتروح لين اكسّر في ظهرك الكور == وهذي دار تصبحها وهذي دار تمسيها
ياصياف انت ياليتك تدرج حظك المعثور == لكن انته يديك العوج مدري وين توزيها



صـــيــــــاف الــــحـــــــربــــــي:



سبرتك يالجبرتي وان راسك فاسفل التنور == ومن طلع سلاحه يطرح الصيده ويشويها
يديني يالجبرتي ماتداني لمسه العصفـور == ويمنـاك الكريمـه بحرجـده مايوضيهـا



مـــحــــمــــد الــــجــــبــــرتـــــي:



علامك منتفخ صورك مع اللي نافخين الصور == لكن استر ثيابـك عـن شنـودك لاتوريهـا
ليا جاك الجبرتي قول انا تحت الطلب مجبور == كمنـك تاكـل النعمـه ولاتقـدر تزكيـهـا



صـــيــــــاف الــــحـــــــربــــــي:



أنا قلبي ماهومغرور مثل الشايب المغرور == مايدري عن ديار سليم لين يسيل واديها
ليا قاموا جنود الترك خلك بايمن الطابور == تعين فالسواه اللـي عبـاد الله تسويهـا

مشكور وبيض الله وجهك على النقل الرائع ..
صياف شاعر عملاق رحمة الله عليه وعزائنا في
الشعراء الشباب عسا فيهم الخير ..

المشاركة الأصلية كتبت بواسطة عبد المجيد ناصر

مشكور وبيض الله وجهك على النقل الرائع ..

صياف شاعر عملاق رحمة الله عليه وعزائنا في

الشعراء الشباب عسا فيهم الخير ..

عبدالمجيد

اسعدتني بقرائتك للموضوع
وشرفت وانورت الصفحه

بتعليقك الجميل

تقبل تحياتي


اخوك///عادل

الله يرحم الشاعر صياف ويسكنه فسيح جناته،،،
ومشكور اخوي عادل على الانتقاء الرائع، دمت بود.

الاخ عائض

شرفتني بمرورك الغالي

وتفاعلك الجميل

الله يرحم الشاعر صياف ويسكنه فسيح جناته،،، والشاعر الكبير محمد
ومشكور اخوي