السلام عليكم ورحمة الله وبركاته
رفيقي اللي منهجه منهج الطيب
بيني وبينه تستمر المودة
دايم على بالي ولا يمكن يغيب
حتى عن الانظار لو غاب مدة
افي مع الوافي بكل المطاليب
لو كان بالدوحة وانا يم جدة
بيني وبينه تطلع الشمس وتغيب
على النقاء والطيب حبله نمده
انا رفيق اللي يعرف المواجيب
اللي عن الماجوب مافيه صدة
اللي نزيه العرض مايقرب العيب
دينه عن دروب المعايب يرده
من شبته حتى وشع راسه الشيب
دربٍ يجيب العيب ماراح قده
راع الوفاء مافيه شكٍ ولا ريب
طير ينومس من قنص به وهده
قال المثل حطه على الجرح ويطيب
الصاحب اللي كل لازم يسده
ولاني رفيق اللي بحش العراقيب
السانه المسموم دايم يحده
مشعل فتيل الحقد بين الأصاحيب
الشر يفرح فيه.. والخير ضده
عليه كسب الطيبة عسر وصعيب
الطيب كساب الرداء ما يوده
بالهرج يفعل مثل أبازيد وكليب
وضلع الهدا بالهرج يقدر يهده
وابوه.. وامه من فعوله مغاضيب
خابت آمال اللي رجاء نفع يده
من صفحة الواقع كتبت التجاريب
احساس شاعر من مشاعر معدة
زهران عون الله المطيري
رفقة الطيب 
العرض العادي
