كان الولع بالطير فيها مناقيد# انا اشهد اني غارق بالملامه

السلام عليكم ورحمة الله وبركاته
هذي قصيده قلتها بعد ماكثر على الهرج بسبب الصقاره وعشق الطيور صار بعض التهكن مثل قول وين الصيد وانت ما تجلس بس تدوج وغيرها

قالوا علامـك عشـت عمـرك تناكيـدوقلبـك بطـرد الصـيـد زايــد هيـامـه

مالك ومال الطير وش جاب لك فيدغيـر التـعـب بـيـن بوجـهـك عـلامـه

قلت اتركونـي فـي هوايـه ومـا اريـدهــذا مـنـى قلـبـي وغـايـة مـرامــه

قلبـي تولـع فـي هـوى البـر والصيـدوالطيـر والمقـنـاص كــل اهتمـامـه

انا اشهد ان شوف الخـلا عندنـا عيـد(لاطـاب نـوم اللـي حيـاتـه) نـدامـه

يامـا حـلا طلـعـات هــاك الجراهـيـدمـاداج فيهـا النـاس مـثـل الثمـامـه

لاصرت فـي حـدري رميـلان تحديـدانـا اشهـد انـه لاهـل الصـيـد خـامـه

ارض بـهـا بــرق الـحـبـاري مـلابـيـدوراع الغـنـم مـاحـط فيـهـا خيـامـه

وانقـل علـى كـفـي حــرار مجـاريـدشقـر مـن الشـبـراق فيـهـا عـلامـه

اللـي تــردد عــازم الـخـرب تـرديـدلـو كـان عاصـي عاشقـات ارغـامـه

وانـا ابتلـيـت بـهـرج نــاس مقـاريـداللـي علـى الفـرغ تطـش العمـامـه

واقولهـا وابـا ارفـع الصـوت واعـيـديـوم ن كــل قــام يـكـرب سهـامـه

كـان الـولـع بالطـيـر فيـهـا مناقـيـدانــا اشـهـد انــي غــارق بالـمـلامـه

بالله كــفــو هـرجـكــم يـالاجـاويــدمافيكـم الـلـي مـثـرن بــي كـلامـه

وســــلامــــتـــــكـــــم

نايف بن شليويح الفريدي

صح السانك يانايف على القصائد التي في الصيد
رائعه جداً ممبدع ما شا الله عليك
نتظر جديدك
لي منك طلب بسيط أذا عندك غزل أبي لي غزليه؟!:
تقبل مررررررررروري يا ابو شليويح

نايف بن مياس
ما اظن يلومك الا من لايعرف الولع بالصيد
صح لسانك على هذه القصيدة الرائعة جدا
ابيات غاية في الجمال ووصف راقي للقنص
تقبل وافر التقدير

ارض بها برق الحبـاري ملابيـد

وراع الغنم ماحـط فيهـا خيامـه

وانقل على كفي حـرار مجاريـد

شقر من الشبـراق فيهـا علامـه

شعر جمـــيل وتصوير مع التشبيه أجمل
صح لسانك واستمر على هوايتك

المشاركة الأصلية كتبت بواسطة ابـن مـطــيع

صح السانك يانايف على القصائد التي في الصيد
رائعه جداً ممبدع ما شا الله عليك
نتظر جديدك
لي منك طلب بسيط أذا عندك غزل أبي لي غزليه؟!:
تقبل مررررررررروري يا ابو شليويح

صح لساااانك يا ابو صالح وابشر بالغزل لو ماهو واجد

المشاركة الأصلية كتبت بواسطة منصور الوسوس

نايف بن مياس
ما اظن يلومك الا من لايعرف الولع بالصيد
صح لسانك على هذه القصيدة الرائعة جدا
ابيات غاية في الجمال ووصف راقي للقنص
تقبل وافر التقدير

صح بدنك وبيض الله وجهك

المشاركة الأصلية كتبت بواسطة ميس الريم

ارض بها برق الحبـاري ملابيـد

وراع الغنم ماحـط فيهـا خيامـه

وانقل على كفي حـرار مجاريـد

شقر من الشبـراق فيهـا علامـه

شعر جمـــيل وتصوير مع التشبيه أجمل
صح لسانك واستمر على هوايتك

صح بدنك وشهاده اعتز فيها

صح لسان يا ابو شليويح

واسجل اعجابي بالقصيدة

صح الله ألسانك ,,
//
قصيده في قمة الجمال,,
//

بإنتظار جديدك..
//
أختك..طموح

..
احترامي وتقديري

صح لسانك يابن مياس ، وبيض الله وجهك على القصيده الجزله والرائعه، وانا مع ابن مطيع لازم لازم قصيده غزليه راعي الطير اكيد قلبه خضر.