شتها ياحمود صدفه بعد مامرة سنين !!!

هذه أول مشاركه لي واتمنى انها تعجبكم ...

شفتها ياحمود صدفه بعد ما مرت سنين=عند قسم المختبـر وسط مشفى الجامعـه
جيتها ثم قلت ممكن في سؤالي تسمحيـن =ناظـرت فينـي بدهشه نظره متواضعـه
قالت انت تـحسبني من بنات صايعيـن =تـحسبني في زماني عن طريقي ضايعـه
قلت انا ماراح اطـول كل ابوها كلمتيـن =وابعـدت عني شويه ثم جتنـي راجعـه
قالت اسال واضح انك من رجال طيبيـن =بس هرجك يالسنـافي كان وشهو دافعـه
قلت انا حبيت وحده يـوم كنا صغيـرين =ومن ثمان اسنيـن راحت للمواصل قاطعـه
عقبهـا ماذقـت نـوم يهتنيـه النايميـن =ساهر في طول ليلي لين شـمسي طالعـه
اذكر انه فيه حبه فـوق ثغـره من يميـن =واذكر انه لاجـرينا كـن شعـره تابعـه
واذكر انـه عاشـق فـالورود الياسميـن=صار قلبي بالـورود اللي عشقهـا زارعـه
طابعا اسـمه بقلبي فيه سيـن وفيه عيـن =وفيه الف وفيه دال وسط قلبـي طابعـه
قاطعتنـي بقولها سبحـان رب العالميـن =ومـرتيـن كـررتـها وبعد مـره ورابعـه
قلت وشفيك وشبـلاك يابنيه ترجفيـن =ليش عينك يابنيـه من كلامـي دامعـه
قالت الموقف وقلبـي والمحبـه والحنيـن =كيف اشوفك بعد ماكنـت عنك قانعـه
قلت انا بسألك انكانك انتـي تذكـرين =عن مواثيـق ثـمنها من حياتـي دافعـه
قالت ظروف الزمان ماتطيـع العاشقيـن =بيعونـي غصب حبك لو هو ماني بايعـه
انا في دنياي حالي كنهـا حال السجيـن =حتـى لو فكـوا سراحه فيه شي مانعـه
زوجوني غصب واحد وحرموني حاجتيـن =السعاده فـي زمانـي والحيـاه الرائعـه
والحين انا ام لثلاثه عندي ريـم وياسميـن =والولد اسمه على اسمك والمشاعـر جايعـه

تحياتي/البروفيسور

مرحبا البرفسور وحياك في منتداك

مرحبا مليون

لم أجد لك مشاركة في مجلس الضيافة لذا سأرحب بك هنا

وأتمنى أن تعلن عن وجودك في مجلس الضيافة كما جرت العادة.

حتى تأخذ حقك في الترحيب.

وعوداً على مشاركتك الرائعة

لم تذكر أسم الشاعر

ولي ملاحظة على القصيدة تقبلها بصدر منشرح :

زوجوني غصب واحد وحرموني حاجتيـن

... ............السعاده فـي زمانـي والحيـاه الرائعـه

ماهي في نظرها الحياة الرائعة؟؟؟؟؟؟؟؟؟؟؟؟؟؟؟

مشكور اخوي عبدالله على مرورك


وبالنسبه لطلبك ابشربه ..


وبالنسبه للسؤال اعتقد ان المعنى في بطن الشاعر كما قيل .....
ويا عزيزي اذا هي على الملاحظات تراااااك حذفت من اسمي حرفين .... ههههههههههه

لكن على العموم مسامح يالغالي ..

اخوي البروفيسور


شكرا للنقل الجميل


ابدعت حقآ ولكن اتوقع ان الشاعر بقصد بالحياة الرائعة

الحياة الزوجية والاطفال من عشيقته

توقعات ومثل ماتفضلت المعنى ببطن الشاعر

صح السان الشاعر


البروفيسور سلمت يمناك على القصيده الرائعه

وتقبل مروررري