مبروك ابن جضعان .....

اخي وصديقي /عبد الرحمن بن محمد بن علي بن جضعان اتصل بي وبشرني
بحصوله على البكالوريوس(ادارة مستشفيات) فكانت هذه المشاعر المتواضعه اهديها لابي راشد ..

بشارة ٍ ماهي بمثل البشاير=نجاح ابو راشد كبير المقامي
يوم ان بعض الناس همّه صغاير=انته هيامك بالعلا يالعصامي
ويوم ان بعض الناس حاير وداير=انته عزومك مثل صلب الرخامي
ويوم ان بعض الناس يخشى الخساير=انت بسبيل العلم اندى الكرامي
وما دمت ياكحيلان بالدرب ساير=باذن الولي لتنول اغلى وسامي
شعور اخوك اللي تكن الضماير=والصدق يغني عن كثير الكلامي

يـــوم ان بـعــض الـنــاس هـمّــه صـغـايــر
انــــتــــه هــيـــامـــك بــالـــعـــلا يـالــعــصــامــي

صح لسانك اخوي خلف على القصيدة

ومبرووك التخرج لـ عبد الرحمن

صح لسانك يابوعبدالعزيز ويستاهل أبن جضعان

صح لسان ياعندليب المجالس ،،، والف مبروك لابن جضعان.

صح لسانك وعلا شانك وجزل يا أبو عبدالعزيز

وأبو محمد رجال يستاهل كل خير وتمنياتنا القلبية له بالتوفيق والسداد

وعقبال الدرجات العلياء إن شاء الله

صح لسانك ياعندليب والف الف الف مبروك لأخي / عبدالرحمن الجضعان

والله والف نعم بابو راشد يستاهل المدح
له مواقف لاتنسى وافعال تخلد للطيب مثله
اشهد انه يجمل من يعرفه ...
واما نجاحه فلايستغرب ويستاهل تلك الكلمات الصادقه
من عندليب المجالس الذي لايعرف الا الصدق ..
شكرا لك اباعبدالعزيز على هذه الاشادة برجل يستاهل
تقبل وااااافر التقدير

نيابةٍ عن أخي عبدالرحمن محمد الجضعان

أشكرك جزيل الشكر والعرفان وهذا

ماعرفناه عنك اباعبدالعزيز صاحب

المواقف النبيله والحميه والكرم

	خــلــف الــفــريــد

أسم أشهر من نار على علم

قصيده روعه روعه

وانت صاحب المفرده النادر

والقافيه الصعبه

ومن هذا المنبر الشامخ أقول

بيض الله وجهك وجمل حالك

وعساك تبقى ذخر لربعك

وبدوام الصحه والعافيه

تنبيه:

ياعظم العرب

الله يعطيك العافيه اخوي خلف وصح لسانك

الف الف مبررررورك للأخ عبد الرحمن بن محمد بن علي بن جضعان على نجاااااحه
وبيض الله وجهك على القصيدة الأخويه والرائعه والجزله يستااهل كل خير عبد الرحمن بن جضعان
ولايستغرب منك المدح والثناء وتقديرك للجميع ,,
ولقد غرس في قلبك حب الجميع وتواضعك للأخرين انما يدل على صفاء قلب خلف الفريد
جعلك الله في أتم الصحه والعافيه دوماً ان شا الله
تقبل مررروري وشكري لك صح السانك