الشاعر العويني يثني على الشيخ / محمد بن حسن

السلام عليكم ورحمة الله وبركاته

عندما نقرأ لبعض الشعراء الكبار امثال شاعرنا / حمود العويني

ونرى مايقوم به من مدح وثناء على اهل الفضل الذين يستحقون المدح والثناء كأمثال

الشيخ / محمد بن حسن العبيد حفظه الله تعالى

ذلك القامة العلمية المشرفة للفرده خصوصا ولقبيلة حرب عموما

الذي جمع بين العلم والتربية فكم من الاجيال اللتي انار الله

بصائرها بسبب هذا الرجل والذي يعد فعلا مفخرة للفردة

ناهيك عما يتحلى به ابو حسن من مكارم اخلاق

لا أريد ان اطيل فهو رجل غني عن التعريف

نسـأل الله ان يمد بعمره على العز والطاعة وان يصلح له نيته وذريته .


ويعلم الله كم فرحت عندما وجدت هذه القصيده لأشارك مع شاعرنا بنقلها لكم

لكوني ارى انا اباحسن له علينا حق كبير .

نعود قليلاً للشاعر العويني ذلك الشاعر المبدع بشعره فحسب

بل والمبدع بتواجده الذي تشهد له هذه القصيده وماسوف

اتحفكم به من قصيد قريبا ونتمنى له التوفيق دائما

اليا دعونا الغانمين نجيب=اللي نباهم دايم الترحيب
على الفرح جينا نهني خالد=مبروك للأنساب والنسيب
الله يبارك بالنسب والمناسب=عسا لها عند الإله مجيب
لي الشرف دعوة هل المجد والكرم=لو الظروف مخالفه ماغيب
اجي محمد وأتشرف بجيته=رفيقٍ ليا شان الزمان يطيب
قولة هلا عاده وسيره ومذهب=ما هي كرامتٍ تجي وتغيب
ابو حسن ملفا الرجال العزيزه=راع الكرم والمدح والتوجيب
محمد اليا عدو هل المدح يذكر=ماهو بدعبولٍ مداه قريب
الفارغه ماجابها للرفاقه=يدمها في قاعة القليب
الله يكثر بالرفيق امثاله=الفاضل المتعلم النجيب
ماهو مثل من يلسب الناس بالقفا=شاةٍ تختل وجلدها من ذيب
قلته مثل قول التميمي ببيته=معناً مثل معناه بالترتيب
ناسٍ على شذب القفا مبليه=على الهزيله تجتلد وتليب
يضحك قباله والبلا بالداخل=الله يزيله من شباب وشيب
ماله حوايج غير زرع الفتنه=والسعي بين الناس بالتخريب
قلته وانا ماني على الناس عالم=العالم اللي مطلع بالغيب
هذ واختمها بصلاةٍ على النبي=ماغنت الورقا على العسيب

وعلى المحبة نلتقي مع شعراء الفردة عيال راشد

صح السانه

صح السانه



منصور الوسوس لااااااهنت على هالابيات الرائعه



ودمت بــود واحترام

صح اللسان الشاعر ومشكور على النقل ابو محمد

يستااااهل ابوحسن العلم الطيب من قدم شي يلقاه الله يوفقه دين ورجوله وشجاعه وكرم

علمه طيب ابوحسن ولايهونوه الباقين اهل الطيب

واذا تذكرت الرجال الطيبين يذكر علي فالح الريس فنعم والله الرجل اتكلم عنه من واقع معرفه

رجل لايحب المجاملات رجل يجمع بين الدين والدنيا الله يوفقه لكل خير ابو عبدالله يستاهل الذكر الطيب ..

ابو محمد اكرر شكري وتقديري لقلمك الرائع

لاهنت يالغالي منصور

على هذه القصيدة

وصح لسان الشاعر ورحم الله الممدوح رحمة واسعة وغفرلة ذنوبه

صح لسان الشاعر المبدع حمود العويني

ويستاهل ابو حسن كل علم غانم وهو راع العلم الغانم

ولا هنت منصور على النقل وبيض الله وجهك

صح لسان
الشاعر



ومشكور

ابو محمد


على النقل

نشكر الشاعر العويني على هذه القصيده الرائعه
الشيخ ابو حسن يستاهل المدح لاشك انه جمع بين الدين والدنيا


ومعروف بعلمه الغانم.......................

ونشكر الناقل

لا هنت منصور على هذا التميز


وصح لسان الاشاعر


ويستاهل الاستاذ/ محمد بن حسن