تطرف برمش العين وإن واجهتني

عبدالله بن سبيل
عذلت عيني بالهوى واعسرتنـي=مفتونة فـي حـب حـي محنهـا
نفسي لها هويات مـا طاوعتنـي=لين انحلت بالحال واكدت بدنهـا
عندل بطاروق الهوى ساعفتنـي=تنقاد لي قود العسيـف برسنهـا
تطرف برمش العين وإن واجهتني=تعطيني الهرجـة وتاخـذ ثمنهـا
تخفي لي الكلمـة إلـى هرّجتنـي=خوفٍ من اللي هرجته ما وزنهـا
شاورتها على الجـواز وهدتنـي=تبغى لعلـه يبعـد الحـوم عنهـا
عطيتهـا علـمٍ وهـي خابرتنـي=لو أربع بالبيت ما جـزت منهـا
خمسة عشر عام وهـي مالكتنـي=والخادم المملوك يومـر وينهـى
هذا جزاها يوم هي مـا انكرتنـي=وإلا فلا منهـا ولا مـن عدنهـا
الموجب إنـه بالهـوى ولعتنـي=لولا غلاها مـا سكنـت بوطنهـا

خمسـة عشـر عـام وهـي مالكتنـي

والـخـادم الممـلـوك يـومــر ويـنـهـى

مشكور اخوي

أبن سبيل(ياناس خلو كل وادي ومجـراه..قلتوا كثير وقولكم مالقيته) اللـه يعطيك العافيه أخي أبن مطيع على النقل.........تقبل تحياتي وتقديري

صح لسان الشاعر عبدالله بن سبيل،
وتسلم يمناك على الاضافه يابن مطيع.

الأخوووووووه الكرام مروركم شرفني