قصيدة شريف بن راكب الفريدي
في حفل قبيلة حرب
الذي دعا له واقامة ابناء الشيخ /
جازي الوسوس
رحمة الله
على شرف الشيخ/
حمد بن عنيزان الدوسري
واعيان قبيلة الدواسر
في بلدة طلحة
بتاريخ 26/6/1431هـ
سميت باسم مصرف الكون تصريف = رب العباد الي على الناس جايد
واخذت من جزل التماثيل تقطيف = عوب البيوت النادرات الفرايد
صفيتهن مثل المغاتير مع هيف = ما ضيف للمعنى من الهزل بايد
لو ما يجارنّي على غاية الكيف = والله لا اسكر باب كل القصايد
عاهدت نفسي ما الحق المدح تطفيف = ما اقول كود اللي مع الناس سايد
اليوم كل اللي عليه الغطا شيف = عبر محطات الفضاء والجرايد
الوقفة اللي ما تجمّلك يا منيف =ما ني بها قدم الجماهير شايد
يا مرحبا بالضيف باسم اهل الضيف =تحيةٍ من حرب باولاد زايد
وجودهم تاج ومعزة وتشريف =وعرفة هل المعروف منها فوايد
تاريخهم معروف من غير تعريف = يثني عليهم بالرخاء والشدايد
يوم السنين القاسيات الشحاتيف = يبرا لهم حظٍ من المجد صايد
وان عودت للشلف وابرازة السيف = ديارهم عنها القبايل تحايد
حازوا على الوادي بعيد الأطاريف = وعنه ابعدوا فرسان كل البدايد
ضافوا له الرملة على شاطي السيف = يا نعم والله من قبيلة وقايد
مدهال خدرات البكار المواليف = رثم الخشوم وزاهيات القلايد
وآصل حمد واحتارفية وسط الأرشيف = كل الفعول الطيبة له عوايد
لو تذكر العلياء ورا خط بارليف = يطلع لها طلعة مع الجو رايد
الطيب لو ما دون بابة تكاليف = ما صار مدخالة على الناس كايد
يشوفه اللي همه المال ويعيف = يا عل ماله هو وماله شرايد
تم الكلام ولابقالي تحاسيف = وعيبٍ يجي قولي بليّا سنايد
وسلام احلى من حليب المعاطيف = اللي بعيد من القرى والحصايد
************************
هذه القصيدة مهداهـ الى الشيخ/
حمد بن عنيزان الدوسري
من الشاعر /
منيف بن جازي الوسوس الفريدي
القاها في حفل في حفل قبيلة حرب
الذي دعا له واقامة ابناء الشيخ /
جازي الوسوس
رحمة الله
على شرف الشيخ/
حمد بن عنيزان الدوسري
واعيان قبيلة الدواسر
في بلدة طلحة
بتاريخ 26/6/1431هـ
ياالله يارزاق علام مخفيه = ياللي بعثت المصطفى خير الأمه
يالواحد اللي كل خلقه تراجيه = ياحي ياقيوم سترك تتمه
ياخالقي رد الثناء يوم نبديه = لجل الوفاء لهل الوفاء دوم يمه
شيخ ويمدح شيخ والمدح زاهيه = عوبٍ شرايد حرها حر دمه
الوافي اللي طيباتٍ هقاويه = راعي الفعول المعجزات المطمه
يستاهل اللي لاوصله يحييه = حيثه شرف ربعه وخاله وعمه
النادر اللي تفتخر به عوانيه = طفل وشباب وشايبٍ في معمه
وعز الرفيق اللي من البعد ناصيه = اليا وصل قحزان نساه همه
حمد ذرى اللي قاسي الهم طاويه = كان الدهر به حط نابه وسمه
حمد هديب الشام مبعد نواحيه = حرٍ من عنيزان حافظته أمه
يكتبله التاريخ والعز كاسيه = هداج تيماء اللي غزيرً مجمه
اللي يبي الطولات يمشي مماشيه = يفعل مثل فعله ولحدن يذمه
شبل الدواسر كل ماحل طاريه = تفخر به العامر صبي المهمه
وأولاد زايد تفتخر في مباديه = وتغلب تقول أنه كما راس قمه
دواسرٍ بهم النقاء والمشاريه = ستر العذراء لابسات الأزمه
دواسرٍ والموت تضرب حراويه = غاراتهم كلغيمه المدلهمه
أمهارهم تأخذ من الريح تنبيه = يثنون خلف اللي نشف ريق فمه
يوم الشريف وقبلها وعقب ياهيه = فعول صبيان الدواسر متمه
من قرب حماهم ترى الموت واطيه = الملح بالبارود لازم يشمه
دواسرٍ منهم حمد ويش أسميه = أبو هلا هداج ولا أنت سمه
هداج تيماء اللي طوالٍ مناحيه = اللي يبل كبود من راح يمه
اللي على نفسه خويه مبديه = وأنا اعترف بالفعل شيمه وذمه
ماينسى مثله وأنا ماني بناسيه = اللي طوى كل المراجل بكمه
هو راعي الوقفات وشلون مغليه = لوقلت مهما قلت حقه ماتمه
ياعزوتي ياحرب يامحزمي فيه = علم وودي كل شبلٍ يضمه
اللي فعلبي طيب فيكم مسويه = بسلومنا نجز الوفاء ماندمه
حمد تجمل بي ولادري وش أجزيه = لاكن فداه العمر واللي نلمه
وأطلب عسى ربي من العمر يعطيه = أعداد رش الغيمه المد لهمه
*********
هذه القصيدة مهداه الى الأخ الشيخ/
هزاع أبو الروس العنزي
القاها الشاعر /
منيف بن جازي الوسوس الفريدي
في حفل قبيلة حرب الذي دعا له واقامة ابناء الشيخ /
جازي الوسوس
رحمة الله
على شرف الشيخ/
حمد بن عنيزان الدوسري
واعيان قبيلة الدواسر
في بلدة طلحة
يا الله ياقو الأمور الصعايب = المعظلات تهون بمرك الياشيت
ياحي ياقيوم منش السحايب = سجدت أنا لعظمت جلالك وصليت
والمدح بالرديان ماهوبثايب = المدح يزهى الضيغمي يوم عديت
اللي فعوله عايزات وعجايب = هزاع عقب الوايلي كل مطريت
أسمه يشوش الراس ستر الحبايب = وتفخر به الويلان للحي والميت
وقت اللوازم لك تساق الركايب = حر على العلياء نشيت وتربيت
بالناس لك ميزه شبابٍ وشايب = ممدوح بالجزله ولأقلت وفيت
من طيب راسك والسطر مانت هايب = وهايبٍ من واهبك حامي البيت
ولولا فعولك معجزات وغرايب = ماصرت ياالروسان نجم وتعليت
كرمك وهبه من مهب الهبايب = وشجاعتك من وايلاً لاتعزويت
ويلان من ويلان وقت الحرايب = ويلان من ويلان ياطيب الصيت
سواقت العطفه لو الدم رايب = أن شان هرج اللي سوات الزناتيت
والجار مرفيٍ ولوكان جايب = كد قالها النجدي وأنا مابعد جيت
وأيضا الخوي يحشم ولو كان غايب = والضيف والعاني وأنا ماتبريت
بسلومكم وسلومنا بنوايب = كل القبايل مثلنا يوم غنيت
وخصيت أنا الويلان وأنت السبايب = من شان مردود الثناء يوم سويت
ويستاهلون المدح ريف القرايب = ونته لهم تكسب مثل ذي مزريت
وسلم وقولي جاك والمدح صايب = ياراعي الوقفة وياطيب الصيت
********
هذه القصيدة قالها الشاعر /
خلف بن محمد بن عتاق الفريد الفريدي
في حفل قبيلة حرب
الذي دعى له ابناء الشيخ /
جازي الوسوس الفريدي
رحمة الله
بمناسبة زيارة الشيخ /
حمد بن عنيزان الدوسري
وبعض اعيان قبيلة الدواسر
بتاريخ 27/6/ 1431هـ
في بلدة طلحة
*******
وقد قام الشاعر بالترحيب بالضيوف الكرام
ثم ذكر مناسبة قصيدتة التي طلبها الكثير من الحضور لجمالها وقوتها ,,
فقال ::
كنت في زيارة للكويت وقد دعوني ابناء صديقي المرحوم
الشاعر الكبير /
متعب الديري
رحمة الله
في دارهم العامره بالفحيحيل وبعد
العشاء القيت قصيدة عاطفيه مرتجلة
وقد تأثرالحضور وبعضهم بكى
وكان ضمن الحضور شخص عرف نفسه انه::
مهلهل بن علي بن سعيّد الشمري
( معشي الذيب )
وقدم دعوة لي للعشاء,,
وعندما اعتذرت
قال لي :: عندي غداً عشاء لجيراني الجدد واذا كنت بالكويت ما اسمح لك ,,
قلت :: تم
ولكني مشيت العصر وتفاجأت به يتصل بي وانا بالخفجي
ويقول:: وينك ترا حقك مع العشاء !!!!
وعندما اخبرته :: بالسعوديه وسوف اعود من فوري
واقسم اني ما ارجع
فقلت القصيده وارسلتها له
وقلت :: والله ان تقراها على الحضور وقبل العشاء ففعل
********
يابن سعيد ياسليل الطنايا= يامكرم الضيفان يامنبع الطيب
الجود عن جدك خذيته وصايا= زود الكرم سماه بمعشي الذيب
حر علومك بالمجالس نقايا=مع قلب ابيض ماتشوبه عذاريب
بالعون ماشفنا لمثيلك حلايا=بين الرجال الي تعرف المواجيب
قلبك مع اخلاقك سوات المرايا = تعكس لنا ماتشيل خلف المحاديب
عل الردي لك يالسنافي وقايا= من تكثر هروجه بليا مقاضيب
والا انت من حايل عروس القرايا= دار الرجال الي لحاتم مناجيب
تسلم لعل يديك دايم ملايا=وجبتنا لكن اعتبرنا معازيب
وانت العزيز الي من اغلى الدنايا= روس بهم ظن الرجاجيل مايخيب
يابو علي لو لا المسافه ورايا= ولولا يمينك ما اقطع الحد تغريب
لكن السموحه ياكبير المزايا= مع العجاله يخطي الحظ ويصيب
**********
قصيدة الشاعر /
حمود بن محمد الدعيس الفريدي
في حفل قبيلة حرب
الذي دعى له ابناء الشيخ /
جازي الوسوس الفريدي
رحمة الله
احتفالا بزيارة الشيخ /
حمد بن عنيزان الدوسري
وبعض اعيان قبيلة الدواسر العزيزة
في بلدة طلحة الوسوس
***********
بديت باسم اللي بصط سبعٍ باوتاد = وسبعٍ سمكها فوق دون اتعميدي
اللي يديرالملك من حيث ما راد = والناس قسمها شقي وسعيدي
يا الله يا المعبود يا سيد الاسياد = جميع خلقك تحت عرشك عبيدي
نسألك التوفيق لاغلق الماد = والنفس جاء سواقها والشهيدي
ليا ما حضرنا لبو رآكان واش عاد = وشوله الماقف وقول التشيدي
ونواف له فوق المنيفات مقعاد = حرن يبشر بالسعد يوم نيدي
عيال من حاش المفاخر والامجاد = الكل منهم لبو نادرعضيدي
لي الشرف بمشاركة كل قصاد =في حد منطوق المباح المفيدي
الليلة الليلة تعد من الاعياد = ليلة مجي الدوسري للفريدي
سلام تسليمة وفا قلتها جاد = تنصا حمد راع اليمين الحميدي
ارحب راحيب(ن) بها الورد والكاد = عداد ما يوم الهواء با الجريدي
حمد حمد لامن ولد الردى حاد = شيخٍِ بحزات اللوازم رصيدي
شيخ ٍ كراماته يرشن الاكباد = غير الكرم والطيب رايٍ سديدي
حمد حمد شيخٍ له النعم ينقاد = يفخر وتفخر به بيوت القصيدي
من لابةٍ يافون فا الماقف الحاد = اولاد زايد متعبين الضديدي
دواسرن لاجا التفاخر با الاجداد = سواقة العطفة كعام العنيدي
فعولهم من ماضي الوقت شهاد = بالحاظر المشرق وماضٍ تليدي
دواسرن يبرا ضعنهم ليا قاد = قطم الفخوذ معسكرات الحديدي
خيلٍ مصاهلها تقل صوت رعاد = في حزةٍ فيها يشيب الوليدي
يردون حوض الموت بجموع وافراد = بمصقلاتٍ يبترن الوريدي
هل الفعول مجملة كل نشاد = على مسار الطيب دون تحديدي
ذكر الحيا يطلع على روس الاشهاد = يبين للعالم قريب وبعيدي
وختامها مني صلاة ٍ على الهاد = على الرسول المصطفى خير سيدي
*********
قصيدة الشاعر / عواد عبدالله الحنيني الحربي
في حفل قبيلة حرب
الذي دعا له ابناء الشيخ /
جازي الوسوس
رحمة الله
في بلدة طلحة بتاريخ
27/6/ 1431هـ
على شرف الشيخ /
حمد بن عنيزان الدوسري
وبعض اعيان قبيلة الدواسر
*********
ماهل وأهمل زابر المزن همال = رعده رزيز وللبرق اشتعاله
يا مرحبا ترحيبة تشرح البال= بأسم الشيوخ أهل الوفاء والشكالة
إعيال جازي حي والله من إعيال= الوسوس اللي يا عسى الخلد فاله
مفنين للقعدان والحيل والمال = والفال دايم ثانين عقاله
بالمدخنة كمبود والكيف بدلال = في مجلسن ينومس اللي عنا له
ماهي بشيخة بشت واشماغ وأعقال = لا والله الا بالسطر والجزاله
وسلام يا راع الوفا طيب الفال =حمد اليا شال الثقيل ارتكا له
حمد اليا عدو طحاطيح الأبطال= الطيب لو هو بالثريا رقا له
حمد بن عنيزان بالقول وافعال= واحد ويمثله قبيلة لحاله
حمد واليا قالوا حمد من يسمع قال = كفو كفو والنعم قده وناله
نسمع بذكره قبل شوفه من رجال = يثنون لاجا بالمجالس مجاله
من لابةٍ تاريخهم مضرب امثال = بالطيب والنخوة وفعل الجماله
اولاد زايد كان جور الدهر مال = الكل منهم لانطق قول طاله
وكل القبايل ما بها شك وجدال = افعالهم ما تنجحد واستحالة
ومن كل لابة يا هل حي الاشبال = وجميع من سمع المنادي وجاله
حفل الوسوس 
العرض العادي
