مساجلة بين سبيل بن سند رحمه الله والشاعر جبر بن ضيف الله المزيني

هذه الأبيات من قصيدة للشاعر جبر بن ضيف الله المزيني يسندها على سبيل بن سند:

يــا مِــل قـلـبٍ كــل مــا قِـلْــت هـــادي

لا بـــد مـــا تــجــري ظــــروفٍ تــحــدّه

محـتـار فــي دورٍ بـــه الـبِــر غـــادي

وان قِلْت كلمة حق .. تتهـم بضـدّه

ســو التفـاهـم بـيـن الاجــواد ســـادي

عـقــب الـغَــلاَ .. كـــلٍ مْـعَــرِّط بْــبَــدّه

كــثــر الـمـنــازع وافـتـخــات الايــــادي

لين استحـل البغـض عـرش المـوده

مـــن اوادمٍ مـــا يسـمـعـون الـمـنـادي

كــلٍ عـلــى رايـــه . . ولا حـــدٍ يـــردّه

يــا ابــو سـنـد حيـثـك ذكــيٍ حْـيَـادي

ليا بان بالربع الخلَلْ من .. يسدّه؟

[line]

هذه القصيدة يسندها الشاعر سبيل بن سند على الشاعر جبر بن ضيف الله المزيني، رداً على قصيدته السابقة:

يـا كاتـب اكـتـب مــن كـلامـي مـبـادي

اكــتــب كـــــلامٍ مـنـتـهــاه .. ومــشَـــدِّه

باسم الكريم اللي على الخيـر هـادي

يـا اللـي دفعـت القـاف .. هــذا مــرَدّه

هـــذا مـــرَدّه . . مـــن غـرايــز فـــؤادي

ويفـداك مـن جــوّد عـلـى القِـيـل سَــدّه

القـيـل يـوصـف لــون قـــرط الـهــوادي

يخطي الهدف ويصيب . ويطيح قدّه

يا جبر .. قلت .. وكل قولك وكادي

كـلٍ يشـوف مـن اقـرب الـنـاس ضــدّه

هـذا مـرض ومصيـب حضـر وبــوادي

لكـن هـل الطيـنـة .. لـهـم نــوع غــدّه

الــبـــدو لا طـــــال الــزعـــل والـعــنــادي

تجـلا الزعـل عــن خـطَّـر الـبـدو شــدَّه

كـــلٍ عـــن الـثـانـي نـــزح لـــه بــــوادي

والله عــطــاهـــم ســهــلـــةٍ مـســمــهــدّه

والاَّ زمــــــان الـــيـــوم بَـــيَّــــد بـــيَــــادي

للـخـيـر بـــه داعـــي ولـــه مـــن يــلــدّه

لا قـمـت مــن دافـــع وفـــا واجـتـهـادي

تــبــي تـصــلّــح مــايـــلٍ وَيْـــــش نـــــدّه

ان شـيـل مــا نـقَّـص ولا انْـكَــب زادي

ثـــم اعـتــزى خـطــو الـعـمـاوي بــجَــدّه

كِـنّـك عـلــى حـــدا السـمـاريـن عـــادي

والاّ يــقــول الــلــي وراك انــــت عــــدّه

ســـوّد عـلـيـك .. ولا يـســد الـســوادي

يـــهـــز مـشــعــابــه عــلــيـــك ويـــمــــدّه

يقـول: انـا كحـيـلان .. والا الـمـرادي

لا تعـتـرض لــك واحــدٍ مــا انــت قــدّه

جــدّي وابـويـه مــن صـقـور الـهـدادي

اضــرب بسـيـفٍ يقـطـع الـــراس حـــدّه

قـلـنــا هـبـوبــك مـــــا تـــــذر الــرمـــادي

ياللي سَرَيت بمشعـل الشيـخ .. قـدّه

درويـــش غـــادي مـــا يـقــدّى قــــوادي

صَـــيَّــــاح لـــيــــلٍ بــالــزرايـــب يـــــــوَدِّه

خِـبْـلٍ مــن اذنــه مــا يشـيـل الـقــرادي

جاب الشرَك لابليس .. وابليس مدّه