الأنذال سبيل سند الحصني رحمه الله

يالله لاتبقي للانزال ديار = لامن جبرنا ولا مع النايديني

النذل شوفه نار ومرافقه عار = ماتنبغي له رفقة الغانميني

كلام اقوله:وارفع الصوت تكرار = واللي يبي يزعل عليه يجيني

مالي ولا عندي للانذال مقدار = الامل الله خل عند يقيني

من قال انا الكامل تكلف بمخسار = لوطاب ما عنف على الطيبيني

ظني وكلٍ له نظر عين وافكار = والكل زاد اكالةٍ راغبيني

وكلٍ بعقله راضيٍ سر وجهار = اما هقا انه مال عقله وزيني

الصيرمي واللي على الدار دندار = زور الثنتين ولا تعدا الثنيني

قصرة عنا والامعك سبع الاقطار = دور مع الكفار والمسلميني

هذا كلام اللي عطا كل معبار = جرب وشاف وشار لمجربيني

ومن السنين اللي لها اقبال وادبار = ذاق القبول وذاق غبر السنيني

ترى المجرب ينوخذ منه تعبار = علمه قضية شاهدين وضميني

والا الرهاوي لو هرج ماوطا النار = من حرها ما فرك الراحتيني

يدلي بعلمٍ روحوا فيه زوار = جابوه سلوى من قطين لقطيني

ان صح والا عرضه دفع تيار = مثل الحوار اللي على خلفتيني

ليا عضت الضلفة تحت حمل قنطار = عوار في زمل الثقايل يبيني

عليك باللي ينطح الحمل لو جار = لا جض خطوان الهزيل السميني

ماينتخي بك سيل واقع ومعتار = ولا ياكلنك ندر الشامتيني

وليا اعتذر ماكل من يعتذر بار = من عادة الدنيا تزين وتشيني

وره قبولك بين مدخل ومظهار = وتغنيك عاداته مع السالفيني

صونه حيا عن كل مبغض وهذار = صونه حيا والله مع المستحيني

ولق الملا سمرة علابيك واندار = لله وناجه والملا غافليني

اللي يجود من المناشي بالامطار = متكلفٍ بك وانت ماءٍ مهيني