سلطان الهاجري اقبلت مثل الفرس لا سمعت طبول الحرابه

اقبلت مثل الفرس لا سمعت طبول الحرابه


السلام عليكم هذه قصيدة الشاعر...الشاعر سلطان الهاجري اتمنى ان تنول على اعجابكم

يـا لحون الـعـود و إلا يـا مجاريـر الـربابه

اختلف معنى القصيد و ضـيـع الفنان فـنـه

حـلـم مـدري علم مدري بـرقـن في سحابه

و أثـرهـا طـلـت جبينه يوم زاح الليل عنه

اقبلت مثل الفرس لاسمعت اطبول الحرابه

مـقـتـفـيـهـا لـيـلـن اسود والنجوم ايفرقنه

الـنـهـار يـمـر و يعدي و ليله في عـقـابه

و الـنـحر صبحن تجلا والجدايل كـنـهـنـه

مـخملن يلتف حول الجيد الاتلع بـالنـيابه

عن سلاسيل الذهب والماس خوفي إيجرحنه

غاب عني والوله خلاه عندي في غيابه

مادرى ان فرقاه نارولادرى ان لاماه جنه

ياوجودي وجد من صفق على ماضي شبابه

بان شيبه والسنين اللي يبيهن خالفنه

غرته خضرالسنين وراح عمره مادرابه

غـــررنه وارفعنه لـيـن سج وحولنه

وياوجودي وجد عودن لاعيال ولاقرابه

كل مأمساله بضنن خيبة الايام ضنه

مالقى فزعت قريب ولادعاتن مستجابه

ماجداه إلا يون ويرف الونه بونه

ذا وجودي في غياب اللي نزح والله جابه

صح فرض الله فرض وسنة الرسول سنه

ما زرعت إلا غلاه ولانقلت إلا صوابه

والحشى ماضاق من كثر الطعون المستكنه

الغلا جسمن رقيق ومرهف احساسي ثيابه

مثل غصن الورد يوم ان الهبايب يطرقنه

ياحبيبي مازها كف الخضاب إلا خضابه

فيه نظم المفردات وفيه للعشاق عنه

خالقه من فضل محمد على كل الصحابه

وصخره مثل المهار اللي تصخرهن الأعنه

والثنا والشكر للي رحمته تسبق عذابه

مال خلق الله فضل ولا لخلق الله منه

قالها اللي ما خذا مما يريد إلا هبابه

خيرة الفارس ثنية خيل صفرن مستعنه

ما زرعت إلا غلاه ولانقلت إلا صوابه=والحشى ماضاق من كثر الطعون المستكنه

الغلا جسمن رقيق ومرهف احساسي ثيابه=مثل غصن الورد يوم ان الهبايب يطرقنه
صح السان الشاعر وسلمت الأيادي على الأختيار الرائع
نتظر جديدك بكل شوق

صح لسان الشاعر وسلمت اناملك على النقل الجميل

صح لسان الشاعر : سلطان الهاجري،،،
وتسلم يمناك على الاضافه.