ونرقا عليـه بعاليـات المراقيـب

السلام عليكم ورحمة الله

بيما اني عضو جدي في منتداكم العامر

وهاذي اول مشاركة لي الرجو ان تنال اعجابكم.

والمعذرة تكبير الخط والأالوان رفضت تستجيب معاي.
حاولت اكبرالخط وزين الأالوا ولكن مافيش فايدة.
وارجو من المسؤل حل مشكلتي

قصيده للشاعر رغيان الشراري بالجيب

أنا احمد الله يوم يسر لنا الجيـب=وأنا أشكر اللـي ورده ثـم جابـه
من مصنع اليابان مابه عذاريـب=من اختراع مهندسـاً حـط كابـه
عام أربع وتسعين جوه المناديـب=وجابوه للتاجـر بدفتـر حسابـه
تنكين والثالـث عملنـاه تركيـب=والماء بجنبه مع مخـازن زهابـه
مجهزاً حسب الطلـب للمراكيـب=مع واحداً ساق الثمن واعتنى بـه
روس السست مبرشمه باللواليـب=وريش المريعي رسمةً فوق بابـه
والحوض متر بطول مترين تكعيب=وإلى طبق بابه تشـوف الكتابـه
ماهو بصالونٍ مراتـب وترتيـب.=وإلى انكسر طيه عطيبـاً خرابـه
شلنا عليه الفارسـي للمكاسيـب=مسرولاً وإلى لقا الخـرب صابـه
وقت السماح ولا عصينا المعازيب=وحد الحمايه مـا وطينـا جنابـه
إلى خفـق مـع خايـاً للمطاليـب=يازين مع راس القـرار انحطابـه
أيمن من الثايات وأيسر من السيب=وإن لفت السكـه قطعهـا شذابـه
غربي من الهوة شمالي من البيب=في سهلةً مثل الخبـاري سرابـه
نَزْ الحصا من ضربها بالدواليـب=مثل البـرد أول هلـول السحابـه
حدري قطا حاديه شوف اللواهيب=والريح تطرق من جناحه روابـه
إن عانقه طير القنص بالمحاديـ.=بودامه سلم مـع ميلتـه وإنقلابـه
يرقاء مع الحره كما مسلوع الذيب=ومر الطبيق ومر عالـي هضابـه
ونرقا عليـه بعاليـات المراقيـب=وطاف النفود وما زبر من ترابـه
هذي حلاته دون شكـاً ولا ريـب=العمـر يقضـي والليالـي نهابـه
[كم واحداً ينبت على عارضه شيب=ماذاق لذات الطـرب فـي شبابـه
يجمع حلاله وأحرمه عالم الغيـب=ومن بعده الوريث يمـلأ جرابـه
ترى العقول مفرقـه والأساليـب=وإلا الأوادم بالملابـس تشـابـه

حياااااااك الله يا ابو تركي
وصح السان رغيان الشراري وصح بدنك
على القصيده يستاهل الشاص ,,,
قصيده رائعه تقبل مروري لك أخي ابو تركي,,,,,,

هلابك اخوي ابوتركي بين ربعك وجماعتك

اسعدتنا بمشاركتك الجميلة

صح لسان الشاعر وسلمت اناملك على النقل

المشاركة الأصلية كتبت بواسطة ابـن مـطــيع

حياااااااك الله يا ابو تركي
وصح السان رغيان الشراري وصح بدنك
على القصيده يستاهل الشاص ,,,
قصيده رائعه تقبل مروري لك أخي ابو تركي,,,,,,

ابن مطيع بارك الله فيك
وتشكرعلى الرد الجميل
وكذالك ترتيبك للقصيدة

اخوك ابو تركي مدير موقع(منتدى)
وان شاءالله عن قريب يتم تركيب بنر موقعنا عندكم
وبنرموقعكم تم تركيبه الدينا البارح بليل

مشكور على الأختيار الطيب

وصح لسان الشاعر

فريدي وفي + الصقر الجارح

مشكورين على مروركم وردودكم

صح لسان الشاعر ،،، وصح بدنك يابوتركي،،،
وياهلا ويامرحبا فيك بينا.

بارك الله فيك اخوي عايض

على الترحيب الحار وهذا ليس بغريب عليكم جميعاً