من بعض قصائد محمد الخس

بالله ياهـل البيـت لاتشلعـونـه



خلوا عيوني من حبيبـي تـروى



ثـم لاتهوزونـه تبـا تضربونـه



جعل اليدين اللـي تطقـه تكـوى



جلده حريـرٍ لـو تبـا تلمسونـه



مثل النفل لو تلمسـه لمـس ذوى



غروٍ نياشين الغـلا فـي عيونـه



يضحك ويشرلي على القلب جوى



يقـول هـذا لـك ولايقربـونـه



وابو الذي يزعل بعشرين ضـوى



وانا مليك ارضاه ماجـوز دونـه



قلبي معه في يديه من حيث موى



حيث اني افهم ماخفى من ضنونه



وادري بقلبه مـن قديـم وتـوى



واخشى عليه من العرب ينضلونه



انا اشهد ان اللي مسويـه سـوى



نبنوب مـوزٍ مايـلات غصونـه



عرقه من الجم الـزلال يتقـوى



والخد بـراقٍ تكاشـف مزونـه



مثل المشاعل في مقاديـم نـوى



عنق الغـزال مخلعـاتٍ متونـه



والثوب من فوقه عليـه يتطـوى



في خاطري مافالبشر مثل لونـه



مما خلق ربي مـن ادم وحـوى



الله على من شد مجمـع قرونـه



واكنع عليه وفـي رقبتـه تلـوى





==============================


يامرحبا يااللي لـك القلـب مفجـوج



عـداد نسنـاس الهبايـب ليـا فــاج



حطيت ريع بوسـط القلـب هجهـوج



ياعيـن حـر بالخضيـرا لـيـا راج



حبك طفح بي طفحت السـاج بالمـوج



ماعاد لي عن حبـك اليـوم مخـراج



اودعتنـي لاشـرب ولاكـل ولادوج



ولاستطعم المنطوق مـن كـل هـراج



لاغبـت عنـي دق بـي كـل دالـوج



قامـت تواردنـي هواجيسـي ازراج



قلبي يجينـي نـوج واضيعـه نـوج



يجيه مـن فرقـاك سجـه وسوهـاج



كن البنات الشقر عنـدي مـن الهـوج



ماكن به غيـرك علـى الارض دواج



عندي جميع السن بنات العرب عـوج



الا لسانـك فيـه لـي طـب وعـلاج



في هرجتك شئ من السحر ممجـوج



والنور مـن غرتـك يطلـع وينبـاج



وليـا ضحكـت بذبـل مابهـا فلـوج



مثل البرد مـن مزنـة تلعـج العـاج



واغضيت في سودن بها السحر مدعوج



ترسل سهوم الموت من حجره افـواج



تنثـرن شقـر مثـل كاسـي الغـوج



تاصل اليا ردف كمـا حـزف ديبـاج



جاني بـلا فالقلـب يسوجنـي سـوج



يتلنـي يمـك لـك الـروح تنـعـاج



كني اليا شفتك علـى انهـار وبـروج



والاملك شعبٍ علـى راسـي التـاج



واليا بديت بضحك وهـروج واغنـوج



قلبي غدا زبده على صالـي الصـاج



او مير كني بين الاضـلاع مخجـوج



بشلفا مثـل شلفـا غنيـم بـن فـراج



غنيم بن شبـلان مخلـن لـه سـروج



ليا صاح في تالي الرمك راحت امراج



تبـا تخلينـي مـن العقـل ممـروج



على العمـر شامـان تدرجنـي ادراج



ياروح روحي كـان مامنـك منتـوج



خف الغلا لاعـاد تحرجنـي احـراج



خليتني يازيـن الاوصـاف محـروج



صليـت فيّـه شـرق ماعـاد يحتـاج



لـو قلـت سيـر وخـذ عندنـا روج



جيتك على الاقـدام ممشـى ودفـلاج



اجـي وانـا مبهـوج واروح مبهـوج



ليا حصل لي منك لـو رفـة احجـاج



=========================













=================================









الله من قلبٍ عوى عويت الذيب



ذيب عوى لجت ضلوعه ولجي



عليك ياراعي العيون المهاديب



سودٍ مضاليلٍ وساع ٍ وبجي



سودٍ تشذب بسرة القلب تشذيب



طحت بخطرهن يالله انك تنجي



سهومهن تسطي على القلب وتصيب



تخج صندوق المعاليق خجي



ياصاحبي حبك لقلبي عواقيب



ارفق علي شوي قبل استلجي



يا اللي عليك عيون الامه مراقيب



تقول بين شفاك درٍ يمجي



والخد براق المزون المهاضيب



اللي رعوده رجت القاع رجي



يامنوتي مافيه شك ولاريب



منساك كود انسى صيامي وحجي



يابو نهودٍ شلعن مقدم الجيب



كمشمشٍ عرقه من الماء ينجي



من فوقهن شقرٍ تغذى على الطيب



ريح الشمطري في طرفهن يعجي



ذيل اشقرٍ ينسف خلاف العراقيب



تطلب عياله بالمهر والترجي



هزه وزرفات السبايا جناديب



لوما شليل السبر والمال هجي



ذبحتني ياسيد كل الرعابيب



فجيت قلبي يأريش العين فجي



فجن مثل مظراب شلفاء تراحيب



شلفاءاً تخل الدم الاحمر يكجي



لا وردة من كف مرو المغاليب



والخيل كاسيها ضبابٍ وعجي



ياعاذل المشتاق مابالهوى عيب



ماذقت لذاته عسى امك تدجي



لو ذقت من حلوه ومره تجاريب



مالمت طراد البني الغنجي



نجل العيون مزعلات الخطاطيب



شعوٍ عذاب مقطعين الفرجي



لو يحصل ليديك فيهن مقاضيب



مالمتني في حبهن والتهجي



يم الحبيب اللي هروجه تعاجيب



ياعين لديله ويارجل سجي







=================================









=======================



لولاك يالورع الصغير الفروعي



ماجيت من نجعي لهلك متعني



ياصغير الانهاد طيرت شوعي



دايم ورجلي يمكم ماتوني



عليك لونه من امك بشوعي



كن العرب تتنهبك وتغبني



في هرجتك لو هي قليله قنوعي



لو كان هرجك يسلب العقل مني



يوحيك قلبي قبل توحي سموعي



حتى العروق الجاريه يشهدني



حبك تخلخل مع مفالج ضلوعي



حتى بنوم الليل ماغبت عني



وان غبت عني يامليح الطبوعي



قامن دواليب الغرام يحدني



فقعت ثم قامت تسابق دموعي



مثل الخرز من رمشهن يمطرني



واقنب كما ذيب عوى عقب جوعي



واليا عوى معه الضلوع يعوني



لاقام يقنب في طويل الفروعي



ماشاف مخلوقٍ ولاشاف جني



ارض خلا مابه من الناس دوعي



بس الفجوج الخاليات يهوني



الذيب يقنب ماحصل له متوعي



وانا بلاي اللي بحبه شحني



راعي جديل فوق ردفه اشروعي



ذيل اشقرٍ شاف السبايا تعني



لاشافني زعلان ماعاد يوعي



ذولي مقابيلٍ وذولي يجني



يقول انا لك شايمٍ عن ربوعي



واقول مافاد الحكي والتمني



ما أنت متهيٍ لي لو احب كوعي



دونك حجاجير تحن وتوني



الا يجيبك من يجيب الرجوعي



مخلي الفياض الممحله يخضرني



او يأمر الله من يقود الجموعي



عبد العزيز الفيصلي يمتكني







========================





صاحبي ناشني بالموده نوش



نوش مسقًا تساعر بوسط الجاش



تلني تلت الركب للقنطوش



يوم قفوبهن شافهم حشاش



عوص هجنن عليهن مصطر غوش



وجههم كاسبًا والقفا منحاش



لاعني بالهوى لوع فرخ وحوش



واودع الكبد من سبته حمّاش



زين فوق المبيسم ثلاث رقوش



فوق خدًا يشادي شقاح الشاش



ان نطحه الهوى ضامره منجوش



وان قفاه الهوى شايفه ماعاش



وان ضحك بالرهايف يابو علوش



مت واعمري اللي خذاه بلاش



يوم احلي جديله شليل كروش



شافت السبر يومي على الادباش



ذيل شقرًا تكزه بوجه الهوش



كل ماامهلها بالرسن تهتاش



آه يامشخص الصايغ المنقوش



فاصلاً في !!!!ه بياض قماش



مشخصًا صافيًا ماعليه عبوش



كامل الوصف مافيه قولت ماش






========================








مرت عليَه يوم عيد رمضاني



نبنوبتن مثل الجنيه ادهشتني



قالت صباح الخير يامودماني



قلت الحياه ابغرتن صبحتني



اول سلام معاقبن باليماني



بصابعن مثل الذهب خامستني



قامت تبسملي بغر الثماني



حتى على الموت الحمر وردتني



تضحك بغرٍ كنها القحوياني



بشفيها ذوب العسل لو عطتني



في خدها الموت الحمر له غواني



بعيونها اللي ساحره كهربتني



اموت واحيا بين عشر الثواني



لارقرقة بعيونها واخزرتني



خزرة غلا في ضحكتن بغنجاني



منها حياةٍ لي وفيها اجرحتني



تظهر لي رموزن تحشر احشراني



فيهن نياشين المحبه دعتني



لا شفتها قلبي يروج اروجاني



وين اعرضت ليه وين انطحتني



لولاه تردعها الضلوع المحاني



كان الحياه مع العرب فارقتني








=====================




الحب بلوى وأكثر النـاس بلـوى



وأنا دليلي يأهـل العـرف عينـي



القلب ماله في سميـره وسلـوى



لو أكثـر العالـم لهـن ميدينـي



مالي بعض الصيد عسـاه يلـوى



ما ينشرح له خاطري لو يجينـي



القلب شفه فـي عماهيـج علـوى



نجل العيـون مهلكـات الجنينـي



اللي مجاذبهن من طيـور شلـوى



مرويـن حـد مذلقـات العرينـي



لا جا الدلع يا بوش والحكي حلوى



لو كان قلبك مـن صفـاةٍ يلينـي



ملزوم قلبك يجزل اجزال دلـوى



لا جتك تمشـي تنعـط عطفتينـي



والرأس ذيل كروش ما جت بفلوى



شقـراً تكـم معيـلات القطينـي



لو قابلت لك في هـدوم سملـوى



تغنيـك عـن نزالـة المشرقينـي








=====================







هلا ... هلا يأم العيون المظلـه



اللـي بعينـي مالهـن حـلايـا



فيهن تقول طـراد خيـلٍ وسلـه



اما هـل الـردات والا الطنايـا



لا احذفو عـن المهـار الأجلـه



وردوا لبيـضٍ كنهـن الحنـايـا



ورداتهم تشفي القلـوب المغلـه



من غير حقرانٍ لباقـي النحايـا



يا بنت من ينطح وجيـه المهلـه



زيزوم عيـراتٍ ومقـدم سبايـا



مع دربه العيرات مثـل الأهلـه



دايـم سماريهـن تتالـى حفايـا



العذر منك اني فلا قلـت زلـه



لا طاب حظ مصورين الحكايـا



ما فيك ما ينقال فـي كـل ملـه



وعذروب أهلك يعدلون السرايـا



والزين فيك أحلا الوصايف مدله



مالك بغضـات الصبايـا تهايـا



شمسٍ على روس النوازي مطله



شعاعها يرسـل سهـوم المنايـا



لا بانت الغـره عليهـا اسـم الله



بأطرافها تقـل يتكاشـف مرايـا



مثـل البـروق بمزنـةٍ مستهلـه



توضي وكاسيها أشقرٍ له زوايـا



ما شفتهـا الا ساعـة مستزلـه



يوم العياد ويوم ذبـح الضحايـا



فالماقع اللي شافها النجـع كلـه



تلعب نهار العيـد بيـن الصبايـا



بحجاجها سيفٍ من الهنـد سلـه



تشرق وترهق موسعين الهوايـا



فأن كان هذا سب أنا راعي لـه



يا سيـد كـل مفلجـات الثنايـا



وانا ما أسب الناس طبعي جبلـه



لو كان أشوف الناس تمشي عرايا



إلا ليا جـاء شاعـرٍ فيـه خلـه



مضيـعٍ دربـه وعنـده نـوايـا



اعطيه علـمٍ ليـن دربـه يدلـه



واسنعه بالـي يسـوق المطايـا



=========================













=========================







سمعت الحمام اللي سجع فوق غصن الدوح



جذبني بنغماتن هل الحب تفهمها



تغنا بشعرن من شذاه العطور تفوح



يعطّر مسامع من سمع في ترنّمها



من الشاعر اللي قبل انا لاامدحه ممدوح



وكد قالوا الاجواد ماتهفي ذممها



غنيّن عن التعريف ازيد الوضوح وضوح



تباها به اشعاره يصخّر ملاحمها



عميد القصيد وفي عيون العدا ذرنوح



وهو الاديب ونفسه الرب ملهمها



شعاني وانا قلبي مع اهل الغرام ايتوح



هضمني وروحي قبله الحب هاضمها



جبرني ابوح وعادتي للخفا مااابوح



اداري عن السمعه ونفسي مشيّمها



اجامل وانا قلبي بسيف الغلا مصطوح



اكن العباير في ضميري وكاظمها



هليك ودريك ادوّر من البلال انشوح



وكبدي تفوح وبارد الشرب يلطمها



غديت الغليث اللي يخاف البروق تلوح



يسوج ويلوج ونفسه الغلث مسقمها



سبايب عنودن صار في حبلها ساموح



حرمني محجّرها وهي مثلي احرمها



علامه يفرّقنا لعله ماهو مبيوح



بنينا الامال وحاقد القلب هدّمها



ولاله مصالح بس غاد الجدا مشفوح



مسممّ ونفسه زايد الغيض سممّها



حقود وحسود ومسردن كنه النابوح



وذلوله على كل المغازي يدرهمها



عسى الله يلم الشمل بالصاحب النصوح



وتطيب النفوس اللي محيمه حوايمها



وتليم شفوف اهل الهوى والعدو مكبوح



وتلحق هواها المغرمه لجل مغرمها



تهيّا على وضح النقا دربها مبروح



انال الهنوف اللي ولامي موالمها



ويبرا فوادن من غرام الهوى ملحوح



لحاه الهوى وارثع بروحي وحطّمها



وتخايط جروح بداخل الضامر المشلوح



من الجادل اللي حاكمتني وحاكمها



هنوفن عيوفن من تولّع بها مسموح



كساها الحلا من الراس لاحد مقدمها



غنوجن عنوجن بهرجها للعرب سحوح



فتونن يضيّع كلمته من يكلّمها



بها من مهاة الريم غره وفيها لموح



تذوب القلوب بنارها ماتقاومها



عليها الله اكبر كيف جاحت فوادي جوح



بها النفس مرهونه ولاني بلايمها



تمركز غلاها غصب ماعاد هو ممسوح



ولاعاد لي سلطه على النفس ايممها



انا صاربي ماصار للخس ياملّوح



طواني هوا خلن طوى الحال واعدمها



خليلن تخلخل خل عقلي وشاحه شوح



عزلني عن العالم دها النفس واوهمها



خطاها كبر سنجار مير الخطا مدموح



لعل وعسا ترحم وذا من مكارمها







====================


















================================




قصيدة الشاعر عبدالله بن نايف بن عون العتيبي





تفتحت بيبـان قلبـي بعـد حـول ,,,,,كف العـذل يـا عاذليـن معـذولا



ياصاح كثر العذل واللـوم مملـول ,,,,,ما يسمع المغرم نصائـح جهـولا



وكلن على طبعه من الناس مجبول ,,,,,والفـرق واضـح بيـن ذولا وذولا



أنا شريد الفكـر والحـال منحـول ,,,,,سليم جسـم فـي ثيـاب معلـولا



دايم زعول ومني الفكـر مذهـول ,,,,,,ارا الجلد وحصون صبري صمـولا



ياصاح اخذ مني عن الحال مدلـول ,,,,,,شي لجا في ضيق جولـي يجـولا



راحات قلبي ما تجي لي على النول ,,,,,,,حتى ولا من طيف خلـي رسـولا



راعي جديل فوق الامتان مجـدول ,,,,,,,دلال شيـخ فـوق نحـر الذلـولا



العام جرحي من هوا البال مكتـول ,,,,,,واليوم عينـي تفضحـه بمهلـولا



ما اشوف غير مجمل الحفل مجمول ,,,,,في خاطري عن كـل حـيٍ يحـولا



ليا ضحك باللي كما صافي اللـول ,,,,,,,بيـن الشفايـا والكـلام معسـولا



تخالهن وادٍ من الوسـم مسيـول ,,,,,,ريضان قلبي عقب ماهـي محـولا



ولو ناشني من فيض حسناه هملول ,,,,يخضر قلـب مـن فـواده جفـولا



عزاه يا محمد عن الوصل مشكول ,,,,,لاهنت شفلـي يالمجـرب حلـولا



يابو خلف شف لي من الراي مفتول ,,,قـدام لايقـف القمـر بـالأفـولا



ان ما تهيت منك الافـراج بحلـول ,,,عقب النهر مـا ينـورد للدحـولا







رد الشاعر محمد الخس







البارحه جفني جفا يابـن هدمـول ,,,,,,,,,لذ الكرا وش حيلتـك وش تقـولا



ليا قلت وش رايك ترا ما بها زعول ,,,,,الراي دايـم بـه صعـود ونـزولا



ليا صار فكري يم ابن عون مشغول ,,,,,هاك القبال اللي عسى مـا يـزولا



انا اصله من فوق من تقطع الكول ,,,,,,والا اتصـل بـه هاتفـي عجـولا



حيث ان ابو نايف له الحق مدبـول ,,,,,,فيما ملكـت ومـا يدينـي تنـولا



راع الجواب اللي من الفكر معدول ,,,,,,,مافيـه مـا ينقـال لـولا ولـولا



كنه من الواحد وعشريـن مزلـول ,,,,بيديـن فنـيٍ يـسـوي شـكـولا



ياصيرف الجوهر تغزلـك مقبـول ,,,,,,,جعلك لمطلوبـك مـن الله تنـولا



شعاك طفل غض مجمـول مدلـول ,,,,اللـي بنغماتـه غنـوجٍ خـجـولا



عجاب لعاب بالاوصـاف مكمـول ,,,,,مرن معك راضـي مـرن زعـولا



مثله يخلي طيـب الفكـر بهلـول ,,,,, من فقد عجاب المـزوح الدجـولا



قبلك سميك قال يا احول يا احـول ,,,,,خـذن قلبـه زاهيـات الحـجـولا



ما فيه قلبٍ عن هوا البيض معزول ,,,,,يا ابن الرجـال الطيبيـن الفحـولا



اللي لهم في نجد تاريـخ وفعـول ,,,, يـوم القبايـل تفتخـر بالفـعـولا



ان كان قلبك من عراويـه منتـول ,,,ياما ويامـا شـال قلبـك حمـولا



احمول حب اللي غذاهن من الشول ,,,,,بيض العواتـق عايـزات الدلـولا



اللي ليا مرن وانا القـاع ماهـول ,,,,غضن وفي عيونهـن تقـل حـولا



وانا تـراي مبيتـن هجـن ونعـول ,,,,مع دربهن يوم اسطفـاق النـزولا



هذا الصحيح وبيننا الشـك مزيـول ,,,,,,ياللـي فـوادك للمـوده مـيـولا



ان كان خلك واقف دونـه شمـول ,,,,شمول تقول ابعـد وحنـا بـه اولا



محجرين ودونه السيـف مسلـول ,,,,,والعين دون مغيزل العيـن شـولا



وانته على حسن النبا ضايق الجول ,,,,,,والبـاب دونـه مغلـق بالقفـولا



عليك باللي من زبنهم مشا طـول ,,,,,,,,حكـام نجـد مطوعيـن العيـولا



ان كان قاموا فيه صاحبك مكفـول ,,,,,ما والله اذكـر غيـر هـذا حلـولا



ماهوب وقت مصافق خيول بخيول ,,,,اليـوم حكـامٍ وحـحـمٍ عــدولا








========



قصيدة الشاعر الشاعر الكبير عبدالله بن عون (ابونايف)









والله مابدلـك بالغنـم يالمغاتيـر,,,,,,,,,,,,,,واني مابدوي بك من الناس شاوي





حتى تخضين الفيـاض المخاضيـر,,,,,,,,,,وتقطفين ارقـاب نبـت الصـداوي



اليا جاء لروس قليقلانـه نواويـر,,,,,,,,,,,,,,مثل الدقوق بريش خطو النـداوي



الابل محبتها لهـا طابعـن غيـر,,,,,,,,,,,,,,,,واليا وقعت فالقلب ماهيب تـاوي



ثنتين مافيهـن مسـاوم وتسعيـر,,,,,,,,,,,لا فاتن الرجـال طـاح متسـاوي



دامه يراودهن وهو في رجاء خير,,,,,,,,,,,,ولا غيرهن لمراض روحه مداوي



وليا تركهن هف مع شفـت البيـر,,,,,,,,,,وصارت اموره بين هاوي وعاوي



محبة الوضحـا وحـب الغناديـر,,,,,,,,,يستانس اللي في طلبهـا رجـاوي



اليا عرضت شقرا شعرها دعاثيـر,,,,,,,بعيونها تخلـف مسـار الهـواوي



واللي يبي يطلب عن القول تبريـر,,,,,,لاينشـد الا طيبـيـن الهـقـاوي



يرفع لمثل لمحمد الخـس تقريـر,,,,,,,ويستنظر الحل الصحيح القصـاوي



واليا خذا التقرير من شاعر مطيـر,,,,,تـراه حلـن مايعقبـه دعــاوي



ويمكن يقول الثالثه نقلـت الطيـر,,,,,,,,اللي حصل رفض الجناح الرهاوي



رفض الجناح اللي ليا استتبع السير,,,,,,حول على راسه بالامر السمـاوي



طرح الشبك ماهوب من وارد الجير,,,,,,,من طار من عشه امراحه خلاوي






رد الشاعر محمد الخس









جتني بيوت مصخر القاف تصخيـر,,,,,,,,,,,,,,عبـدالله النايـف ربيـع الفـداوي





يقـول وش رايـك ويبانـي اشيـر,,,,,,,,,,,,,رايي مثل رايك على منـت نـاوي



ياراعي الوضح الخيـار المصاغيـر,,,,,,,,,,,اللـي لمثلـك ماتجـي بالمنـاوي



لاتطيع بالمغتـر جميـع المشاويـر,,,,,,,,,,كانك علـى لـذات قلبـك شفـاوي



خل الغنم لو هـي تجيـب الدنانيـر,,,,,,,,,,,راعي الغنم فقري لو انـه غنـاوي



ليا طاح من غر المزون الشخاتيـر,,,,,,,,,فأرضن بعيدأ دونها الذيـب عـاوي



ثم جاء لعشب الوسم فيها دواويـر,,,,,,,,,,وتغاوزوها مـن جميـع النحـاوي



راع الغنم ماهوب ياصـل بتيسيـر,,,,,,,,,الا بشيـل وحـط واخـذ وكـراوي



والبل تزاعج مع وجيـه المظاهيـر,,,,,,,,,يومن لها عشر اجبتـن للشـواوي



تاصل ولو ان الحيا من ورى الذيـ,,,,,,,,رمادام تلقى مـن شحمهـا شـلاوي



ويضأ ضحاياهـا رقـاب المناعيـر,,,,,,,,,يوم الطرب قبل السـلاح النـواوي



وان جتك عكشأ مثل خشف الحمارير,,,,,,,,نبريـه تبحـث خفـا كـل غـاوي



ارجع لها لو يزعلـون الحجاجيـر,,,,,,,,,,,كان انصحت لـك بالغـلا لاتـراوي



والاشقر اللحـاق عـوق المدابيـر,,,,,,,,,,,لاتتركه دام انـت هـاوي وقـاوي



اللي تماري بـه جميـع الصقاقيـر,,,,,,,,,لاجيت قاعن فيه عشـب وحـراوي



وانته سديد الراي فـي كـل تدبيـر,,,,, وتسنـع الغـاوي كفيـت البـلاوي









============



أنا في يدي خرشا تشـادي لوجـة الـداب ,,,,,,,أليـا شافـت الحَفـال تفـري دواغرهـا
حديدة وجه واحد مـن وجههـا المخـلاب ,,,,,,تقص العظم ليـا ناشتـه لـو بخنصرهـا
أليا شفتهـا منـاك سـودا تقـول عقـاب ,,,,,كبيـر الثنـادي منسـر البـاز منسرهـا
عليها العيون من الصقاقيـر تقـل حـراب ,,,,,ليـا مرهـا الصـقـار لازم يخـازرهـا
على الخارم المقفي تفرقع مـن القضـاب ,,,,,,,تفرقـع مـن القضـاب كنـك مبشرهـا
يشادي شبل جنحانهـا حـد شلفـا ذيـاب ,,,,,,حديـد النظـر وان تعـلـت اتصرخـهـا
ليا شافت الجـول درعـت فيـه ماتهـاب ,,,,,ثعت فـي ركونـه ليـن تكثـر عثايرهـا
ليـا منهـا قامـت ترقـى ورا السحـاب ,,,,,,رقت لين مـن جـو الخضيـرا اتحدرهـا
فرتها وهي متعليـة فـرى دلـو نصـاب ,,,,,,حداها الطيار اللي مـن البعـد حاشرهـا
تجي قاضبتهـا قضبـة السيـم بالكـلاب ,,,,,,,قبـل لا تطـب الارض منهـا اتشطرهـا
عطيـة اسنافـي ماهـو بالعطـا طـلاب ,,,,,,ولاهـو امتكاثرهـا ولاهـو امـدورهـا
أبو ناصـر اللـي فاتـح للشكالـه بـاب ,,,,,يمينـه تنـفـذ مايحـسـب خسايـرهـا
نسل مانـع اللـي باللقـا يـورد الهيـاب ,,,,عقيـد النضاكـم بـوش بـدو ٍ يبغثرهـا
ليا نشبـت الحيـة تلافـت لـه الارقـاب ,,,,,تبي عادة ٍ مـن حـزة الضيـق يظهرهـا
عقب ماتوفى اللي حضـر يكفـي الغيـاب ,,,,عن الاسـره الأمـوات يكفيـك حاضرهـا
اسبـاعٍ مقـادم قـوم ومعربيـن أنسـاب ,,,,اهل فرسة ٍ كـل ٍ مـن النـاس خابرهـا
يجي دايم الطيـب مـن الاصـل والجـذاب ,,,,صحيح الحـرار النـادره مـن مواكرهـا
وصلك انت يا منصور ابن ناصر الجـواب ,,,,,,قصيـدة ثنـا واللـي يحلـل يفسـرهـا
من الشاعر اللي لى بغى الشعر جاه اسراب ,,,يسـوق المثايـل ليـن ينقـى جواهرهـا
ماهو بشاعر ٍ مايفهـم العـدل والصـواب ,,,يبيهـا ولا يـقـدر لسـانـه يعبـرهـا




==========


قصيدة الشاعر صحن بن قويعان المطيري






يابو خلف شري ممـر المداهيـل ,,شوف الرسوم الماحية هو بلايـة



لا جيت دار دمها العـج والسيـل ,,,قعدت أوقـف بـه وبيـح خفايـه



وهلت عيوني من دموعي هماليل ,,لوكان مالي نصـرة مـن بكايـه



أبكي على الماضي وأعاف المقابيل ,,,واللي يبـا ترجيـع الأيـأم تايـه



يادار وين مـرودع الخـد بالنيـل ,,اللي توافق فيـك رايـي ورايـه



راع العيون اللي هدبها مضاليـل ,,سود (ن) توريني مواري غلايـه



إشاعة تعطي عن القلـب تحليـل ,,تعطيك عن خاف المعاليق غايـه



قلبي دليلـي يالقلـوب المهابيـل ,,أعرف في وجهه رضاي وجفايـه



دليـل للـي يفهمـون الدوال ,,يـلاللي يعرفـون الهـوى وأنتهايـه



ما هو بعشق قليلـن المحاصيـل ,,اكالـة ألحـب المملـح وشايـه




رد الشاعر محمد الخس






يا بو قويعـان الليالـي لهـا ميـل ,,ماهـي بتابعـةٍ هـواك وهـوايـه



تفني لها جيـل ويظهـر لهـا جيـل ,,ماتنتعـدل فـي عصـاك وعصايـه



وأقفت على ركابة الجيـش والخيـل ,,اللـي لهـم تـال السبايـا حمايـه



هل الفخر هـل المهـار المشاويـل ,,اللي لهم فـي مركـز العـز رايـه



وكم فرقت بيـن القلـوب المغاليـل ,,مثلي ومثلـك يـوم زمـة صبايـه



يوم الهوى مع لا بسـات الخلاخيـل ,,أخـذت أنـا ويـاك منـه الكفايـه



عشقٍ شريفٍ مع بنـات المشاكيـل ,,مابه على الهاتف يابنـت قصرايـه



ندرى الشرف عن راعي القول والقيل ,,من خوف عدوانك وفرحـة عدايـه



ونصبر كما صبر الزوامل على الشيل ,,تجحد بلا نفسـك وأن أجحـد بلايـه



واليوم صار العشـق كلـه تغازيـل ,,ماعـاد لـه مبـدا ولالـه نهايـه



لو كان تنشـد لـك ثلاثـة مخابيـل ,,كـلٍ يقـول المـاء تجيبـه دلا يـه



كل طمع بالسـرح حتـى الزماميـل ,,لو مايحصـل شـي سـوى دعايـه



صار الغرام اليوم مسـرى جماميـل ,,وين أنـت ياجمـال خلـك ورايـه







وسلامتكم ,, منقووول من مصادر متعدده