مساجلة جميله بين شاعرين من شعراء الفرده

السلام عليكم ورحمة الله وبركاته

باذن الله تعالى سوف اقوم بكتابة مساجلة بين شاعرين

من شعراء الفرده وهذا الموضوع ارجو تثبيته حيث سوف

اضيف اليه كل فتره قصيدتين بين شاعرين من الفرده

اذا رايتم ذلك والامر راجع للادارة ثم اراء الاعضاء

البداية هي هذه المساجلة الجميلة بين الشاعر / عبدالله بن سمير العوما الميسوي الفريدي

وابن عمه الشاعر الكبير / حمود بن محمد الحمر العويني الفريدي

هذه قصيدة موجهه من الشاعر / عبدالله بن سمير الميسوي الفريدي ( منادي )

لابن عمه الشاعر حمود بن محمد العويني

هات القلم واكتب على القاف والطرقوسـجـل لـنـا قــافٍ طرقـنـاه طـرقـا

نــاح الحـمـام ونـحـت مثـلـه ولافــرقنـوحـي مـثـل نـوحـه ولافـيــه فـرقــا

وانـا كتمـت الحـب ولعـي مـع الــورقويــزداد دمـــع الـعـيـن لانـــاح ورقـــا

علـى وليـفٍ مـحـرقٍ ضـامـري حــرقحتـى اصبحـت منـه المعالـيـق حـرقـا

حبه على وضح النقـى مـا ادرقـه درقولاعمرهـا حـاكـت بــه النـفـس درقــا

ابـــو ثـمــانٍ لاضـحــك كـنـهـا بــــرقينتابـنـي حـبـه عـلــى الـكـبـد عـرقــا

طعنـات سهمـه بالحـشـى لونـهـا زرقمــن كـثـر زرقـــه للمعـالـيـق زرقـــا

ياحمـود اثـر النـاس مـن بينهـم فــرقفــرقٍ مـثـل مابـيـن غـــربٍ وشـرقــا

ماقلتـهـا كـــلاك ولامـقـصـدي قـــرقلــون بـعـض الـنـاس يـخـويـك قـرقــا

مركـب غرامـي طابـعٍ بوسـط الـغـرقامـا حصلـي اسـعـاف فالـحـال غـرقـا

نـزّل مجاديفـك ثـم شويـش بــي وارقبـطـوق النـجـاة لـبــر الامـــان نـرقــا

جتـك الرسالـة بسرعـةٍ تسبـق الـبـرقعـبـر الاثـيـر اتجـيـك مــن غـيـر بـرقـا

وعندما وصلت للشاعر المبدع الكبير / حمود بن محمد العويني

ارسل مرد القصيده يقول فيها (( هذا مردي على ابن سمير وعلى

منهاج غير منهاجه لتعذر القافية على منهاج القصيدة الاولى ))

مرحبا ياللي شرح لي عن حوالهفـي ظـروفٍ للاجابـه مغلقـاتـي

اجتهدت بكل ما املك من بسالهمار ضاعـت حيلتـي بالمفرداتـي

سكّر الطـاروق والماجـود قالـهولي طبيعه ما اتوطا السارياتـي

ابـو فايـز مرسـلٍ لـيّـه رسـالـهايتشكـا مـن غــرام المترفـاتـي

من هواء الخفرات واعزي لحالهعقبن بالميسـوي رمـح الزناتـي

يابـو فايـز جعـل يفـداك الحثالـهيـا سليـل الجـود راع الواجبـاتـي

ابلجٍ من طيب ابوه وطيب خالـهجامعٍ مـع الرجولـه طيـب ذاتـي

ياوسيع العرف عندي لك مسالهوانـت حـرٍ جامـعٍ كـل الصفاتـي

الهواء يا بن سمير اتـرك مجالـهيـوم صـارن الـرسـوم مبينـاتـي

اجتهد في طاعة المولى وسالـهاطلـب الله بالمروفـه والثبـاتـي

كل مسلم حق يقنـع فـي حلالـهمايطـالـع للطـيـور الطـايـراتـي

التغـزل مالـنـا بسـوقـه عمـالـهبايـعـيـنـه يــازبــون الـوانـيـاتـي

التغـزل بالمشيـب مـن الجهالـهكل وقتٍ لـه حصـاد ولـه نباتـي

لي ثلاث عقـود عـن الغـي دالـهمالتفت بالزين لـو ياخـذ عباتـي

واختصرت القيل مالي بالاطالـهجعل ابو فوّاز ما ينسـى وصاتـي

واليكم ردا وجدته في المساجلات للشاعر المبدع أبو فهد سعد هذيل يقول :-

مجاراة لقصيدة الشاعر عبدالله بن سمير العوما الموجهة للشاعر حمود العويني الفريدي

والتي أردت ان انشرها عبر منتدانا العطر حيث اعجبت فيهارغم صعوبة قافيتها

قــاف ٍ قريـتـه حـــرك عـروقــيالزرقخلى وريـدي ينحدربـي ويرقـا

القلـب والنبظـات والـدم والـعـرقتحـركـن باسـبـاب ذكــره لطـرقـا

احترت بالافكار كيف اسلك الطرقوواســى العـومـا بـحــب ٍ تـعـرقـا

يذكر وليفه بالحشى سارقه سـرقويخشى تروح الروح باسباب سرقا

لاشك ماحـدد مكانـه مـن الشـرقفـي نجـد وإلا غـرب بـحـدود بـرقـا

وإلا مع الأشـوام فـي ديـرة العـرقوإلا مـع الأتــراك والـبـاش مـرقـا

وإلا عـلـى لبـنـان وبنيـهـا الـبــرقتلع الرقـاب ومشيهـا مشـي ورقـا

حدد مكانـه يالبناخـي علـى اليـرقوابـشـر بـعـزك يــم داره يـطـرقـا

فـي جاهنـا وفلوسنـا نغرقـه غـرقعلى النقا وايضا علـى راس مرقـا

إن طاع وإلا بالنمش نمرقـه مـرقوأنتـه سليـم وصاحبـك بالصمـرقـا

ولكم مني اطيب تحيه

مساجله جميله من شعراء الفرده

دمت على العز يابومحمد

دائما جميل بحضورك وجديدك

وهذه المساجلة الثانية بين الشاعرين الكبيرين / عبدالله بن سمير العوما الميسوي الفريدي
والشاعر الكبير / علي بن عبدالله الطهيمي الذي يعد من افضل شعراء الفرده بالقصيم .


يقول أبو فايز أرسل لي الشاعر الطهيمي هذه القصيده وهي تعبر عن نفسها يقول :

القلـب يـا ابـن سميـر مابـه منـاعـهحاولت ابصبـر يـا ابـو فايـز ومليـت

ملـيـت لـونــي بـوســط الجـمـاعـهنـعـمٍ بربـعـي عـزوتـي لا تـعـزويـت

قلب الشقى مالـي عليـه استطاعـهبس اتمنـى البـر لصبحـت وامسيـت

ويا ماحلى ممشى حديـث الصناعـهفـكـس آر لمـنـك ركبـتـه تهـقـويـت

صنـع الحكيـم اللـي نجـح باختراعـهوعلـى جهـاز الكمبيوتـر مــا قنـيـت

صـوت المكينـه لاشتغـل دق ساعـهويفصـل اليـا منـك دبلـتـه وخفـيـت

قلت اركبوا يا أهل الكرم والشجاعهأغراضنـا كــد شلتـهـا يــوم صلـيـت

قبل طلـوع الشمـس يبـدي شعاعـهوالجيب جاهز فاحـصٍ مـاه والزيـت

وزان القصيـد وزان حتـى استماعـهوتـرتــاح لاسـولـفـت والا تـوحـيــت

وعلـى الكنـاود تقـل ترتيـب إذاعــهماقطعـوا علـى النشـامـا سرابـيـت

اهـوايـتـي واحـبـهـا مــــن قـنـاعــهمـرتـاح لــو انــي تعـبـت وتعـنـيـت

وبـالاخـره مانـرجـي احــدٍ شفـاعـهونرجي الذي في قدرته يحيي الميت

وقد جاوبه شاعرنا العوما بهذه الابيات :-

أهـــلاً وسـهــلاً عـــد بـــث الاذاعـــهوعـد الحجـيـج الـلـي يلـبـون بالبـيـت

بـرسـالـةٍ جـتـنــي بــفــن وبــراعــهمن الطهيمي طيـب الفعـل والصيـت

زبــن ضعـيـفٍ جـــور الايـــام لاعـــهعـلـي عـبـدالله مابـهـا قــول يالـيـت

يامنـادي ابـن سميـر سـمـعٍ وطـاعـهانتـه شـريـك الـلـي بالأبـيـات نـاديـت

أركـب علـى البـاب الايـمـن وسـاعـهوأختر من الأصحـاب مـن هـو توريـت

كـانـه كبـيـر الـســن قـــدر وراعـــهخلـك وسـط فـي صحبتـك ماتـرديـت

الجمـس دفرنسيـن ونـعـم البضـاعـهتلحق مساريحٍ مشوا عقب ما اضحيت

يعجـبـك صــدره بالطـمـان ورفـاعــهكنـك علـى البنـق المسمـى تساويـت

قبل الفجر فجران ما احلـى انشلاعـهوالصبـح للـحـد المـحـرم تعـديـت (1)

بيـتـن لـبـن نـفـجـان قـــو انـدفـاعـهشاعر مخضرم عاصر الحـي والميـت

وياماحـلـى بـالـبـر طـقــت شـراعــهوجمع الحطب وللبن الأشقـر تقهويـت

بـزحـول ربــعٍ كــل ابـوهـم جـمـاعـهرايٍ مـوفــق يـــوم ربـعــك تنـقـيـت

وكبـشٍ مـن المـصـلاح راعـيـه بـاعـهوقــام يتبـلـج يـــوم للـنـقـد عـديــت

ومعنـا اشقـرٍ طـلاع سبـق وقطـاعـهلاصـرت فـي راس الطويـلـه تعلـيـت

ثـم ساوقـت لـه فـي مطيـر ارتفاعـهراحــت قــوام ولا عـلـى الله تعلـيـت

وهـذي حـلات العـمـر قـبـل الـوداعـهوقبـل تقـول انـي علـى فـلان صليـت

( 1 ) الشاعر لافي بن نفجان الحربي يقول ك-

فيها تضيع اعلوم خطو الهبادي *** اليا قوس العقم المحرم تقل سيف

يمسي بها الميلاف ماهو جوادي *** اليا غربت شمسه رجع صاعه نصيف


وعلى المحبه نلتقي مع شعراء اولاد راشد ومساجلات اخرى

مساجله رائعه

منصور الوسوس دمت بالوجود والــود

لدي رأي الا وهو عدم وضع اي رد للاعضاء فقط تكون المشاركات لمسجلات الشعراء

ودمتم بإحترام

بقايا انسان لك اجمل تحية على مرورك

واقتراحك جميل الا اننا نرغب المشاركات لتنشيط

الموضوع وكتابة الملاحظات والتعليق على المساجلة والتعريف اكثر بشعرائها


لك صادق الود

بسم الله

الخال ابو محمد

اختيار جميل وموفق وفكرة رائعة

وبهذه الطريقة وهذا الا سلوب يتم اثراء المنتدى ولايضير النقد وتعدد الآراء

فنحن لازلنا في طور النمو والطريق طويل

ونريد لهذا الحماس الشبابي الاستمرار ونتقبل المشاركات والملاحظات طالما كانت بحدود نهج المنتدى

السامي .

اما مشاركاتي ياخال فهي لازالت تشجيعيه اما ليا جاء ( الصملي ) تبي تسرك الامور انشاء الله

هالحين خلنا نكثر السواد

لك حبي

اخوي منصور 00 اولا الحمد لله على السلامه 000 وين هالغيبه 000

ارجو نقل القصيده الثانيه حق العويني الى المشاركه الاولى وتكون المساجله في مشاركه واحد 000 ثم القيام بكتابة مساجله جديده محل المشاركه التي قمت بمسحها بالمشاركه الثانيه 000

اعذرني ما هو تعليم 000 على سلامتك يا الغالي 000 بس مجرد رأي قابل للقبول والرفض 000

مشكوووووووووووووووووووووررر على هذه القصائد الحلوه الرائعه الجميله 000

اخوي الوسوس
مشكور الله يبارك فيك وفكرة ممتازه جدا الله يقويك ويعافيك مجهود طيب طبت لنا بافكارك الحلوه

كفو يابو عبدالعزيز (( سعد من انته عزوته يبن العم ))

ابداعك واضح وتشجيعك محل تقدير الجميع

لك اجمل تحية ياعظم العرب .

رأيك على الراس يابو راكان فعلا كان هذا المفروض

وسوف اعيد الترتيب لك كامل الود ومشكور على التوجيه الجميل والتواضع الجم منكم نستفيد .

دئما مبدع اخي منصور


واتمنى ان لاتتوقف هذه المشاركات

وخاصه في مجال الشعر

ولك كل الاحترام والتقدير

ودمتم سالمين