من ديوان حمد المغيولي رحمه الله

بسم الله والصلاه والسلام على رسول الله

اما بعد

هذا موضوع عباره عن ديوان للشاعر حمد المغيولي

وهو من ال جناح من بني خالد من اهل عنيزه

ولقد سكن في عنيزه بدايه عمره وتنقل في تبوك وغيرها من المدن

وتوفى رحمه الله في عام تقريبا 1415هـ

هذا والله اعلم

اسير الحب لو صاح القوايـل لا تلومونـه
ترى قصدير قلبه من وحم نار الهوى ماعي
لا ياعذليـن القلـب تكفـون لا تعذلونـه
عذلتو والقلوب الهايمه ماتسمـع الداعـي
عليه الهم خيم والتعـب والسهـر لعيونـه
سبب من لا جزاه الله صوابه بين اضلاعي
بكى مجنون ليل وان ابكـى منيـب دونـه
انا الي في بحر ميه وعشره يكفخ اشراعي
بلاي القماش من حدر القماش مذهب لونه
لزمته ثم سمته سومه الصامل ولا باعـي
وراكم ياهل المال المذهـب مـا تبيعونـه
عشقت المال نوعه شاقني من بد الانواعي
احب السلعه الـي مـن بلـده مايعرفونـه
عليها شمعه ماروجت بالسوق من ساعـي
ثمان سنين ماغيـرت زاد وسـط ماعونـه
والى قلت الهديه من زهور الورد ماطاعي
يا مغادر بـلادك رافقتـك السلامـه
لو فراقك على روح تـودك فجيعـه
ماعلى العين وان طاول سهرها ملامه
اشهد ان الفراق الصبح شوفه شنيعـه
ابعدو به وصار الهم لـي والندامـه
اطحن الغيض في كبدي وكبدي وجيعه
ابعدو به وحضي به مـادرك مرمـاه
لا شربنا غديـر ولا رعينـا ربيعـه
كيف بسلى حبيبي ميت فـي غرامـه
كل ماجبـه الطـاري عليـه هزيعـه
لا تلومون من عينه جزت عن منامـه
ماعلى الزين يا هلا الزين نفس رفيعه
ياعفيـف نزيـه مايـنـزل مقـامـه
عند المال غالـي والشـرف مايبيعـه
بس حلو اللسان ومعه شبـه ابتسامـه
يطعن القلب برموشه وعينه وسيعـه
يامليكه جمال الحسن فيكـم وسامـه
وان بدا ردى من بعض البني مانطيعه
انت سيد البني حتـى تقـوم القيامـه
حامل صك من ريس قضاه الشريعـه
وانت من مركز الزينات تاخذ علامـه
بالحلا والرشاقه والحيا بـك طبيعـه
ودي ابعث جواب ولا اثق الى حمامه
واثـق ان الحمامـه سرنـا ماتذيعـه
اتطمن عليك وخيـره العمـر خامـه
موجب لك قصور بالضمايـر منيعـه
والله اني ماقول الياس منـك ختامـه
اترجـاك دور الـيـوم الا تبيـعـه
مرثيه حمد بن عبدالرحمن المغيولي , في والده رحمه الله

دعوني بحالـي ياعـرب لاتعذلونـي
دعوني اكافح لوعه الكـود بالهونـي
دعوني اكايز لوعه الحـزن والاسـى
واقرط على روس الاصابيع بسنونـي
دعوني كفاكـم لوعـه الهـم والنـدم
دعوني لو زاد الجـوع لا تلومونـي
دعوني على مابي من الويـل والعنـا
يـا موفقيـن الخيـر بالله خلـونـي
دعوني اودع شيـخ اقفـت رحايلـه
على خطه بيضاء بها الخلق يمشونـي
دعونـي اودع شيـخ لاقـى وديعـه
لو اني على فرقـاه مانيـب ممنونـي
دعونـي اودع مـن يـذري قرابتـه
كم دوحه حفرلهـا نشـر وغصونـي
دعوني اودع مكرم الضيف والخـوي
فريد الطبايع مايبـي الهيـن الدونـي
اودعك ياشيـخ مجـار مـن الخطـا
عن العيب واللي ينقد الرجل مصيويني
دعوني عليه ابكي من الصبح للمسـا
مع الليل حتى يخيم القمـر بعيوينـي
دعوني اعزي بـه شيـوخ وعجايـز
لهم غير طيب النفس واجب وقانونـي
والله لو ان الـروح بالمـال تشتـرى
لسوق ماحوشت والرزق مضمونـي
فلا شك هذي ساعـه العمـر انتهـت
امنت بك ياسامع الصوت ذا النونـي
امنت باللـي ذي تصاريـف قدرتـه
رب عمر هالكون بالكـاف والنونـي
لك الحال يامن حل بالـدار وارتحـل
عن الحي والحيان والـدار والكونـي
لك الحال مـا بعـد عايـش الـردى
من الله خلق روحه لما مات مدفونـي
لك الحال يالي مازرب في عشيرتـه
بدوا وانتهى مافيـه قالـوا يقولونـي
حكيـم حليـم مـن مباديـه معتـدل
عفيف نزيه النفس ماهـو مشحونـي
حليم حكيم من مهـذب فـوق هقوتـه
ولاجا وسيط بين خصمين يرضونـي
وختامهـا بدعيـك ياسمـع الـدعـا
ياناصر موسى على قـوم فرعونـي
تغفر لروح خيمـت حـدر رحمتـك
يامعتني بالكـون يـا خيـر مامونـي
هذا القصيده لها سالفه وقبل نذكر القصيده نقول السالفه , كان شاعرنا حمد المغيولي مسافر مع والده وفي طريق العوده ارادو الاستراحه وكان الجو بارا جدا , فنوحو ابلهم وجلسو يتقهون ويعدون العشا وهم يتناولن القهوه
وكان ابو حمد فرحا في تلك الليله فقال :
يا حمد سمعت انك تقول القصيد , وانا لست بشاعر ولا اعرف الشعر الاعمك يقول الهجينيات والي سمعته مهوب هجيني
فاستغل حمد الفرصه وقال لا بيه هذه القصيده وكان انا ذاك لم يبلغ العشرين

يقول





قال الذي وسمه على الكبـد عرقـات
وسـم جديـد ولخقـو بـه عراقـي
يابوي انا شيبـت والنفـس مغـرات
والعيـن تشـرف نايفـات المراقـي
ماعقب عشرين سنه صبـر وسكـات
لد النظر يمـي تـرى القلـب شاقـي
صبرت انا والقلـب حاديـه ضيقـات
واليـوم انـا ماعـاد فـي انفهاقـي
شف مع الـي عنـد اهلـه مخفـات
الـي حلـيـه مـارتـع بالمتـاقـي
له قذلـت فـوق الردايـف مغـذات
ينثر عليهـا الطيـب بيـن المشاقـي
هاف الحشا كنه عن الـزاد معطـات
وسيطهـا مثـل الـهـلال متـلاقـي
وجدي عليها اليـوم والعمـر مافـات
وجدي عليهـا اليـوم والعمـر باقـي
وجد الذي معه خمس مع خمس خلفات
ضاعن حلال القـوم بيـن الطراقـي
اصبح على ماقيل يرمـي بالاصـوات
لـــو دور مـاهــب لا قـــي
يالا يمـي جعلـك كسيـر بمضـات
كسـر علـى حـد النحـر بالتراقـي
هذا الجـزا وختـام قيـل صلـوات
علـى الـذي بالغـار كافلـه واقـي
تعزيت اهوم الصبر والصبر ماطيقه=عيوني من الفرقا شوقهـا يلاحقهـا
الا يا عيوني من طوى الهم والضيقه=الى اقبل سواد الليل هلت غوارقهـا
اهوجس ودمع العين جرح طواريـقه=كما تجرح الوديان جانـب مضايقهـا
انا انتل قلبي وانصرم مـن معاليقـه=جزع وانمزع والروح شبت حرايقها
الا ياوجودي وجد من قـال توفيقـه=غدى لـه ذهيـب جرتـه مايعتقهـا
على جاهل كن الكواكـب عشاريقـه=تهوى القمر والشمس من فوق عاتقها
عليه اشقر منقوض تسبـح دواليقـه=على نهده المركوز والنهـد خانقهـا
الا واهني من صام وافطر على ريقه=شهر من زمانـه عندهـا مايفراقهـا
شفى علتي شربه هني من لواهيقـه=اطفي بهـا كبـد ضماهـا مخرقهـا
عسى مزنه من عصر تكشف بواريقه=عليها يحيل الطير مـن قـو بارقهـا
تحدر على مـزن هوايـه مشاريقـه=جنوب الشعيب وشرقها الجال فارقها
تجي غبها الريضان تضحك زماليقـه=حمار وبياض زاهيـه جـل خالقهـا
مداهيل عنقى يشكي الضيـم عشيقـه=يسومل وروحه عاصفه الحب طارقها