مسمــوح يا زولٍ مشيــت متــعــدّي,,,,,!!

مسموح يا زول مشيت متعدي = حط الذرى بيني وبينه عباته
دوبه بطرف العين يمي يلدي = يبي يسمّح خاطري بالتفاته
قلبي يبي شوفه وعيني تلدي= أخاف من هرجٍ يطوله شماته
أخاف من فطنه خطات متحدي = اللي على الغرات هذي سواته
ما ودّي إنه يكتشف غيب سدّي=خلّه يروح وعبرته في لهاته
لابد من يومٍ رخاه متمدي = يلحق به القلب المولع شفاته
يومٍ به الحسيد عنا تصدي = راعي الحسد عنا بعيدٍ مباته
جعله بدربه ذالفٍ ما يردي = احذف وراء الشيطان سبع حصواته
يا ناس بالله لا تصيرون ضدي =من لا هرج بالعدل يكفي سكاته
يا ناس مجروح الضمير المودي= خلوه يدله ساعةٍ في حياته
يا صاحبي ماهوب ودك وودي = لو ودّنا كلٍ تخيّر مناته
من دون جمعانا سلومٍ تلدي = تمنع شفوق القلب دون شهواته
دونك عدوٍ للحسد مستعدي = طعون قلبه بالحشا موجعاته
وإلا فلا غيرك حبيبٍ يسدّي = تكفيك ضيقة خاطري وانهتاته
حبك مقيم وحب غيرك يشدّي = هذا الكلام اللي صحيحٍ ثباته
سلطان حبك لو سيوفه تحدّي = جيته مطيعٍ لسياته واحسناته

للشاعر: مرشد البذال- رحمه الله

صح السانه .....وصح بدنك على الأختيار الرائع
أخي عايض

قــلــبـــي يـــبــــي شـــوفــــه وعــيــنـــي تـــلــــدي
أخــــــاف مــــــن هــــــرجٍ يــطــولــه شــمــاتــه
أخـــاف مــــن فـطـنــه خــطــات مـتـحــدي
الـــلـــي عـــلـــى الـــغـــرات هـــــــذي ســـواتــــه

مشكور اختيار لفت الأنظار

شاعر كبير رحمه الله وصح لسانه

وسلمت يمينك اخوي مشعل ع النقل

شكرا على المرور الرائع يابن مطيع.

شكرا على المرور يالصقر الجارح.

خلود الفرده ، اشكركــ على المرور.