من ديوان احمد الناصر الشايع

الله اكبر ياحمام


الله اكبر ياحمام من صلاة العصر ناح ********** وانشغل قلبي معاه لاجزاه الله بخير

الله اكبر يوم ناض طار ورفرف بالجناح*********ودي اتبع ساقة الراعبي وازريت اطير

ودي اتبع ساقته بالمقيل وبالمــــــــــراح ********* شوف عيني بين هاك المباني يستدير

واهنيك بالمــسا ياحمام وبالصـــــــــــباح ******** كل يوم تشاهد الترف ملهوف الضمير

ياحمام الورق قل للغضي سيد المــــــلاح********* عن ذهابي قل لزين الوصايف يستخير

وصف خده بارق الوسم من منـــشاه لاح********* يوم شعشع زاد نور البلد عقب الاخير

والعيون عيون خشف(ن)تربى بالبيــــــاح********* كل ما هبت نسيم الهبايب يستذير

يامريح القلب قلب المولع ما اتســـــتراح********* تقل يجذب للهوى في سلوك من حرير

اتضيم واتهضم وانا مالي صــــــــــــلاح ********* واتقلب طول ليلي مثل وصف الكسير

ياهلي لولا الهوى كان اطنب بالصــــياح *********عقب فرقا الترف ماادري وش الدنيا تصير

كن بعيونه لراع الهوى زرق الرمـــــاح ********* هو خطر واللي تولع معه قلبه خطير



هذه المحاوره جرت بين الشاعرين الكبيرين/ احمد الناصر الشايع و خلف بن هذال العتيبي

احمد
يـــــاسلامي سلام لـــــه وجاه وجاه
------------------------------ ردة قلتهـا والناس توحيهـــــــــا
يــــــــــا خلف كــــل بيت جود ميناه
------------------------------ والسوالــف تشجعها معنيهــــــا
خلف
مــــــرحبا وابتداك الليل وخذ اتـــلاه
------------------------------ والليالــي نجددهـــا ونحييهـــــا
يا احمد الناصر السارى على مسراه
------------------------------ ابحث النار واقبسها و اطفيهـــا
احمد
كل طرقي مع الطرقه يحسب اخطاه
------------------------------ انتبه لاول الطرقه وتاليهــــــــا
صــاحبيي صاحبي يلزم علي ارضاه
------------------------------ ودي اضحك عيونه ثم ابكيهــــا
خلف
كـــــــل طرقي يسير وتطلعه يمناه
------------------------------ والرعيه تعيد لــحظ راعيهــــــــــا
كـــــان ترقى المناير حطلك مرقاه
------------------------------ لاتوهق على الــدنيا وتخطيهــــا
احمد
الخبل فوق راسه نركي العرقـــاه
------------------------------ لــين يذكر اعلوم قبل ناسيهـــــــا
يــا خطيب كتب خطــــــه ولا يقراه
------------------------------ مـــا درينا عيونه ويش معميهـــــا
خلف
انت غادي وخصمك عارف ممشاه
------------------------------ ديرتك جعل وسم الغيث يسقيهـــــا
من خطر ذيب داري لا تموت الشاه
------------------------------ ذاهبه كنت اسرحها وضويهـــــــا
احمد
صاحبي يحسب العربان في مخباه
------------------------------ والفريضه نساها مايصليهـــــــــا
عقب ساعه يروح امقيط هو ورشاه
------------------------------ لا يجيب العلوم ولا يوديهــــــــا
خلف
صاحبك يحرصك واحرص على دنياه
------------------------------ عمت الكل يضحكها ويبكيهــــا


ياناس راعي المحبه


يا ناس راعي المحبة لا تعذلونة
مهوب عن صاحبة دالة ولا سالي

لو يسهر الليل كلة لا تلومونة
الحب بلوى مانيب اول ولا تالي

لى صاحب ما قطعت الياس من دونة
لو غاب عني خيالة دوم يبرالي

الصاحب اللي سحر هاروت بعيونة
ودي بشوقة ولكن ما تهيا لي

يا هيف الخصر عيني فيك مفتونة
والبعد ياصاحبي ما يرخص الغالي

الروح يا صاحبي بحماك مرهونة
عزي لحالي عقب فرقى هوى بالي

ياكود وصلك على مثلي ويا هونه
ان كان حالك طواها اللي طوى حالي

عن غيرك القلب غسلتة بصابونة
والعين ما تلتفت فى كل الازوال

ما يجرح القلب كود فراق مضنونة
ابطيت ما ارسلت لي يازين مرسال

أجر صوت جميع الناس يوحونة
غديت مثل المصيح بالخلا الخالي


البارحه يوم العباد


البارحه يوم العباد رقود
النوم مايطري على بالي


مجروح روح وخاطري ملهود
ياناس خلوني على فالي


تبكي عيوني والدموع شهود
أي والله أبكي صاحب غالي


يازين مالك بالعذاب فود
أرفق بحالي يا بعد حالي


ودي بوصلك يا نعيم العود
ودي ولكن ما تهيا لي


اللي ذبحني بالعيون السود
من قبل اعرفة خاطري سالي


ترى المحبة ما بها منقود
والله فلا اسمع هرج عذالي


ياعود ريحان عليه ورود
ومنين ما هب الهوى مال


هبي بريحه ياهبوب النود
يطفي بعض همي وغربالي


الحب يذبح والشقا محدود
ماهى سواليف على الخالى


يا منوتي يا غاية المقصود
زولك يورى لى ويبرا لي


ياناس قولوا لغض العود


ياناس قولوا لغـض العـود==تكفون ياناس قولو لـه

ما اشوف له من عذابي زود==كثر التصاديد وش هو له

ابو ثليـل اشقـر مرجـود==اسمع بذكره ولا اطولـه

وعيون نجل هدبهن سـود==يذبح بهن من يجي حوله

ياكثر الأزوال بيض وسـود==ماهم بمثلـه ولا حولـه

عقب المودة جفا وأصـدود==ماشفت زول مثل زولـه

إن مت ابا القى عليه اشهود==عنقه وخدّه ومجدولـه

أسهر وكل العيـون رقـود==اليا تباطيـت مرسولـه

يازين حبل الهوى ممـدود==لكن سجايـاه مجهولـه


طرق مسودس

يزول عنك الباس/ ياللي شكيته/ ليت السلامـه تنشـرى عن ونتك نفداك /بالحال والمـال/ جميـع ماتملـك يـدي
بين الرجا والياس /وقتي قضيته /ماباع حظـي واشتـرى ماقدر على فرقاك/ والحب غربال/ ابديت جهدي واجهدي
الهم والهوجاس/ كله خذيتـه /مافـاد فـي شـي جـرى العام انا وياك/ ياسمح الاقبـال /بالعـز نمشـي ونعـدي
اللي لقوه الناس/ قبلـي لقيتـه/ جـرح المـوده مابـرى ترى الشفا باشفاك /مار الدهر مال/ لاشك انا عنك محـدي
ودي بهرجه راس/ مع من هويته/ لكن سرى ليلي سـرى واحترت وين القاك/ من كثر الازوال/ وسهيل بيًن والجدي
جدر بليا سـاس /مهمـا بنيتـه /مابـه ظـلال ولا ذرى ياقلب وش عناك/ والحب قتال /يقطعـك يالحـظ الـردي
عن سكته الافلاس/ قلبي نهيتـه/ يـدري وكنـه مـادرى واليوم جاك مناك/ بالوان واشكال /تخطي وكنـك مقتـدي
اخشى من الوسواس /قلبي عصيته /طلعت به طلعه كرى سبحان من خلاك/ للروح سلال /عندك عذابـي واسعـدي
حب بغير قياس/ ليتي وليته/ بالخيـر والشـر اخشـرى صبر على بلواك/ للعسر حلال /من يجهل الدرب يغـدي


عـــــــــــــــــــــــا بر


عابر وخطواتي مواقع للأزهار *** عابر خيالاتي مواسم سحابه


عابر وابهدي للزمن كل الاشعار *** نزف القلم هم الورق والكتابه


عابر وابنسف في شرايني اعصار *** جربت انا الغربه وشفت الغرابه


عابر بلا تفكير مليت الافكار *** ومليت من طول الشقا والكآبه


عابر بدون اسرار هو باقي اسرار *** حتى الالم صارت دروبه تشابه


عابر وزادي بالسفر حب الاسفار *** عابر طريقي بين صحراء وغابه


عابر وابنهي مرحلة نضجي الحار *** عابر وابلغي من عذابي عذابه


في تربة الغربة نبت عندي اصرار *** وعما يقول الناس ما املك اجابه


عابر واذا قررت ما حب الاعذار *** ويكفين وصف البعض بانسان نابه


انا البـارحـه قـلـبـي

أنا البارحه قلبي تديره تفاكيره=أهوجس ودمع العين وحده وثنتيني
ألا واعذابي كان طالت بي السيرة=أنا ويش اسوي كان طاول سهر عيني؟
نطحني غزالٍ جافلٍ شايفٍ ذيره=طفح شوف عينه من ورى الناس الاقصيني
ألا ياعيون اللي كفخ وإنقطع سيره=تلقى الخلا واقفى يرف الجناحيني
عديم الوصايف مع هل البرّ والديره=أنا قبل اشوفه شوف والله معافيني
ألا واهنيّ اللي تلمّه به الجيره=فراقه يموتني ولاماه تحييني
من اخطا هواه اخطا من الخير والخيره=ملكني تقول إمن إبن مروان شاريني
وانا حالفٍ بالله ماتبع هوى غيره=أبتّبع هواه وعن هوى الناس يغنيني



قصيدة رثاء للشاعر الكبير / أحمد الناصر الشايع


نـهار ثالث عــقب عيــد رمضــــاني
ناس عطاها الله وناس محرومه
أحداٌ قضى عيده ســــلام وتهانــــي
وأحداٌ توصله الكواكـب همومــه
صادفت صدفه من صدوف الزماني
منها قوي الحيل تفتــر عـــزومه
هذا زمـــان الهـــــم والإمتحانـــــي
وقت على قلبي تعاقــب سهــومه
الاولــه كـــامل جميـــــع المعـــاني
مزبن المضيون شرع الخصومه
محمــد اللـــي فالقســـى والليــــاني
عقبه سمـايه غــــايبات نــــجومه
والثانيــه باقـــرب قريــب ودانـــي
خامــس عيالي يوم جتني علــومه
قـالوا مابين الخـــاصره وحلبــاني
ولدك مـات اللـي تـرجـى قـدومـه
جـاء يومه المـوعود باربـع ثواني
قـلت السـبب قـالوا دنا منه يـومه
عــلم عـلى الكبد الصخيفه كواني
كـية عطـب ما تنشكـى للحكومـه
تهشمت كـــل الضلوع المــحاني
مـفجوع والمـفجوع ماحداٌ يـلومه
أخذت لي ساعـه وأنـا في مكـاني
حسبت لي عشرين طيحة وقومه
ألـيا بغـيت الهـرج ييبـس لسانـي
والذاكره عـندي تـقول معـدومه
قــمت أتلــفـت وتسـمـع بـاذانـي
مـن شـاف حـالي ماتهنـا بـنومـه
مما بقـلبي رحـت باللـيـل عـاني
للـموتر اللي مابقى ألا رسـومــه
عـن روحـتي ياليت ربي نهـاني
ولا شفت دمه ساٌيـح في هـدومه
قـمت ودفنتـه والـله المـستعـاني
في خـرقة بيضا عـليه مـحـزومه
يـم الـقويـعيـه بـلاد قـحـطـانــي
والـحر غـير لون وجهي سمومه
وأقفيت من عنده وعشري ثماني
مـثل المـصبـح والبـلاد محكومـه
والله لـولا نـي وســيع البطانـي
لا صكها مثل أشقر الريش حومه
طاوعت نفسي مير عقلي قواني
عـن الخطا ما فيه نفس معصومة



البارحه واليـوم عينـي

البارحه واليـوم عينـي طواريهـا كثيـره= عيني طواريها كثيره وش اسـوي بعينـي
ماجا خبر وعلوم وطروش من ديره لديـره= وطروش من ديره لديره يسلـون االحزينـي
من ينصر المظلوم كوده الى سمع السريره=كوده الى سمع السريره حكم بينـه وبينـي
هجر وسهر وهموم ضاقت على كل الجزيره=ضاقت علي كل الجزيره وانا ضلعي متينـي
لاهل الغرام سلوم ومصيبه الفرقى كبيـره=ومصيبه الفرقى كبيره عساهـا ماتجينـي
عيني تعاف النـوم بالليـل يالله الستيـره=بالليل يالله الستيـره يبـا الخافـي يبينـي
نادو عقيد القوم ياقـوم ملـزوم استشيـره=ياقوم ملزوم استشيره لـو انـه مايبينـي
يازارع اليشموم ليتك تبيع بحسـن سيـره=ليتك تبيع بحسن سيره علـي او تشترينـي
ان بعت باول سوم سموك ابو خير وخيـره=سموك ابو خير وخيره وابو قلـب فطينـي
رضيت بالمقسوم سافر عساها لك سفيـره=سافر عساها لك سفيره وانا وش في يديني
انا له المحكوم ماهمنـي مخلـوق غيـره=ماهمني مخلوق غيـره بحبـه مشترينـي
لو قيل لي منجوم راضي وخلوها قصيـره=راضي وخلوها قصيـره ولا بّيـح كنينـي




ومن قصائده التي تتضمن طرافة الموقف ولم يضعها بديوانه*

انه سافر مره من الرياض ومعه صديق له اسمه(عبدالعزيز)

وفي ذلك الوقت لم تكن الطرق معبده كما هي الان*

فتعطلت السياره في الوحل وكان يوما ممطرا فتلوثت ملابس

شاعرنا فقال:

سفره لعلها يا عزيز ما تعود

-------------------بين خزه والخناصر قعدنا ليلتين

موتر مشيه لك الله مثل(---) الذلول

-----------------دايم يرجع ورا يا معين الصابرين

ان بغى الجودا رد البنك رده لا يجوز

----------------ان مشى ساعه وقف يا عزيز ساعتين

مع صلاب الحزم يمشي وكنه في نفود

-------------------جعلها الله للقرافه وحنا سالمين

البساتم والكرنكات جمله والعمود

--------------------جعلهن يخبطن من يسار ومن يمين

ثم اشوفه في عيوني مثل كنب الهنود

------------------واقف تسفي عليه السوافي كل حين


نصحة قلبي عن هواه

نصحة قلبي عن هواه وعذلتـــه ********** لاشك عيا لايطيع النصيحــــــــة
البارق اللي ينعش الروح خلتـه ********** انا المشقى والعرب مستريحــــة
عساه يسقي وادي قد نزلتــــــه ********** يوم من الأيام يازين ريحـــــــــة
واد الغرام اللي يذكر دخلتــــته ********** فيه العذاب وبه رسوم مليحــــــة
ماقال ابن لعبون في مي قلتــــه ********** قلت البيوت الصايبات الصحيحة
بذلت مجهودي وجهدي بذلتـــه ********** والله ماقول إلا العلوم الصريحة
زول قتلني بالهوى ماقتلتـــــــه********** لو مت باسبابه عسى الله يبيحــة
ياكبر هم عقب فرقاه شلتـــــــه********** مار الليالي بالمواصل شحيحــة
لو قلتو ابشر بالعوض ماقبلتــه********** جوزوا وكثرالعذل يرث فضيحة
ياللي عذلتوني وش اللي عملته********** يالايم العاشق تطيح بمطيحـــــــة
الباب عن كل العواذل قفلتـــــه********** ياناوي بالعذل طبه بطيحــــــــــة
لو لي حلال مع حلالك عزلتـه********** كم ضحكة جا عقبها كم صيحـــة



اه وجــرحي اللــي حــــار فيـــه الطبيب

اه وجــرحي اللــي حــــار فيـــه الطبيب // قــرب المــوت مني يـــالله المستـــعان

ياهل العرف والمعروف جرحي عطيب // خبــرو بي صخيف الروح جال الثمان

كـود جــرحي إلى شفتـــه بعيـني يطيب // بـيـن مــوت وحيـاه وبين خوف وامان

يــالله اني دخيــــلك مـــن رداة النصيـب // لو يــليــن الحـــديـــد التـرف مابه ليان

كيــف شيــبـت بي من قبل وقت المشيب // وانت غــربــال حــالي بالخفاء والبيان

نـــوب عني بعيـــد ونــوب عندي قريب // والله انــي لا اقـــول اسباب مابي فلان

خف من الله تــري الله فــوق خلقه رقيب // وانت غــربال حــالي بالخــفاء والبيان

قبل قرف تحــط النــاس سرح او عزيب // انـتحي في مــكان وانــتــحي في مكان


ومن قصائد الشاعر احمد الناصر الشايع مساجلة مع الشاعر صالح الناصر

والإسناد أولا من صالح الناصر يقول/


من هواجيسي واعرف النار مصدرها شراره
0000000000 واللقا كد قالوا أهل المعرفة عكس الوداعي

طال صبري والقدم في ماقفي طال انــــتظاره
000000000 كلها ماودي أخسر مع حميدين الــمـــــساعي

الحقيقة كل راس به نغاميش وصــــطــــاره
000000000 يحتزم وقت الهجوم يحتزم وقـــــت الـد فاعي

وأن قنب ذيب المدينة جاوبه ذيب الــــقراره
000000000 شي عادي والسباع أيهمها صوت السبــاعي

قبل ندخل بالقضية ودي أنطق لي عبـــــــاره
000000000 تسلم ايمين الكرم وتسلم ايمين الــــشجاعي

القضية حلها من دون شرع ودون إمـــــــاره
000000000 بيننا يا للي تعرفون الـــثـــنــية والـــــرباعي

ياأحمد الناصر يازين العلم الأبيض في مساره
000000000 كلمة ٍ بيني وبينك جالها موجــــب وداعـــي

والله إن الحر يا رجال تكفيـــــــــه الإشــــاره
000000000 الوعد مثل العهد من دون هوش ولا نزاعي

وأنت والله ثم والله رفقتك عــــــندي تــجاره
000000000 ورفقة الطيب سواتك تنـــشرى ولاتـــــباعي

ورفقة الخايب وأبو وجهين منقود وخساره
000000000 ضايع ويدل غيره مع طريقه للضـــــــياعي

يقطع الله كبد مافيها على الرفقة مـــراره
000000000 جعلها يا صاحبي تسقى من اسموم الأفــاعي

والسلام أختام وانته معك رخصة وستماره
000000000 لك سموع ولك عيون وقلب يا رجال واعــي

--------------------------------------------------------------------------------

رد الشاعر الكبير /احمد الناصر/


أذن المذن ونادى طول صوته بالمــــناره
وقمت طولي للسفينة ثم فليت الـــــشــــــراعــي

لو يزيد الموج ماني فالبحر سواق طاره
عارفٍ مجرى السفينة في نزولٍ ورتـــــفـــــاعي

كل رجال ٍ هواجيسه على قد اقـــــتداره
والحظيظ اللي مع العربان عاقل واجـــــتــــماعي

العرب لو بشروني كان سلمت البشاره
في بيوت مخترعها طيب الــــــعرف اخـــــتراعـي

بين الأثنين المفاهم في محله والمشاره
لو يجون اخوان صلب أو هم أخوان من الرضاعي

حجة الغايب معه ومن اعتذر قبل اعتذاره
مايضيقن النفوس ولا الدروب اللي وســــــاعـــــي

وانت عندك لاتعلم بالثمانين الـــــــحراره
والهروج الضايعة مثل الهمل من غـــــير راعـــــي

صابر بالحق دام الحق من جار ٍ الجــاره
لو نجيبه دين ياصالح من الـــــبنـــــك الــــــزراعي

والسعادة حظ والا العرف والمعنى شطاره
لو رضاك بعيد اسافر له على النقل الجمـــــاعــي

وسع الخاطر ولابه كسر يحتاج الجــباره
دايم العاقل وسيع ابطان ماهوب اند فـــــاعـــــي

اعتذرت من الرفيق وزبدة الهرج اختصاره
إن عذرني كثر خيره وإن ومر بأمره مطاعـــــي

قصة جت من رفيقك غصب من غير اختياره
سألفه ومخالفه مــــــاودنـــا الـــــهين يـــــذاعي



من شعر المراسلات
بين الشاعر الكبير أحمد الناصر.. والشاعر صالح العميم

القصيدة التالية كتبها أستاذ الجيل الشاعر الكبير احمد الناصر الشايع مخاطباً بها صديقه الشاعر صالح بن محمد العميم البقمي من شعراء محافظة عنيزة، حيث يقول:



بالله يا للي تبا الفيحا عنيـزة ديـرة أهـل الفخـر
يا سعد منهم عضوده بالشدايـد والزمـان العسيـر
نطاحـة الكايـده لا قـل بالدنيـا بعيـر الظـهـر
الطيب منهـم وفيهـم كلهـم كبيرهـم والصغيـر
جعل السلامة زهابك بالطريق الـى نويـت السفـر
اسلم وسلم على عيال العميـم صغيرهـم والكبيـر
اهل الوفا والمـروّه والشهامـه لويشيـن الدهـر
من يديك ليدين صالح خذ كتابي جعل خيـرك كثيـر
يا بو محمد ليالينـا تصافـق مثـل مـوج البحـر
عجزت أميّز لها وجه او قفا يا الله مقسـوم خيـر
واحترت مدري وش اخذ وش اخلي بين هم وقهـر
المبتدا زين ميـر المقبـلات الله علـم وش يصيـر
اللي ذبحني بغير اسلاح ما جا منـه علـم او خبـر
اللي بعقلي وروحي في حياتي صايرن لـي خشيـر
متى على الله عيوني من صخيف الروح تملا النظر
القلب لولا الضلـوع اللـي يردنـه خطيـر يطيـر
كن الشهر لي سنه عقب التفـرق والدقيقـة شهـر
يا الله تلطف بحال المغرم العاشق عليـل الضميـر
يا صدق راع المثل قال الهوى والحب كلـه خطـر
والزين مثل الحيا متبوع مشهـاة الغنـي والفقيـر
اتلا الخبر يوم وادعنـي واقدمـاه طريـق الحفـر
للديرة اللي ورى الرقعي يقود القلب سلـك الحريـر
اصعب علي شوفته من شوفة اللي فوق سطح القمر
لا شك ابصبرا على ما صابني لين الفلـك يستديـر



وهذا رد الشاعر المعروف صالح العميم:


بالله يا للي مـن الزلفـي لفيـت مكلفـن بالخبـر
من شاعرن راية أهل العرف بيدينه ورايـة بصيـر
ريّح لما تاخـذ الواجـب علينـا يـا بعيـد النظـر
ما نذخر اللي يقود الوجـه بالعـادات مـا نستعيـر
والى نويت السفر برعايـة الله دوم دربـك خضـر
للديرة اللـي تحلـت بالرجـال وبالمقـام الشهيـر
باهل الكرم ما عليهم زود وأهل العز وأهـل الظفـر
من عصر الاجداد حتى هاليالـي يكملـون المسيـر
من بعد رد السلام اخـذ الجـواب وردنـا مختصـر
والله ما تقصر الهقوه وانا في خطوتي مـا ستخيـر
قل لأحمد الناصر الشايع زعيم الشعر بدوا وحضـر
هذا جواب العميم اللي شعيتـه يـا جنـاب المديـر
يا بـو محمـد ليالينـا تصرفهـا صـروف القـدر
ما حدن مغيّر حياته عـن تدابيـر الحكيـم الخبيـر
عادات الأيام يمضي جوّها الصافـي ويبقـى الكـدر
يا ما على كلمة الشاعـر وديوانـه يفـوح العبيـر
لك حق تشكي من الفرقا وقلبك بالهوى مـا عـذر
ابن سبيل شكا ومحمـد القاضـي وغيـرك كثيـر
والدار وحـده ومثلـك بالخليـج مقـدّرن معتبـر
ان كان وقت الحبايب من مشاوير الزيـارة قصيـر
والله يعينك على همّك وانا همـي عـذاب وسهـر
من جاد لن غض صادفني نقض بالقلب جرحن خطير
الزول ما هو غريب وسحره الفتـان موتـن حمـر
والمشكل الوقت عيّن لي عن اعيون الصبايا خفيـر



بأسباب زولٍ نطحني


وارجلي اللي تبيّن ضلعها من غيـر سامـوح
حـار القـدم يالله الخيـره ولافيهـا اروايـه
بأسباب زولٍ نطحني بالطريق وشاحني شـوح
اودعني امشي والدّ خلاف واقصر في خطايـه
زولٍ نطحني وأخذ عقلي ولالي منـه مصلـوح
خلاني اركض واغني من خلايه فـي خلايـه
اللي خذا القلب اظنه مخطرٍ يلحق على الـروح
الموجب انه مريـضٍ خاطـري حـدّ النهايـه
هذا وانا عن طريق المنتحي منهي ومنصـوح
مير المقادير جابتني على حسنى وعلى سايـه
مادام باب الهوى لأهل الهوى بيّـن ومفتـوح
ابين من الشمس عقب الظهر في وجه المرايه
يامن يودي سلامي والهوى راعيـه مفضـوح
ويخبّـره بالمصيبـه كلهـا والـراي رايــه
إن كان لدّ النظر يمي عن اللي فات مسمـوح
وإن كان قفّـى وخلانـي فانـا سبـة عنايـه
واعين ياللي من الفرقا بكت والقلب مجـروح
مانيـب عـازي لعـل الله يجـبـر عـزايـه
الصاحب اللي ليا شفته عجزت اقعد ولا اروح
ماهو طويلٍ نشاش ولا قصيـر الجـرم غايـه
يامن سميّه على اسمي الناس به زودٍ وبه نوح
ثلاثة اشهـر ينـزل نصـف ثالثهـن كفايـه
واثنين يكمل بهن اسمه اوله حراس وشبـوح
كم لي وانا ارجيه جعـل الله مايقطـع رجايـه

تابع ( 2 )

هذه القصيدة قالها الشاعر الكبير أحمد الناصر الشايع في رثاء ابنه محمد رحمه الله الذي توفي قبل شهر أو أكثر بحادث مروري فقال هذه القصيدة الباكية

يا بعد نوم الليل عن حجـر عينـي
صبر على ما صار من وال الأقـدار
صبرت صبر بـاح منـه الكنينـي
أضحك مع العالم وكني علـى نـار
ما غير أهوجس بين نفسي وبينـي
يعلم بها العلام فـي كـل الأسـرار
تقل اتحـرى لـي علـوم تجينـي
مع الطروش اللي يجيبون الأخبـار
فهمت رأس العلـم مـن كلمتينـي
من يوم قالوا جـا محمـد ونصـار
تكسّـرت عقبـه جرايـد يميـنـي
عز الله اني عقب ما صـار صبّـار
من عقبهـا ونيـت لـي ونتينـي
ونة غريب بالخلا ضـاع واحتـار
لولا الله أبـرك ثـم قـوة يقينـي
لا طير مثل الطير من كـف صقـار
تخنقنـي العبـره وأفـرّك يدينـي
واحترت مثل مصالي النار والغـار
علـم يخلـي كـل قاسـي يلينـي
كنه على قلبي رصـاص أم كـرار
الـى ذكـرت عيالـه المصغرينـي
هــذا يعزيـهـم وهــذاك زوار
احد على جنبه واحـد لـه ونينـي
جتني هموم القلب من كل الأقطـار
قلت اصبروا والله مـع الصابرينـي
الله يكافيكـم صواديـف الأشـرار
عسى عوضنـا الحـي بالميتينـي
ناصر ونايف ذخرا سـر واجهـار
وأحمد وعبدالله ذرانـا الحصينـي
صغار سن وان بـدا الـلازم كبـار
يجبر عزاي اللي بخلقـه ضمينـي
محيي العروق الميته عقب الأمطار
مالي عن المكتوب فـوق الجبينـي
لو رحت شرق وغرب ويمين ويسار
صليت نصف الليل لـي ركعتينـي
أطلب لـه اللـي للخطيـات غفَّـار
خفف ذنوبه يا أرحـم الراحمينـي
في ماقفٍ ما ينفعن فيـه الأعـذار
جعله برضوانـك مـن الفايزينـي
بالماقف اللي به يضيعـن الافكـار
في ماقفٍ بـه كـل خافـي يبينـي
تمت وصلى الله على سيد الأبـرار



ليت العمـر ينبـاع


ليت العمـر ينبـاع والله لشريـه
وأروح للطيّـب وأزوّد سنيـنـه
وإلا الردي لعـل تقصـر لياليـه
ما من وجـوده فايـده خابرينـه
أفزع مع الطيّب عسى الله يخليـه
اللي لفعل الطيـب تبـذل يمينـه
خل الـردي لعـل تكثـر بلاويـه
ثقيل دم وفـوق ذا ثقـل طينـه
ياللي عبيده تطلبـه ثـم ترجيـه
أعطف على عبدك وقـوّه بدينـه
وإلا الردي ما همني وش يجي فيه
لو غاب ما همب العرب فاقدينـه
لا واحسافه كيف يصبح مساويـه
النذل والطيّب سـوى بالسفينـه
مواقـف الطيّـب تعـزه وتغليـه
وإلا الـردي لعـل ربـي يهينـه
أشكي على اللي شامخات هقاويه
أبو محمـد جعـل ربـه يعينـه
مواقفـه هالحيـن وإلا بماضيـه
ترفع له البيضاء على أعلى جبينه
اللي يلبـي كـل صـوت يناديـه
رجـل المواقـف كلنـا عارفينـه
إليا لفى كـل الجماعـة تحييـه
أحد يحب الخشـم وأحـد يدينـه
من حشمته كـل يحبـه ويغليـه
أبو محمد جعـل يبطـي ونينـه
أقول كلمة حق والله مـا أرجيـه
أرجـي كريـم كلنـا عابريـنـه


كل من عاش بالدنيـا


كل من عاش بالدنيـا يشـوف العجايـب
مثـل ماشفـت بالدنيـا وشفتـه باهلهـا

قمت ابرق وافرق بين مخطي وصايـب
مثل فرق الجبـال النايفـه مـن سهلهـا

والتوافيـق عنـد حظـوظ و وهـايـب
عند رب يجـازي كـل نفـس بعملهـا

اشهـد ان الهـدوم يستـرن المعـايـب
اثرها تستـر الحرمـه وتستـر فحلهـا

الاوادم بعضهم مثل وصـف الجلايـب
لو توحد بها ذيـب الخـلا كـان اكلهـا

كم صبـي تحسـب انـه ع الضرايـب
وان بخصته , كرهت الديره اللي نزلهـا

مايسر ان حضر , وان غاب ماقيل غايب
مار الارزاق عنـد ربٍ لخلقـه كفلهـا

مايضـد الضديـد ولايفيـد القـرايـب
يوم نفسـه تعـدى حدهـا مـن زعلهـا

وفيه رجل يحـل المشكلـه والنشايـب
كـل ماحملـوه الواجبـات احتملـهـا
وااقـفٍ للـزوم ومرتكـي للنـوايـب
والحمـول الثقيلـه مالهـا الا جملـهـا

ليت روحه قبل تركز عليـه النصايـب
حط عنه اربعين مـن الزلايـب بدلهـا

وفيه منهـو مسالـم مايحـب الطلايـب
مشتقى من رضى نفسه ولا من زعلهـا

وفيه منهو اذا كبرت عليـك المصايـب
ساق وجهه وجاهه لـك ونفسـه بذلهـا


وفيه منهو يبا الجـودا فلاشـك هايـب
كل ماناض صدره جـى عضـوده خللها

وفيه منهو يحل المعجـزات الصعايـب
اصغر افعاله الجـزلات محـدن فعلهـا

وفيه منهو يعيـش وعيشتـه بالسبايـب
كل ماسمعله غلطة مـن رفيقـه نقلهـا

وفيه منهو على نفسه رضـى بالغلايـب
الله اللـي رفـع نفـس ونفـس خذلهـا

لـو تبـي تنصحـه لله نجـر الهبايـب
انكـرك والنصيحـه ردهـا ماقبلـهـا

اشهد انه عقوبـه مـن كبـار العقايـب
قاصر المعرفه قلبـه كمـا قلـب بلهـا



ألا يا ونتاه اللي مـن الفرقـى



ألا يا ونتاه اللي مـن الفرقـى بـرت حالـي
كما بري الدبا الغصن الوريق اللي على حلّه

على اللي من ثلاث إسنين هو همي وغربالي
ولكن ماحصل لي منه ساعه تبـري العلـه

إلى مني بغيته فـي محلـه مـا تهيـا لـي
والى منه بغى ياصل محلي صار بـه ذلـه

وإلى مني بغيت انساه وادّلَه عن هوى بالـي
بلاي النفس ماهي عن صخيف الروح منحله

والى منه نطحنـي قـال ياستـار الاحوالـي
عجبّ لله كيف الخل ما يشفق على خلـه ؟!

يطيح اللي بكفي واذهل الدنيا وهـو سالـي
والى منّّك نظرت اللي تودّه بان بـك خلـه

وانااللي طول ليلي مع نهاري بالخلا الخالـي
أصايد رغبته واتبع طريقـه وآتبيّـن لـه

الى من غاب عني ماتبـي حالـي ولا فالـي
أعوّد في عماي الاول اللـي مابـه إشّكلّـه

انا وياه مثـل اللـي وردّ مطويـة الجالـي
برى حاله ظماه ويوصف الما لـه ولا دلـه

كذوب اللي يقول اقوى فراق الصاحب الغالي
وانا لامن نظرته تقل حكم الروس لي كلـه

إلين اصبحت انا المطلوب بـالأول وبالتالـي
انا المطلوب والطـلاب راع القذلـة الهلّـه

ولاني قاعـدٍ أرجيـه ليـن إيجيبـه الفالـي
وانا ما ودّي العذال والعـدوان تفطـن لـه


قلبي يهذري به

يابدر قبل الليل قرب لـي الفـرت
شيك على البنزين والزيـت كلـه
القير والدفرنس وإن كان ناظـرت
به نقص راعي المشحمه مافطن له
عايـر هـواه ومـاه ولا تذكـرت
شي يبيه اللـي يبـي فـدوة لـه
حتى اللي مني على خير سافـرت
أمشي ونفسي راضيـه مسفهلـه
عن اللزوم اللي ضروري تأخـرت
هات الخفيـف وماتثاقلـت خلـه
وإلي ظهرت من البلاد وتشطـرت
ترى لزومي فيه جـا وقـت حلـه
إلى أنتحى قمت أذكر الله وكبـرت
كنه يسابق تالـي العصـر ظلـه
لآمر عجـلات المواتـر وفكـرت
لاكنهـن وقـاف مثـل الإخـلـه
طارٍ علي إلى مشيـت وتنحـرت
قصرٍ يسر اللي يجـي عانـي لـه
مارحت عنه يميـن ولا تياسـرت
قلبـي يهذريبـه وعينـي تدلـه
ترى الدروب السود مهما تصاغرت
منهـا تراهـا علـه فـوق علـه
وإلا الدروب البيض مهما تكابـرت
ترى الحظيظ اللي تجي سكـة لـه
إلى بغيـت أفـرج الهـم سيـرت
للـي حجاجـه للمسيـر يفـلـه
اللي ليا إني جيت عنـده تحيـرت
فلـة حجـاج ومجلسـه ماتملـه
عز الله إنـي للصداقـه تخيـرت
اللـي رفيقـه مايشـوف المذلـه
عبدالعزيز أكبر من اللي تصـورت
الفعل فعـل سعـود والـدل دلـه
بغيت أحبه ربـع فعلـه وقصـرت
بأول شبابه والفخـر مقبـل لـه
ياكـم أماريبـه وياكـم فاخـرت
ياسعد عين اللي يجي فزعـة لـه
مالي عذر عن جيتك لو تعتـذرت
ياللي تنـزل كـل رجـل بمحلـه
عن طبع أبوك وعادته ماتغيـرت
للي سنـام المجـد لـه مستحلـه
وردتهـا هـداج تيمـا وصـدرت
من سار مع درب فهو جايـز لـه


الفلك يسـتدير

بالله يا للي تبا الفيحا عنيـزة ديـرة أهـل الفخـر
يا سعد منهم عضوده بالشدايد والزمـان العسيـر
نطاحـة الكايـده لا قـل بالدنيـا بعيـر الظـهـر
الطيب منهـم وفيهـم كلهـم كبيرهـم والصغيـر
جعل السلامة زهابك بالطريق الـى نويـت السفـر
اسلم وسلم على عيال العميـم صغيرهـم والكبيـر
اهل الوفا والمـروّه والشهامـه لويشيـن الدهـر
من يديك ليدين صالح خذ كتابي جعل خيرك كثيـر
يا بو محمد ليالينـا تصافـق مثـل مـوج البحـر
عجزت أميّز لها وجه او قفا يا الله مقسـوم خيـر
واحترت مدري وش اخذ وش اخلي بين هم وقهـر
المبتدا زين مير المقبـلات الله علـم وش يصيـر
اللي ذبحني بغير اسلاح ما جا منه علـم او خبـر
اللي بعقلي وروحي في حياتي صايرن لـي خشيـر
متى على الله عيوني من صخيف الروح تملا النظر
القلب لولا الضلـوع اللـي يردنـه خطيـر يطيـر
كن الشهر لي سنه عقب التفرق والدقيقـة شهـر
يا الله تلطف بحال المغرم العاشق عليـل الضميـر
يا صدق راع المثل قال الهوى والحب كلـه خطـر
والزين مثل الحيا متبوع مشهـاة الغنـي والفقيـر
اتلا الخبر يوم وادعنـي واقدمـاه طريـق الحفـر
للديرة اللي ورى الرقعي يقود القلب سلك الحريـر
اصعب علي شوفته من شوفة اللي فوق سطح القمر
لا شك ابصبرا على ما صابني لين الفلك يستديـر


في يـوم سبعـة عشـر


في يـوم سبعـة عشـر بتالـي رجـب
ياليتني ما دخلت السوق وانـا اجنبـي
العصر مريت يوم السبت سوف الذهـب
لقيت مخلـوق لا هنـدي ولا مغربـي
من شوفته ما لقيت الا السهـر والتعـب
صار السهر والتعب من شوفته مكسبي
اللبس لبس اجنبـي والـدم دم العـرب
زول ليا شافه الشايـب يعـود صبـي
مكمـل بالجمـال وبالحسـب والنسـب
قلت السلام وتبسم قال لـي وش تبـي
وليا تقربت مـن زيـن الحلايـا هـرب
واقول عطني الصراحة وانت ابو ما تبي
بغيت اعرفه وش اسمه مير ما الله كتـب
يقول ابي سمعتي واخشى على مذهبـي
تبين النور مـن خـده علـي واحتجـب
يا الله عليك الخلف تخلف على اتعبـي
انا قتيل العيـون النجـل سـود الهـدب
ذقت العنى والعذاب ولا حصل مطلبـي
قلت ارحم اللي طواه الهم وانت السبـب
قالت لعلـه يطاولـك السهـر بسببـي
قلت الظليمة حـرام بكـل حشمـة وادب
قالت معي عين وصانا عليهـا النبـي
انشد ولا يلحـق النشـاد لـوم وعتـب
انا غريب وقضى مايي وقضى منهبـي
انتي من اهل الكـرك والديـر ولا حلـب
قالت يشيب الولد ما حصل اللـي يبـي
قلت انتي من السويد اهل الفرح والطرب
قالت بلاد العروبـة رغبتـي وطلبـي
انتي من اهل الخليح مخصليـن النشـب
قالت من المسلمين وجد ابـوي عربـي
واللي يقول الهوى كله خطر مـا كـذب
قلت وعديني وعد بس اذكـره وكذبـي
قامت تعجب وقالت يـا زمـان العجـب
يا لايمه للغرام انا اشهـد انـك غبـي
عليك رسـم البـدواة والزمـان انقلـب
قالت عظامي ودمي واللحـم وعصبـي
انا من البدو كان الـدم وصـل الركـب
يوم السلاح المفتل والرصـاص حلبـي


ابتدي باللي


ابتدي باللي عليه اعتمـادي
عالـم بالبينـه والخفـيـه

كل شـي مرجعـه النفـادي
غير والي العرش ورب البريه

دارنا الزلفي لياجا الوكـادي
مربـع الأجنـاب والآهليـه

دارنا اللي يوم وقت الطرادي
دونها نارد احيـاض المنيـه

كم طردنا من عـدو معـادي
ما يجبيها دام الـروح حيـه

جعل وبل السيل مع كل وادي
من حقوق المزنه العقربيـه

يسقي الزلفي نفود او حمادي
والجبل يمشي شعيب وشغيه

فعل اهلها عند حضر وبوادي
يشهد الرجلي وراعي المطيه

ربعي لـو ينـادي المنـادي
يظهرون اهل الوفا والحميـه

ما حد منهم وقف بالحيـادي
من ذكرهم فزعتـه واهنيـه



يامل عين الـى جـا الليـل


يامل عين الـى جـا الليـل عيـت لاتنـام
تكثر عليها الروابـع يامعيـن الصابريـن
من عقب ما استبشرت بالنور وانجال الظلام
شافت من الغيظ مايملـي نظرهـا مرتيـن
لا وهنـي المعـافـى مايـلـوم ولا يــلام
مستانس لـو يزيـن الوقـت ولا مايزيـن
ماذاق مـر الفـراق وفارقـه حلـو الغـرام
والولف ملاك ما يحتـاج عـراف وظميـن
الصاحب اللي هدب عينه مثل ريـش النعـام
ما يلتفت مع طريقه من يسار ومن يميـن
اكبر مصيبـه ليـا سلمـت مـا رد السـلام
مدري وش اللي خطر في بال وضاح الجبين
إن كان لك يا اشقر المجدول في هجري مرام
صبرت صبر الجمل بارضاك لو ضلعي متين
الموجب انه ملكني حـب مـردوع الوشـام
لا خير في عشرتن ما هيب في حرزن مكين
هو حق ياللي تعرفون الحلال امـن الحـرام
يسهر عيوني ويدعي سري الخافـي يبيـن
العشـرة الصافيـة تقـود أهلهـا بالخـزام
ما تختلف عشرة الغالي على طول السنيـن
وان كان عقب البطا فك اللحام مـن اللحـام
ما عاش أبو نيـة وحـدة مـع أو نيتيـن
ياصاحبي مـا تسـاون الغـوارب والسنـام
من خف ميـزان قـدره لـو قلبـه ذهيـن
لو شفت منك الجفا مارضى على عيني تضام
قطعت منـك الرجـا كنـك مـع الميتيـن


أول وأنا ماشري بحبـك

أول وأنا ماشري بحبـك ولا أبيـع
واليوم بأول سـوم والله لابيعـه
عقب أنتشالك لي بروس الأصابيع
رميتني بين الرجـا iiوالقطيعـه
ذوقتني الحرمان سبعـة أسابيـع
وأشقيت نفسٍ لك مطيعه مريعـه
أيام صفو الحب تآمر وأنـا أطيـع
واليوم لامرك والله إني ماطيعـه
لاتحسب إني عقب فرقاك أبا أضيع
البيض واجد وارض ربي وسيعه
سبَّعت قلبي من محبتـك تسبيـع
وأقفيت عنك وسو ماتستطيعـه
خذ راحتك يامصَنّع الحب تصنيـع
مادام نقض العهد عندك طبيعـه
من لا على صهوة جواده مصاريع
خطر يطيح ومثل هـذي هزيعـه
مزَّعت صورة ماضي الحب تمزيع
وأنوي على تكوين صوره فضيعه
مع من جبينه مثل نور الشعاشيـع
وإلا كمـا بـرقٍ تزايـد لميعـه
الصاحب اللي لامري امطيع وامريع
من شان حبي كل غالـي يبيعـه



حمام ناح



الا يالله بنو الخير لاتجزا حمام ناح××يزيد الهـم بأصواتـه وروحاتـه وجياتـه


يذكرني زمان قد مضى كله طرب وأفراح××زمان العام والا اليوم لاوده ولاهاتـه


والا والمزتي للي جزت عينه وسده باح××ولايبغى العرب يدورون باسراره iiوغاياتـه


ولا تقضي هواجيسه ولا يقعد ولا يرتاح××تغير واشتغل فكره وهي ماهيـب iiعاداتـه


على اللي تل فلبي من عروقه في يديه وراح××طلع درب مثل طلعة كرى صعبة ملفاته


توافقنا على بير طويل مثل بير رماح××وانا فيه اتفرج لين غلق كل حاجاته


وانا عودت يم البير مثل اللي يويق وطاح××تكسر به ثمان ضلوع وذراعه ترقاته


وربعه مالقوا حبل طويل ولابهم سباح××وهو في قاعة البير الطويل يجر ناتـه


لبو عين مثل عين الوحش تذبح بغير سلاح××وخد وجيدفيها منوة العاشق ومشهاته


اهوجس فالنهار وفي ظلام الليل أصيح صياح××ولا ينلام من ذاق الغرام وذاق لذاته


فلا شك البلا من دونها كسابة الأمداح××قضبها في يدينه واحد قضب العمى لشاته


وغلق دونها باب الحديد وكسر المفتاح××وانا مقهور من جور الزمان وحـر لوعاتـه


جرحني صاحبي جرح عجز بعلاجه الجراح××حسانيه القديمة ماتكافي ربـع سياتـه


هاك الحين والاوادم ماتشكك والقلوب اصحاح×× وتال الوقت كلٍ شانت ظنونه ونياتـه




سهرت البارحة




سهرت البارحة واشغلت بالي ××××× على الله اعتمادي واتكالي


أهوجس والهواجيس أتعبتني ××××× وأعد اللي جرى ليه أو مني


هواجيس تفيد النـاس عنـي ××××× أبيـن للبعيـد أو للموالـي


ولا به راحه إلا بعد شده ××××× ولا أحد يفتخر في ورث iiجده


ترى كل له أمن العرف قده××××× وأنا مثل العرب من قد حالي


خلقت بديرت من ذاق ماه ××××× لو أنه غاب عنها مـا نساهـا


حشى والله ما نلحق جزاها ××××× بها جيرانها مثـل الأهالـي


وهي دار الحميه والمعزه ×××× وهي دار الوفاء في كل حـزه


لها من شرق ضلع طويق بين ××××× وعنها من جنوب القاع لين


هو الزلفي لعل السيل فاله ××××× إلى منه نشا وامطر خيالـه


تزين أيام راعيه أو لياليه ××××× سقاك السيل يازيـن المفالـي


بلاد الخير ياهاك البلادي ××××× تعيش الحضر فيها والبـوادي


والى جاهم بعيد الدار عاني ××××× يبا الفزعه وحاديه الزمانـي


عطاياهم العانيهم جزيلـه ××××× ولا قـد مـدوا المـده قليلـه


ولا بايمانهم يمنا بخيله ××××× ولا يعطي الجزال الا الجزالـي