يانايف القلب عيا لايطاوعني

قصيدة لشاعر العزيز محمد عقيل الفريدي

يا نايف القلب عيا لا يطاوعني = يمشي مع المقفي اللي طال ترحاله
وش حيلتي ياصديق الصدق صارحني = ياكيف أبقدر على التوديع وأحتاله
مرت سنين العمر والهجر ذابحني = أقول عادي وأنا والله ما أقوى له
يانايف الهجر منه مابدر مني = وش حيلتي والخفوق اسنين مدهاله
ذبحني اللي بوصله صار قاطعني = يوم إنقطع عن جميع البث برساله
مايدري إن السهر والهم جارحني = مايدري إني أعيش الحزن بإهماله
يانايف إن كان بالتقصير ظالمني= إنشد عن الوصل جوالي وجواله
ياما سهرنا الغلا والشوق سامعني = ياما تغنى الخفوق بصوت مواله
واليوم مدري علامه ما يريحني = وش فيه مدري وش اللي صار في حاله
فجأة من الصوت صار اليوم حارمني = فجأة فقدته وقلبي فاقد وصاله
يانايف الهجر بين اثنين وش يعني = وش يعني الهجر دام الروح تبراله
شكيتلك ياصحيبي مير سامحني = صاحبك كل الحزن موجود في باله

وهذا رد الشاعر:
نايف الناهي الشمري
ما كل شخصٍ يشـد القـاف يعجبنـي=ولا كل من يطلـب الفزعـات يعنالـه
كن الذي (يسنـد القيفـان) يطلبنـي=ولو كان يطلب هـوى بالـي بيهدالـه
هلا بالـذي يكتـب القيفـان يندبنـي=الصاحب الي أبد ماغبـت عـن بالـه
هجر الولايف على ماقلـت : ذابحنـي=وأشوف خِلّك على الهجران في فالـه
لاتشتكي لـي تـرى قافـك يعذبنـي=وأشاطرك همك وعرق القلب يدمالـه
إن كنت تبي النصيحه هاك واسمعنـي=حيثي عبرت الجبل بالحـب وأسهالـه
حال الوفاء في وقتنا ماهـو بمعجبنـي=وراع الوفـاء ياصحيبي ضاع مقيالـه
أجف الذي جافاك لـو قلـت يقتلنـي=وأعط الغلـى للـذي يآفـي ويسعالـه
وأنا أشهد إنك (وفي) دايم وتعجبنـي=شهادةٍ تشغـل المديـون عـن مالـه
الي يبيعـك (بعـه) لاتهـدم المبنـي=والـي عطـاك الغلـى بالعـز يبنالـه
((هذا كلام الذي يزرع القيفان ثم يجني=بالتجربـه ماخلـط عِرفـه بجهالـه))
وأرجوك في ختمة المرسول تعذرنـي=ياشاعـرٍ (يضفـي الشعـار بجلالـه

)

الله الله يابن عقيل على سبك القوافي لك مني حبه
راس

غسلت كبدي عن بعض القصايد اللي يسمونها

قصائد

قصيده روعه من شاعر دائم انتظر جديد

يعجبني قصيد هذا الشاعر لله دره

وصح السان الشاعر نايف ناهي الشمري

وتسلم يانوااف الدغيشمي على تحافنا

بهذه السنفونيه الرائعه وياهلابكم

في مجلس ربعكم العامر

صح لسان محمد عقيل الفريدي

على القصيدة الراائعة وصح السان الصديق الصادق لصاحبة
نايف الناهي الشمري

قصيدتا في القمة
نصحة ومقصر

يعطيك العافية اخوي نوواف على النقل المميز

قصيده رائعه
و الرد عليها اروع
صحت السنتهم ولسانك
تقبل مروري

الشاعرمحمد عقيل الفريدي والشاعرنايف الناهي الشمري
لقد اسمعونا قمة الأبداع في الشعر النبطي وكلاهـما
لديه الموهبه في الابداع الشعري الجميل.....
الأخ نواف الدغيشمي صح السانك على القصائد الجزله
ونتظر جديدك وجديد الشعراء
تقبل مروري لكما جميعاُ وتقديري لك ولشعراء القصائد

الله الله

هذا الشعر ولا بلا

صح لسان الشاعرين الرائعيين اتحفونا بهذه الابيات الاكثر من رائعة

الشاعر محمد عقيل الفريدي
الشاعر نايف الناهي الشمري

وسملت يدي الناقل ابو سامر على هذا النقل المميز

ولك مودتي

صح لسان الشاعرين
الشاعر محمد عقيل الفريدي & الشاعر نايف الناهي الشمري
والشكر موصول للاخ نواف على اتحافنا بهاتين المقطوعتين الادبيتين
مع وااااااافر التقدير

مساجله رائعه، صح لسان الشاعرين: الشاعر محمد عقيل الفريدي والشاعر نايف الناهي الشمري،،،
وتسلم يمينك على النقل يانواف الدغيمشي.

صح لسان الشاعرين
محمدعقيل الفريدي&نايف الناهي الشمري
على القصائد الجزله التي لاتاتي الا من شعراء
متميزين ومبدعين وننتظر ابداعاتهم
وسلمت يمينك اخوي نواف على نقل القصائد الرائعه

أبو عمر
فريدي وفي
طلال
بن مطيع
منصور
المقطع
أبو وسيم
خلود


شكرا على مروركم العطر الجميل
أتمنى لكم دوام الصحة