ياجبر هو ضيم الليالي ينجلي رميزان التميمي

بسم الله الرحمن الرحيم

من قصائد الفارس الشاعر/رميزان بن غشام التميمي

هذه القصيده والتي يسندها على عمه جبر وهي غزليه يقول فيها:-

ياجبر هو ضيم الليالي يــنجــلي = أو هـو يخــيم بالحـــشــى ويطــولي


أغض أطراف البنان بناجـــدي = والدمــع حــرق وجنـــتي ويــهلـهلي

والعين كن الشب يجـلا مـوقـها = والــنوم عــنــي له زمــان مـــطولي

ياجبر وأن بانت عـيوبي للمــلا = تراه مـــن فـــرقا غــــزال عـنــدلي
حورية تجلا الـــظـلام بعـيــنها = ســبع المــثاني حـــرزها ماينـطــلي
ثيابها تشـــكي لضــيم ردوفــها = والوســط كشاخ الجــديد مــعـــزلي
أليا مشت كـن النعــاس بعــينها = من ثقل ردف مـثل طعس معـــتــلي
أن أشهد أن اللي خـلــقها قــادر = لحيثه بخلق ردوفـهــا مــتــجــزلي
ساعة نطحــني يوم شـفته مقــبل = أغشي علي وطحت من يوم أقــبلي
أن صد عني شفت بيض خدودها = يصــد لامــنه لحــظــني وأغــفـلي
ثم صابني ماخاف من والي السماء = من غير ذنب ياغزال العـنــدلي
دنق علي وقال ذبحتني وثـنـيــتـني = ذبحت نفسي وأنت لست تحــللي
له قلت لابـيـحـك ولاأبـري ذمــتك = حسبي أذا كان الولي مـتــوكــلي
أنا حـبــيـبــك كـــان حـبك صادق = والهــقــوة أنـــك ناكـــر متحـيلي
قال أنا سقــيــتــك وأبريت ذمــتي = مــن كوثر بين الشـفـايا ســلسلي
تعــذرت ياجــبر وأبــدت عــذرها = وألــيا حــلــف بالله لازم تــقــبلي
يقول كــان تهـواني فأعــلــم ترى = أنــي وراكــــم ناشــــد وســايلي
ثم إحكمت حــبل الـمواصـل بـيننا = وشــربت ريق كالنبات معــسـلي
وأصبحت في بحر الغرام مسمر = وبحر الهوى ياجبر غرق محـمـلي
في حب ظبي له هوى في ظامري = ألك العــنــا ياعــاذلي لاتـعــذلي
من لامني جعله يكوس مـن العمى = أعـمى أصم مايـقـوم محـــرولي
أسريلــها عـقــب العـتيم ــبســاعة = بالكف من صنع الهنود مصـقلي
أخاف من سبع الظلام يـــهــومني = يبغي عساني منه أذل أو أجـفـلي
مالي صــديق الأ السـيف الصادق = يضحك أليا ماناش حد المفـصلي
ياجبر حــد السيف مفــتاح الفــرج = تراه لصــعــوب الرجال يــذللي
لانامو الحــساد والواشــي ســرى = قامت عــيون العاشـــقيـن تبهذلي
وهملت بأطــراف الــبنان ردوفها = وأخفـيلها أسمــي ماأخافه تخجلي
وأقول لها أهـــلا وسهــلا ياهــلا = ويقــول لي أهــلا وسهلأ ياهـــلي
وسدتها زندي وصـــار وســادتي = زندلــهــا لين النــــجـوم تكـمــلي
هـاروت سحــره ناشي في عينها = تودع قـــلوب العاشــقــين تبلــبلي
هي سقم حالي هي شقاي وعلتي = وهي دواي أن ذر فوق المفــصلي
ياجبر جــاني بالصــدود وعافني = مــن عـقـب ماهو مود لي مقــبلي
نسـى الجميل وبار في صويحبي = وأن شافني بالســـوق دلأ يعـــجلي
أن قلت ويش السبب في ذا الجفا = أكثر عذاره قال خــايف من هـلي
ياجبر يوم الولف مايــخــشا هله = وأليا تــباطا جــيـــتــي لـــه دزلي
ياجبر مـــاتســعــى بصلح بـيننا = حتـى تنول الخيــر وأنت مــحـللي
ياجبر مــاشافــت عــيوني مثلها = مصــيونة مـــاوقفـت في محفـــلي
ياجبر لو يرجعن عصور الصـبا = يروق لــقــلب العلـيل المـــمحـلي
عـزي لقلب شـارب كاس الهوى = والنوم عافــه مــع لذيذ المـاكـــلي
ياجبر كـــان الجــبال تزلـــزلت = رجـيت حبه عن ضـميري يرحــلي
ماأعرف اناحب العذارى قبل ذا = ياجـــبر حب البيـض أثره يقـــتلي
ياجبر حبه في ضميري عــاقني = قد حــط في رجـلــي حديد مقـفـلي
هو مقفي مني وأنا في ساقته = يسري وأنا يضحي الضحى في منزلي
مضى زمانك ياأبن حــزمي عامر = وأنا زمــاني خـــارب متعــطـلي

*والنقص بذمة الراوي بعينه أصغر من القرش وبعين غيره اثقل من جبال السراه0

صح لسانك ولسان الشاعر
جمييله ورائعه الجزله

صح السان الشاعر المرحوم رميزان وتسلم على النقل الرائع

وعلى فكره هذه القصيده تغنى فيه غلب الفنان الشعبيين القداماء

وله ذكرى حلوه بخاطري وترجعني للوراء كثير

الصقر ذبحتني بالتنسيق الطريقه

مثبته

فوق

ابو حسين والله حاولت اكثر من مره لاكن ماتجي معي

مشكورين على المرور