زيـزوم حــرب مــن السنـيـن الاوايــل

مرثية الشاعر الكبير الذي له دفاع عن قبيلة حرب هواش السليمي الحربي في الأمير نايف ناهس الذويبي قصيدة تستحق القراءة
رحمهم الله حميعاً
_____

مابـاس ياقلـب ضـحـى الـيـوم جـايـل=كمـا يجـول الصـيـد مــن ريــح رامـيـه
يالله يـامـنـشـي ثـقــيــل الـمـخـايــل=تربط علـى قلـب صـدا الصـوت صاليـه
يـامـن يـقـود الـقــاف قـــود الاصـايــل=عـسـاه مــن خـانـه زمـانــه يسـلـيـه
جـانــا الـزمــان امـــر الايـــام صــايــل=وماقـدر العالـي علـى العـبـد راضـيـه
مـرحــوم يـاشـيــخ عـلـيــه الـنـثـايـل=نـجـد وعـوايـل حــرب بالـفـرد تبـكـيـه
زيـزوم حــرب مــن السنـيـن الاوايــل=وعن غيض سلطان الدول ندرق فيـه
يـالـيــت مــــر الــمــوت دور بــدايـــل=والا طلب مـن سايـر النـاس واعطيـه
وخـلا ولـد ناهـس لضـعـف الحمـايـل=من حرب والي من هاك الحي ناصيه
يامـالـخـو (نـــوره) تــشــد الـرحـايــل=مــن حــرب والجنـبـه تــزوره لطـاريـه
عـلـيــه يـثـنــون الـثـنــاء بـالـمـثـايـل=مـثـل بـركـات الـلـي دلايــل معـانـيـه
قـال الشـريـف وغـيـره الفـيـن قـايـل=وكافيـه مـن شكـر الاجـاويـد ماضـيـه
فــاز بحيـاتـه فــي جمـيـع الفـضـايـل=وبـالاخـره منـجـي ابـراهـيـم ينـجـيـه
عـســاه يـبـعـث بالـصـفـوف الاوايـــل=بـعـد النـبـي بـالـصـف الـــي تـوالـيـه
امــيــن يــــاراع الـعـطـايـا الـجــلايــل=يالكامـل الـي كـامـل الـكـون يرجـيـه
مـاجـور يـاجــار جـــرع هـجــر طـايــل=بـاقــي وراحــــن الـلـيـالـي بـغـالـيـه
لــونــهـــا بـمــصــقــلات الـنــصــايــل=سقنا الجمل والجمـع الادهـم يباريـه
من عاش شاف من السنين الهوايـل=مـات النبـي وابليـس ماطـول ليالـيـه
الــمــوت يــاخــذ طـيـبـيـن الـقـبـايـل=والا الــردي لــو قـلـت خــوذه يخلـيـه
مـايــاخــذ الا كـامـلـيــن الـخـصــايــل=الـــي علـيـهـم لـلـرفـاقـه مـشـاريــه
وخــــلا ثــبــار ومـقـبــره لـلـجـمـايـل=ضـمــايــره ســـــودا وزرق مــقــاريــه
بهـلـول هــول بـكـل شــف الوسـايـل=مالله قـبـض روحــه ولاهـــو مـهـاديـه
وخـلافــهــا يـاكـاسـبـيـن الـنـفــايــل=ميـل الدهـر لمكـون الـكـون نشكـيـه
افضـل جبـل ظلـه عــن الــزول زايــل=وبقا العبيد اللي كما الكـون غاشيـه
يـاعـارفــيــن الـمـقـبـلــه بــالــدلايــل=لاتحـسـبـون الـنــور هـــذي مـبـاديـه
اجـيـال نـــور ودونـهــا الـبـعـد حـايــل=الـلــي تشـوفـونـه جـبـيـل المتـايـيـه
سـراب ويزمـي بــه ســراب القـوايـل=من صايحـه خاسـر وخسـران ضاويـه
مـرحــوم يـاشـيـخ يـشـيـل الثـقـايـل=شـيــال حـمــل ماتشـيـلـه عــراويــه