23-04-10, 01:18 PM
|
المشاركة رقم: 1 |
| المعلومات | | الكاتب: | | | اللقب: |
عضو مجلس الإدارة
| | الرتبة: | | | البيانات | | التسجيل: | Jun 2007 | | العضوية: | 539 | | الاقامة: | بـريـدة - الحي الاخضر | | الجنس: | ذكر | | المواضيع: | 2042 | | الردود: | 12058 | | جميع المشاركات: | 14,100 [+] | | بمعدل : | 2.22 يوميا | | تلقى » 45 اعجاب | | ارسل » 172 اعجاب | | اخر زياره : | [+] | | معدل التقييم: | | | نقاط التقييم: | 598 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  ابـنـحـر الـلــي زلـــول ايــــران يـفـرشـهـا
يالله يـالـلــي عــــروق الـعـشــب تنـعـشـهـا=عقب الضما بالمطر مـن غيثـك الناشـي
يــــارازق الــنـــاس يـاســاتــر فـواحـشـهــا=يامحـيـي المدركـيـن الـلـي بالانـعـاشـي
تـفــرج لـنـفـس قـــزت والــهــم ينـجـشـهـا=نـجـشـة لـســان اللهب لـــدلال هـتـاشـي
صـفـر عـلـى الـجـمـر والـصـالـي يغـوشـهـا=وقـودهـا السـمـر مـاهـو رمــث وقشـاشـي
الــهـــم والـضــيــق والـتـفـكـيـر طـفـشــهــا=ولاعــاد بــه صـبـر كــل الصـبـر متـلاشـي
الــهــم لـــــه وقـــــت نـيـبـانــه تـنـاهـشـهـا=ربَــــع بــهــا لــيــن عـرمـشـهـا تـعـرمـاشــي
لاشــك مـــادام نـفـسـي فـــي حشايـشـهـا=مـاعــاد أنـــا مــجــلٍ لـلـفــرم مـطـراشــي
ابـنـحـر الـلــي زلـــول ايــــران يـفـرشـهـا=وغزايـز الحـيـل يكنفـهـا عـلـى الحـاشـي
شـــيـــخ يـــســـد الـــلـــوازم مـايـطـنـشـهــا=الـلـيـا عـطـاهـا قـفــاه الـعـفـن والـلاشــي
كــل المـراجـل ولــد محـسـن محـوشـهـا=يوم أن بعـض الشيـوخ حيـام وعطاشـي
صــيــتـــه فـــخــــر لـلـقـبـيـلــة مـايـعـبـشـهــا=تفخر بذكرة من الخفجي الليا الطاشي
وعــنــد الـحـكـومـة قـضـايـاهـم ينـاقـشـهـا=حـمــيــة مــنـــه لامـــرشـــي ولا راشــــــي
نـفـسـه مـــرد الـثـنـا والـطـيـب يـدهـشـهـا=وصحيح من قال راع الطيـب شواشـي
يـديـن الاعـــداء لـيــا طـالــت يكلبـشـهـا=لــيَـــن لـربــعــه وبــالــعــدوان بــطــاشــي
أنــتــه حــويــت الـمـراجــل مـاتـنـوشـهـا=وابــوك بالطـيـب قبـلـك مـالــه مـعـاشـي
اللـيـا اعـتـزا والمـعـارك طـــاش طايـشـهـا=مـاعــاد يـاقــف بـوجـهـه كـــل هـواشــي
الـخـيـل تـجـفـل الـلـيــا مــنــه تنهـمـشـهـا=تقـفـي واهلـهـا يجيـهـم ذعــر وخـراشــي
الــقــهــر بـقـلـوبـهــا والـــهــــم نـاحــشــهــا=والــلــي قــعــد عــنــه مالـلـعـلـم نـبـاشــي
شــرايـــد الــقـــوم مــاتــدفــن ولايــشــهــا=مـنـهـا سـبــاع الـخــلا والـطـيـر يـعـتـاشـي
لــو هــي بعـصـر مـضــى كـنــي معايـشـهـا=حـقــايــق مـاعـلـيـهـا غــيـــم وغــطــاشــي
بالشـعـر مــن صفـحـة الـتـاريـخ أهمـشـهـا=والصـدق مابـه جــدال ونـفـي ونقـاشـي
بـيـوت شـعــر عـلــى الـقـرطـاس أنقـشـهـا=منقـوشـة مـثـل نـقـش الــزري بالشـاشـي
مـاهـي همـايـا مــن الصفـحـات لاطشـهـا=ولا سقت فيها ثمـن . . دينـه ولا كاشـي
نفـسـي عــن الشـعـر اجـوعـهـا واعطـشـهـا=مـادانــي اللـولـشـه مـــع كـــل لـولاشــي
الا الـلـيــا شــفــت بــــه شــــي يحـمـشـهـا=اطفيـت نيـران قلبـي مـن مطـر جـاشـي
يامـيـر جـتــك الـعـلـوم وجـــاك طـارشـهـا=وابعطكـيـهـا علىالـطـايـر وانــــا مــاشــي
ذكــرت بـعـض الامــور وقـمــت افتـشـهـا=وكثـرت علـي الهمـوم وجيـت منحاشـي
مـــن كــــل جــانــب مـفـتـحـة درايـشـهــا=ابنسف الحمـل فوقـك وافـرش فراشـي
((الشاعر الكبيـــــــر))
((عبد الله بن زويبن الحربي))
|
| |
العرض العادي
