21-04-10, 01:44 AM
|
المشاركة رقم: 1 |
| المعلومات | | الكاتب: | | | اللقب: | ::عضو نشط::
| | الرتبة: | | | البيانات | | التسجيل: | Jan 2009 | | العضوية: | 1908 | | المواضيع: | 22 | | الردود: | 27 | | جميع المشاركات: | 49 [+] | | بمعدل : | 0.01 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  قصيدة رثاء في لمرحوم زبار بن مفهد الفريدي رحمه الله
قصيده رثاء في المرحوم زبار بن مفهد الفريدي طيب الله ثراه في يوم الثلاثاء الموافق ١٨ /٤ / ١٤٢٧ هـ
للشاعر : عايد بن ضواي الفريدي
قم ياطلال ودق سلف المكينه=نبى نتوجه للقصيم وقراياه
علم لفاني منه نفسي حزينه=والعين هلت دمعها من سمعناه
قالو توفى من يقلط سمينه=والعصرفي يوم الثلاثاء دفناه
هذا القدر مكتوب له في جبينه=وحكم القدر غصبن على العبد يرضاه
مرحوم ياللي كلنا فاقدينه=مرحوم ياللي تفعل الخير يمناه
يفرح اليا جوه العرب زايرينه=يضحك احجاجه قبل تطلع ثناياه
انا اشهد انه ماتوانا بدينه=مخلص لدينه لجل مرضاه مولاه
محدن شكاه ولاشتكى حاسدينه= لا جاته الزله دفنها بمطاه
غيثن على الاقصين وقريبينه=غيثن ليامنه تحدر نثرماه
افراق ابوسايرعلينا غبينه=يالله تلهمنا الصبرعقب فرقاه
الموت حق وكلنا واردينه=كلن يبي ياخذ كتابه بيمناه
يالله ياحام الحرم والمدينه=يارب من يمشي على الارض بخطاه
تجبر عزانا بالسنين المشينه= وتعوضنا بالللي قليل حلاياه
عساه ياخذ حجته في يمينه=يالله عسا الجنه مقره ومثواه
تم الجواب ابذكر من نستعينه=اللي علينا مايمن بعطاياه
وصلوا على المختار ياذاكرينه=نبينا اللي ثبت الشرع ورساه
وسلامتكم
التعديل الأخير تم بواسطة ولد الفردة ; 21-04-10 الساعة 01:48 AM |
| |
العرض الشجري
