أحمد مطر للوفاء تواق

بسم الله الرحمن الرحيم
هذه الأبيات مجاراة لمظمون قصيدة الأخ الشاعر: خلف بن عتاق الفريدي
التي قالها ترحيباً بعودة الأخ/أحمد مطر العود(أبو راكان)
وأبو راكان يستحق الترحيب ونحمد الله الذي شافاه من العارض الصحي الذي مر به ونقول له سلامات يابو راكان.

للأولـــــــــه دايـــــمٍ ســـــــباق=وآفــــي ولك بــالـــوفــاء شاني
دايــم لكســب السبــق مشــفـاق=لـــلأولــــــه مـــأنــت للــثــاني
وفــي ووآفــي يـأبــن عـــتــاق=شـــوقـتـــنا لأبــو راكــانــــــي
خــذني مـعـك خـلـني مـلـحـاق=وأنــا أتــقـبـل لـمـا جـــــانــــي
وألا بـعــد حــطــنــي ســــواق=دريـول بــك يــســـوق مـجاني
وظـفـت شعـرك وفاء وأنـسـاق=بـــوزن وقــوافـيــه وألـحــاني
والـعـود أنـا لـعـودتـه مـشـتـاق=ويـوم الله أشــفـــاه فــرحـــاني
أحـمــد مـطـر للـوفــاء تـــواق=أســمــه عــلــم طـير حـوراني
وأبــوه يـوم اغـتـرب مـأنـعـاق=صـان الشـرف وأكــرم العاني
وعـن سيـرة أهـل الوفاء ماتاق=حـــافــظ عـلـى سـلــم جـداني
للــطيــبــه دايـــمٍ عــــــشـــاق=والبــيــت للـــربـــع ديــــواني
والمــعـــذره يـاولــد عــتـــاق=أن كـــان زلــيـــت بـلــســـاني

مبارك بن ناصر بن حديد

صح لسانك يبو ناصر ودامت ايامك
يستاهل ابو راكان عميد المجالس
والشكر موصول لعندليب المجالس خلف الفريد
ابو ناصر تقبل وااااااافر التحايا

صح لسانك ابو ناصر على هذه القصيدة

ويستاهل ابو راكان كل هذا المدح

والشكر موصول لعندليب المجالس ابو عبدالعزيز

وتقبل باقة ورد لشخصكم الكريم

وألا بعـد حطنـي سـواق

دريول ويسـوق مجانـي

يستاهل ابوراكان وتسلم على المجاراه والله

أني مشغول ولأكان جاريتكم بس أعذروني

أعتبره قصور مني اللي مايجاري هالدرر

ولي الشرف

أبو ناصر سجل أعجابي وتقديري

صح السانك ابو ناصر على القصيده الرائعه
يستاهل كل خير عميد المجالس
وصح السانك مرة أخرى القصيده الجزله
تقبل مروري

،

يستأهل عميد المجالس ...

شكراً أخي ابن حديد على هذه المجاراة ..

والشكر موصول لأخي الكبير ابن عتاق ـ أعتقه الله من النار ووالدينا وجميع المسلمين ـ

،

يستاهل ابو راكان

وصح السانك ابو ناصر

ماشقّ كبد السماء برّاق=ثم اعقبه رشّ هتّاني
وما صافحت شمسنا باشراق=في نورها سبعة الواني
وما غرّد الصادح الشقشاق=مع طلعة الفجر نشواني
وما سال حبرٍ على الاوراق=من زند كاتب وفنّاني
سلام يالنابض الدفّاق=قلبٍ له الحب عنواني
حواه صدر ٍ ماعمره ضاق=اوسع من فجوج "صمّـاني"
تواضعه حطّ له عشّاق=غنّى به اصحاب واخواني
حييت يامبارك "الاعماق"=يامنجم الجود "دسماني"
ملحاق .. لكن بثني الساق=من دون من يطلب العاني
سواق ..لكن لخمس ارناق=دلال ٍ على جال ضيّاني
شاحن صيان ٍ بهن مالاق=مابين حشو ٍ وخرفاني
بمقلّط ٍ من مشاه "طراق"=في "كبرة ٍ" كنها "اباني"
مشاعر..و شاعرٍ توّاق=لرد الثنا بكل الاحياني

صح لسان ابو ناصر وايضا أبوعبالعزيز يعطيكم العافية يحتار القارئ

مايدري وش يختار درر الله يطول أعماركم

المشاركة الأصلية كتبت بواسطة أبو عبدالملك

،

يستأهل عميد المجالس ...

شكراً أخي ابن حديد على هذه المجاراة ..

والشكر موصول لأخي الكبير ابن عتاق ـ أعتقه الله من النار ووالدينا وجميع المسلمين ـ

،

كلمات من قلب لايتسع الا للحب والخير
لاعدمتك شيخنا الحبيب
واسال ان يجعل لك ولوالديك النصيب الاكبر من هذا الدعاء ...
اللهم اجزه عني خيرا وانر قلبه ودربه
يارب