01-04-07, 01:09 AM
|
المشاركة رقم: 1 |
| المعلومات | | الكاتب: | | | اللقب: | ::عضو جديد::
| | الرتبة: | | | البيانات | | التسجيل: | Mar 2007 | | العضوية: | 8 | | المواضيع: | 6 | | الردود: | 15 | | جميع المشاركات: | 21 [+] | | بمعدل : | 0.00 يوميا | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس فضاء الشعر  المنطق
تربطني بالشاعر عبدالله بن غنام الفريدي علاقة حميمة وشهادتي فيه مجروحة على الأطلاق وبما أن المنتدى الفتي في بدايته وبما أن أبا عزام كما يقول دائماً : علاقتي مع الأنترنت حب من طرف واحد . فإني أسمح لنفسي بنشر قصيدته التالية عبر منتدى القبيلة وليسعني منه العذر وجميل الصفح.
الله من قلب همومه تسوقه
سوق البعير إن سيق والسوق موذيه
لا ساقه الورع المجرا بسوقه
ساقه صخر بالسوط والسوط مدميه
ماكنه الا مبرقع في سبوقه
رف الجناح ولا يهقوي تهقويه
اليا تنهض عن مطيره يعوقه
واليا التفت للحال ما شاف وش فيه
ومودع معاليق الضمير محروقه
روابع تطري على القلب تغويه
امسى يشوقه كل ما لاق ذوقه
ولا لاقه الا كل شوق يعنيه
والقلب لو هو كل طار يشوقه
كل ما عرض شوق بنا رغبة فيه
يصير همه ساكن في عروقه
ويزداد شفه كل ما أزداد طاريه
ويا قلب ياقلب العنا وش يروقه
لا صار شوقه هم وحزنه مقزيه
إن كان لك يم السحاب وبروقه
غاية نظر رد النظر في مناشيه
والنظره العجلى السروق السبوقه
تدرك خبر علم وحكم علم تخطيه
مد النظر وأمد الحقوق الصدوقه
عين تشوف اللي وراء العلم قاصيه
يا باري حالي بوده وشوقه
لي منطق ما كل الاحوال ترضيه
مايستهيض لكل شي يلوقه
ولا ينجرف دايم على شف راعيه
ووالله لو نفسي عليل شفوقه
يردني رد الصخى للمشاريه
ولايلام منهو طوق القلب طوقه
بالعرف والتفكير وأعلى مراقيه
ووجد الأماني لو سرى في خفوقه
من دون فكره ورده للتهاتيه
وجرح الفؤاد وبسرته ومعلوقه
أهون من جروح الضمير ومشاكيه
وياقلب عقب كل غفلة وتوقه
وخلك مع اللي محكم العرف ينويه
ودامه على الدرب السداد وطروقه
مالك عنه مجنب ولو فيه مافيه
للشاعر : عبدالله بن غنام الفريدي
مع أزكى تحياتي إليه
|
| |
العرض العادي
