مركــب الاحــزان مصافحه اولى سيف الراشد

السلام عليكم ورحمة الله وبركاته
اخواني اعضاء مجالس الفرده
اطـــــرح بين ايدكم هذه القصيدهـ والتي اتمنى ان تنال اعجابكم
القصــــيدهـ

سافر فمان الله ياعز محبوب=عسى السعاده في حياتك تجدها
ياصاحبي لو كل ممنوع مرغوب =ماغطت العذراء العفيفه جسدها
ياوجد حالي كل ما افتر دالوب= وجد المليك اللي دياره فقدها
تشتيت شمل وضيعت دروب= وقلوب ونهايةٍ حتى العدو ماحمدها
والفرحه اللي عمرها دوب يادوب= ياهاجسي ماتت وهي في مهدها
للحزن غيمه كلها سحب ونصوب =تشوف بارقها وتسمع رعدها
دمع الرجال اللي على الخد مسكوب= ماهو ب ضعف أو ذل أمر وادها
زلزال هز الارض في ساعة غروب= مقياس ريختر قوته مارصدها
مشاعري والعقل صولات وحروب =ومعاركٍ صارت ولا احدن شهدها
الّمها من صوب...تنهار من صوب= همّ ٍ يصبّحها...وهمٍّ هجدها
ملح السنين))الماضيه شفته يذوب= قدام عثرات الزمان ونكدها
و((حلم السنين المقبله دونها طوب= الله يسامح من بدينها عقدها
يامركب الاحزان والحزن مكتوب= نواخذك قل: وش سبايب رمدها؟؟
إلا طعون اصحاب واحباب واقروب= أطيبهم اللي وقفتي له جحدها
إن كانها زله فانا أوعدك ماتوب= لو كل عقال العرب تنتقدها
وإن كانها هفوه فانا كلي أذنوب=الله يغفرها.. ويغفر بعدها

اخوكم\\سيف الراشد

اتمنى من مشرف القسم

تنسيق القصيده وتكبير الخط


لان الايقونات كلها لاتعمل لدي


احترامي للجميع

صح لسان الشاعر


وتسلم يمينك اخوي سيف على النقل المميز


ونتمنى تنسيقها من قبل المشرفين لروعتها



واتمنى لك التوفيق والى الامااام

صح لسانك يا سيف الراشد
قصيدة رائعة تحمل معاني جميلة
اتمنى ان تكتب للدعم الفني بمجلس الاقتراحات حول المشكلة التي تواجهك في التنسيق
تقبل وافر التحية والتقدير

قصيدة رائعة في المعنى

صح لسانك سيف الراشد

ونتمنى منك ان تثرينا بما لديك من روائع

وتقبل تحياتي

قصيدة من روائع الشعر من الحكمة والتجربة
والتوجد

تسلم ياسيف الراشد

تحية طيبة

صح السانك وعلى شانك على القصيده الرائعه
والجميله
تقبل شكري وتقديري لك
ياسيف الراشد ونحن بنتظار جديدك بكل شوق

قصيده تستاهل الأشاده والقراءه فعلاً أعجبتني وبصراحه أنت شاعر يعجبني

سبك بيتك ولك مستقبل واعد بمشيئه الله تعالى

الله يوفقك ياسيف وننتظر منك المزيد

بس أشرح لي معني هذا البيت

	ياصاحبي لو كل ممنوع مرغـوب

	ماغطت العذراء العفيفـه جسدهـا

لله درك علا هذه القصيده التي تجذب المتلقي من بدايتها إلى نهايتها

واقولك بدون مجامله انت شاعر مبدع بماتحمل الكلمه من معنى

اشكر الجميع دون استثناء


على حسن الاطراء وعبارات الاشاده والتي لا اخفيكم انها اسعدتني كثيرا

واتمنى اقدم ماينال اسحسان ذائقتكم وشهيتكم الشعريه