10-04-10, 06:34 PM
|
المشاركة رقم: 1 |
| المعلومات | | الكاتب: | | | اللقب: | :: شــــاعـــــر::
| | الرتبة: | | | البيانات | | التسجيل: | Mar 2010 | | العضوية: | 2790 | | الاقامة: | القصيم | | الجنس: | ذكر | | المواضيع: | 38 | | الردود: | 460 | | جميع المشاركات: | 498 [+] | | بمعدل : | 0.09 يوميا | | تلقى » 1 اعجاب | | اخر زياره : | [+] | | معدل التقييم: | | | نقاط التقييم: | 50 |
| الإتصالات | | الحالة: | | | وسائل الإتصال: | |
| المنتدى :
مجلس الشعر الخاص  مرثية بالمرحوم فالح بن صلبي بن دبيل الفريدي
بـســم الـلـه الـرحـمـن الـرحـيــم
قـلـت هذه المرثـيـه بعلم ٍ من أعلام الـفـردهـ فقدناه
واثـرت بـنا فـرقاهـ
ومهما قـلـت ووصفـت لايمكـن أن أجزاهـ
ومن المستحيل علينا نسـياهـ
وياكبرفراغه وفرقاهـ
انـه الرجل الكريم الطيب الخلوق النادر المحبوب
الذي أن جالسـتـه لاتمله,,,
وأن خاويته آنسك,,,
وأن عاشرته رفعك,,,
وأن عاملته صدقك ,,,
وأن ناقشته اقنعك ,,,
وأن عاضدته عضدك,,,
وأن شفعـته شفعـك ,,,
وأن جاورته فهـونعـم الجارالذي يرعا الجيرهـ
وأن زاملته فـنـعـم الزميل ,,
فهـو للكبير أخ ,,,
وللصغـيـر اب ,,
أنــه الأخ المرحوم/
فالح بن صلبي بن دبيل الفريدي
تغمده الله بواسع رحـمـتـه.....
جاوبني الطيب وأنا أبكي على فالح=يـبـكي وأنابـكي كريـم ٍ دايـم يـهـــلـي
ابكي مثـل مابكاء شـالـح عـلى فـالح=يــوم الفــديــع أن قتل بالمعركه خلي
فجانــي اللــي فـجا ه وزود يــافـالح=من كبرهول المصاب أنهرت أنا كلي
وش أبـعــد د وش أبـقـول يـا فـالـح=لـو أبـعـدد صــفـا تــك عـدي أمـقــلي
اشرح عـن الـديـن وش اقـول يافالح=موحـد وصايـم وحاج أمـزكي مصلي
أشرح عن الطيب وش اقـول يا فالح=بأطول هـرم في مجـا ل الطيب متعـلي
اشرح عن الصدق وش اقـول يافالح=صادق وتصدق بقـول الصدق ماتـزلي
اشرح تواضعـك وش اقـول يا فالح=الـلـه عـطاك الـتـواضع وهـبـه ود لي
اشرح حـمـيـتـك وش اقـول يا فالح=بالـمـاقـف الصعـب تاقف طود ما تذلي
اشرح عن الفـزعه اللي فيك يافالح=منـتـه عـن اللي يـبي فـزعـتـك متخـلي
اشرح عن العرف وش اقـول يافالح=عرفـك يصيـب الهـدف والغيرك يد لي
اشرح عن الجاه وش اقــول يا فـالح=جاهك مع اهل الـوجا ه يغـيـث ويضلي
اشرح مـزايـا ك با المعـروف يافالح=يا مـا قـظـيـت الـطـلـب لــوأنـك امقـلي
وهـو لـيـه مبـكي على فرقا ك يافالح=ابـكي وبــبـكـيــك دام الــوقـت مـمـهـلي
وتـبـكـيـك كـل الـقـبـيـله حزن يافالح=يـبـكـون يـوم الخطـب مـا بـيـنهـم حـلي
ومجـلسـك يـبـكي على فرقاك يافالح=مجلس هل الطـيب مجلا س ٍ به يـسـلي
وتـبـكي افراقـــك دلال الكيف يافالح=دايـم عـلى الـنـا ر مـجـذيـات مـا تـمـلي
وعـليـك تـبكي اصحون الكوم يافالح=الـلي زهـن في فـقـا ر الـكـوم يـشـكــلي
ويـبـكـيـك بـيـت شـكى فرقاك يافالح=يـا قـوصـبـره عـلـى فـرقـا ك يـا مهـلي
وحـنـا رجـانـا بـكـل أبـنـا ك يـافـالح=فـيـهـم رجـانـا ورب الـبـيـت مـا يـخـلي
وبـكيـت مدري وش ابقـول يـا فـالح=ألا الـدعـاء من ذنـوبـك جـعـلـك اتـحـلي
نـدعي وندعي ولا نـنـسـاك يـا فـالح=ذ كـراك مابـيـنـنـا تـبـــقـاء مع الـكــلي
وخـتامها لك دعانا بالـدعـاء الصالح=الـلـه يـبـيـحـك ويـغـفـرلـك ويـغــفـرلي
مبارك بن ناصر بن حديد
التعديل الأخير تم بواسطة ذيبان ; 10-04-10 الساعة 09:32 PM
سبب آخر: تنسيق القصيدة الرائعة تم من قبل المراقب العام ( ذيبان )
|
| |
العرض العادي
