شعر الأميرخالد الفيصل آل سعود

الديوان الأول لخالد الفيصل
إلى قصيدة العمر
أم بندر

لك يا عنود الصيد حرفي ومعناي
عمري قصيدة حب قدمتها لك
معك أشرقت شمس المحبه بدنياي
صورة قصيدي لمحه من خيالك


***********************************
أغير الطاروق
أغير الطاروق والقاف وابداع
واولع قلوب تحس بولعنا
واسير في بستان الأشعار واقطع
وردة قصيد مثلها ما زرعنا
واحاكي الوجدان والقلب وانزع
من كل قلب ونه من وجعنا
واجاذب الونات في كل مطلع
لأهل الغرام اللي يونون معنا
والاعب النغمات في كل مقطع
يطرب لها لبيب قلب سمعنا
واغازل عيون بالأشواق تدمع
وابكي قلوووب تجزع جزعنا
واشاهد عيون المحبين واجمع
من كل عينه دمعة والف معنى
واصبها في بيت الأشعار واسمع
صرخه فؤاد قال معك اندفعنا
******************************
لا هنت
لا هنت يا راس الرجاجيل
لاهان راس في ثرى العود مدفون
والله ما احطك بالقبر لكن آمنت
باللي جعل دفن المسلمين مسنون
منزلك يا عز الشرف لو تمكنت
فوق النجوم اللي تعلت على الكون
سكنت دار المجد يا شيخ واسكنت
شعبك معك في منزل العز ممنون
صنت العهد يا وافي العهد ما خنت
علمتهم وشلون الاشراف يوفون
كم ظالم عاداك واعفيت واحسنت
واخلف ظن جموع ناس يظنون
شلت الأمانه حافظ ما تهاونت
شفنا بك رجال على النفس يقوون
ياللي طلبه الملك بالحب زينت
عرشك بتاج قلوب شعب يحبون
لونت تاج الملك ماقد تلونت
ماغرتك دنياك ماصرت مفتوون
بالزهد والمعروف والصبر كونت
منهاج فيصل منهج اللي يعدلون
تلفتت روس المخاليق وين انت
وين العظيم وعود الشوف مطعون
كم خافق وقف عقب ما تكفنت
وكم ناظر ذوب سواداه محزون
لو شفت حال الناس عقبك تبينت
مقدار حب الناس للي يودون
مما بقلبي قلت يابوي لاهنت
والا انت فوق القول مهما يقولون

**************************
سلاااااااااااااام يا فيصل
سلام يا فيصل عدد كا ذكرناك
واعدا دما قالوا لك الناس محروم
واعداد دمع العين في يوم فرقاك
واعداد ما فرجت من كرب مضيوم
إن قلت ياليتني ألا ليتني فداك
وإن قلت واعزه ما نيب مليوم
ياعن ابو من لام عين تمناك
قد بددت شوفتك عن شوفها غيوم
وين العز مابه عز غير نجزاك
بمواصلة مسعاك والدرب معلوم
ترى عزانا يوم حنا فقدناك
إنا خذلنا راي من يزعم زعوم
الرايه اللي رفرفت فوق يمناك
ابشرك ياشيخ ماطالها خصوم
إن كان قصد عداك تعطيل ممشاك
حقك علينا ما نوقف ولا يوم
نسير في دربك وناخذ سجاياك
ونرد منهو ضد الاسلام ملطوم
نم هاني العينين حنا تبعناك
والد فيها لابة مالهم نوم
إن قاله الله ما نضيع لك مناك
نسجد لرب البيت في القدس ونصوم
***********************



غريب
غريب ومسافر لحالي
ودروب الايام تعابه
أدور المنزل العالي
أزايم الحمل وارقي به
ما أحب انا المركز التالي
الاول اموت واحيا به
وش عاد لو الثمن غالي
روحي على العز وثابه
ماهمني جمع الاموال
زهاد بالمال واصحابه
من فيصل آعيش بامثالي
أدرس وأدرس من كتابه
***********************
من بادي الوقت
من بادي الوقت هذا طبع الأيام
عذبات الايام ما تمدي لياليها
حلو الليالي توارى مثل الأحلام
مخطور عمي عجاج الوقت يخفيها
أسري مع الهاجس اللي ما بعد نام
واصور الماضي لنفسي واسليها
أخالف العمر وأرجع سالف أعوام
وانوخ ركاب فكري عند داعيها
تدفا على جال ضوه بارد عظامي
والما يسوق بمعاليقي ويرويها
إلى صفالك زمانك عل ياظامي
اشرب قبل لا يحوس الطين صافيها
الوقت لو زان لك يا صاح مادام
ياسرع ما تعترض دربك بلاويها
حتى وليفك ولو هيم بك هيام
سيور الايام تجنح به عواديها
**********************
يا قلب
ياقلب لانجزع لما سووه
الله كريم يعدل الميله
من شال درع الصبر ما طالوه
الصبر مضمونه محاصيله
اللي لقينا قبنا لا قوه
ياما كريم ظلم في جليله
ترى صليب الراس لو حدوه
ما يثني لى عالت العيله
يا لعن ابو رجل إلى ضدوه
ما يرتكي للحمل ويشيله
*******************
كم بلاد الله
من بلاد الله تصبر واحتسب
عاده المسلم على الشدة صبور
آتلمس للخوي عذر وسبب
لى لحقني من بعض ربعي قصور
واتحمل زلة كحيل العرب
واتحاشى عضة الكلب العقور
أعشق الغالي ولاهوب الذهب
وانزل العالي ولاهيب القصوور
في هجير العمر خاويت التعب
فوق رمل البيد أو موج البحور
كل حي في حياته له طلب
ذا تهياله وهذا في دبور
لا تعجب ما على الدنيا عجب
حكمه الرحمن خلاها تدور
************************
وداع يا نفس
وداع يا نفس قدرها دعـاهـــا
تنازعت والموت ما عنه مردود
تشبثت بحبال زخرف حيالـــها
تبي نهار زود واليوم موعـــود
تسللت مثل الهوى من خافهـــا
عجزت تقضب في ذرى يابس العود
تبخرت روحي من حيــاض ماها
يتلها نـــزاع الأرواح بركــود
بالهون يا نزاع روحــي تراهــا
باقي عذاب أيــام بيض على سود
***************************


طال السفر ..
طال السفر
والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب
ساري الهاجس ..




ساري الهاجس حضرني وشلت لحونه

كل ما غنيت صوت يرد الثاني

كل شاعر تستضيف الخيال عيونه

ما ينام الليل من هاجسه سهران

كل نجم ساري يستهيض شجونه

واعذاب الشاعر المغرم الولهان



بنت الكحيله ..




بنت الكحيله مهــرتي

وخيالتي من كل اصيل

ألقى عليها طربتي

بين المعنـــــــق والشلــــــــيل

صدر وقطاة فلـــوتي

العنــــق والســـــاق الطويــــــــــــل

وقع الحـــوافر نغــــــمتي

وحــــداتنا رجـــــــع الصهيـــــــل

أبوي وجدي قدوتي

لو ما لهــــم عنــــــــــدي مثيل

بالدين تفخر عزوتي

والرمح والسيف الصقيل

ماكر حرار ديرتي

ما في هل العوجا ذليل





سمرت ..




سمرت بصحبة حروف القوافي

احملها تناهيت خوافي

اشكل بالحروف الوان صوره

احركها من المعنى بصافي

اشيل الحرف من معنى لمعنى

واجاري ما زهر واظهر بخافي

والى منى عطيت الحرف ونه

بها حرفي على النجمات طافي

يقوم كل نجم من منامه

أنا ما نيب اسامر نجم غافي

يجيني كل نجم منه معنى

ولا قد قلت للنجمات كافي

تصور لي دموع وابتسامه

من عيون تقصوت ما تشاف

ألا يا نجم يا عالي تبصر

شف بعين المحبه عين وافي

وخبرني عن علومه وحاله


عسى قلبه مع الأشواق دافي

ولو ممشاي في جمر يفيده

مشيت بجمرها كنه عوافي

ولكن وش يفيده لو ذبحني

ومن يوصف جماله عقب قافي

من بنات الريح ..

*********************
من بنات الريح لي صفرا جفول*** كنها ظبي الفلا بجفالها

منوة الخيال عساف الخيول ***زينها في دقها وجلالها

زينها ما شفت وصفه بالمثول ***الله اللي بالجمال اصخى لها

تستذير كحيلتى من كل زول*** ما يصخرها سوى خيالها

اذكر الله كل ما قامت تجول***و احمد الله خصنى بحبالها

كنها تمشي على قرع الطبول*** فتنى اللي خافقه يبرى لها

ظافي القصه على الطرف الخجول ***تنكسر شمس العصر بظلالها

وصفها وصف السحاب اللي يحول*** كل عين تستخيل خيالها

او كما طاري على الخاطر عجول ***صاحبه حقيقته ما طالها

كل رجل في حياته له ميول ***والهوايه تمتلك رجالها



*************************************************

علامك ..

قالوا علامك قلت ما بي خلاف*** ما بي بلا يا كود فرقى المحبين

الحب لو يجحد عليله يشاف*** يدري به اللي عارف لوعة البين

شئ يشاف وشئ بالجوف خاف ***عشر تبين وخافي منه تسعين



**************************************


لو نسيت ..


لو نسيت العمر ما انسى دمعتك ***صرخة ذابت من عيونك دموع

ترتعش مرتاعة في وجنتك*** وانتفض قلبي لها بين الضلوع

أزعجت صمت الليالي عبرتك ***بالخفا ثوره وبالظاهر خشوع

تسكب الدمعه وتظمى نظرتك ***مشهد النظرة وهي تظمى يروع

يا ضياع العمر ضيعة بسمتك*** ضاع معها خافق مثلك جزوع

ليت من يمتص جارح لحظتك ***والفرح يشعل دياجيرك شموع

طال السفر
والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
نقل جمبل صح لسان الشاعر وسلمت يداك

[quote=مهرة الخيال;144432]

طال السفر

والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
نقل جمبل صح لسان الشاعر وسلمت يداك

تقبلي خالص تقديري وشكري وأحترامي عطرتي الصفحه بمرورك0