في ضيافة رائد المجالس .......

بسم الله الرحمن الرحيم

قبل ليلتين ..وفي استراحة تالين ...
كانت ليلة موعوده ..ومناسبة مشهوده ...
وقد كان الحضور أعلام ..والمضيف منصور الكرم والاكرام
وكانت المناسبة كريمه ... والفرحة عظيمه
فما هي الا ((طلائع)) يارا ... وأوّل الاصائل المهارا ...
أقرّ الله بها عيني والديها ...واسبغ الصحة عليها ....
ورزقها الاخوة والاخوات .. حتى تضيق بهم الجنبات ..

وكانت هذه مشاعري :

جتني قواف الشعر خيلٍ تبارا=وشديتهن بالوزن شدّ الاعنّه
ولا اتخيّر كود عوبٍ بكارا= راع الولع -في ركضهن- يطربنّه
دايم لهن عند النشاما وقارا=والا ضعيف المعرفه يسهجنّه
واسرجتهن للفارس اللي تمارا=فيه القبيله عند رفع الاسنه
عند المواقف ظاهر ٍ ما يتوارى=وليا بذل معروف مافيه (منّه)
ولا للمديح بلا دليل اعتبارا=ومنصور صفحات النقا يكتبنّه
ولا جابنا غير الوفاء يابو يارا=وعدّ الجمايل يابيض الوجه سنّه
مشاعرٍ وابديتها لك جهارا=والقلب له تعبيرْ عما يكنه

****

وسلامتكم

صح السانك ويستاهل ابو يارا التشريف
والله يخليله يارا ان شا الله
الأخ عندليب المجالس بيض الله وجهك على الروح الطيبه التجاه الأخ القدير والعزيز على قلوبنا جميعاً المراقب العام في مجالس الفرده منصور الوسوس((ابو يارا)) يستاهل كل خير ...رائد المجالس
وسعدنا في الأبيات الرائده منك و الرائعه كذلك جداً جداً
ووجودك يا ابو عبد العزيز شرف لكل ...
وكل شخصاً له الشرف في دعوتك ومن مثلك الذي
الذي ينطق لسانه الشعر ذات المعنى القوي وذات المعنى العميق
ويبدو انني سعيد الحظ في متابعة شعر من مثلك
انت صاحب الكلمه ذات المعنى والحكمه والأبداع
شاعر لايهدى ولايتوقف عن نبض الشعر
ودائماً يرفرف عالياً
شكراً لك ولك مني أجمل تحيه
ودمت بحفظ الرحمن

المشاركة الأصلية كتبت بواسطة خلف الفريد

بسم الله الرحمن الرحيم

قبل ليلتين ..وفي استراحة تالين ...
كانت ليلة موعوده ..ومناسبة مشهوده ...
وقد كان الحضور أعلام ..والمضيف منصور الكرم والاكرام
وكانت المناسبة كريمه ... والفرحة عظيمه
فما هي الا ((طلائع)) يارا ... وأوّل الاصائل المهارا ...
أقرّ الله بها عيني والديها ...واسبغ الصحة عليها ....
ورزقها الاخوة والاخوات .. حتى تضيق بهم الجنبات ..

وكانت هذه مشاعري :

جتني قواف الشعر خيلٍ تبارا=وشديتهن بالوزن شدّ الاعنّه
ولا اتخيّر كود عوبٍ بكارا= راع الولع -في ركضهن- يطربنّه
دايم لهن عند النشاما وقارا=والا ضعيف المعرفه يسهجنّه
واسرجتهن للفارس اللي تمارا=فيه القبيله عند رفع الاسنه
عند المواقف ظاهر ٍ ما يتوارى=وليا بذل معروف مافيه (منّه)
ولا للمديح بلا دليل اعتبارا=ومنصور صفحات النقا يكتبنّه
ولا جابنا غير الوفاء يابو يارا=وعدّ الجمايل يابيض الوجه سنّه
مشاعرٍ وابديتها لك جهارا=والقلب له تعبيرْ عما يكنه

****

وسلامتكم

صح السانك والأبيات مهما كانت حلوه لن يوفن ابايارا حقه

ويستاهل وانت تفعل وتقبل مروي وأعجابي والسلام

سراحة اثريتنا من الجزل
ويستاهلها ويستاهل اكثر منها
منصور
اشكرك اخي وعزيزي خلف

سارالقلم في صفحة الطرس سارا=في شاعرٍ ينظم من الشعر فنه
وناء كتبت ابيات شعرٍ مجارا=ورا خيولٍ مسرجات الاعنه
على اثرهن بالمسير آتدارا=ودي اشوف اللي قبل ترجمنه
بمدح الاصيل بن الاصيل المنارا=زين المكارم وطبوع احتونه

ولكم شكري وتقديري وعذرونا عن التقصير

شاكر لك ياخوي خلف وماأقدر أقول إلا والقلب له تعبير عما يكنه

صح لسانك يابو عبدالعزيز
ويستاهل ابو يارا
وبيض الله وجهك

الغالي مشعل

انته تتبّع ما نجيبه من ابيات=وانا اتحرّى مايخطه يراعك
في حقكم كلمات ردي قليلات=لانك محيطٍ يحتويها اتساعك
راع الوفا تاتي معانيه جزلات=ومدّي قليل ٍ ماوصل حد صاعك
سموك مشعل عارفينٍ مزاياك=اتعبت عينٍ ناظرت لارتفاعك
اشكرك يارمز الوفا والمروّات=لعل مانحرم روايع ابداعك

ابو عمر
اشكرك على مشاعرك الطيبه وجميل الثقه
لاعدمتك

امام غازي مالقينا اختيارا=وابياته اللي بالوفاء جملنه
الا نجيب القاف لول بمحارا=تو جابه الغواص من عمقهنه
لاهنت يانسل الصقور الحرارا= اللي على الجزلات محوالهنّه
صار الوفا والحب عندك شعارا=فنجال كيفٍ طاب هيله وبنّه

عندليب المجالس وعنوان الوفاء
صح لسانك على تلك الكلمات التي اعتبرها تاجاً على رأسي
لعلمي انها ابيات صادقة من قلب محب ..
شكرا لك وعقبال ان نشاركك افراحك والتي هي فرحة لجميع محبيك ........
دمت لنا بالوجود مبدعا وتقبل من اخيك كل الشكر والثناء والتقدير ..