سويلم العلي السهلي رحمه الله

24-03-10, 02:35 AM

السلام عليكم و رحمه الله و بركاته ,,

اخوي طاب الكيف له والتعاليل

قائل هذه القصيدة هو الشاعر المعروف سويلم العلي النويصر السهلي رحمه الله :

اخوي طاب الكيـف لـه و التعاليـل =صدره وسيـع ولا تجيـه الهمومـي
لا واهنيّـه لـه شْبـوح ومراسيـل= وانا شْبوحي مـا تجيـب العلومـي
البـدو شالـوا نوّهـوا بالمراحيـل= و كل ٍّ رِكَض للزمِـل شِـلاّه تومـي
حَدٍ يِخِـمّ العِلْـق يِخْطيـه و يشيـل= وْحَدٍ تِقَلّـل مـا بِقـي لـه لِزومـي
شالـوا وقفّـن الظعايـن زعاجيـل= شَفّـوا وْهَفّـوا واتّقـوا بالحزومـي
و انا بمرقاب الشقـا عينـي اتخيـل= في راس مرقاب ٍ طويـل الرجومـي
أخايـل الاظعـان واقفـت مقابـيـل= استقبلـن ظعـون زاهـى الرقومـي
و ايّست من دعّاج الاعيـان بالميـل= ولا لي على نابي الردايـف سلومـي
وا هَجِرْ قلبي كان هو طـاول الطيـل= عـز الله انـي مهجـلٍ كـل يومـي
اهْجال من تاهت عـن الـذود بالليـل= ما بين سرح لـوارد الجـو تومـي
الولف بلـوى بـه هبـال وهرافيـل= لولا الحيا راعيـه يرمـى الهدومـي
يا لايمـي جعلـه بحسـر وغرابيـل= الله يبـلا بالـبـلا مــن يلـومـي
عسـاه بالدنيـا قليـل المحاصـيـل= وبالآخره يسقـى حميـم وسمومـي
وجدي عليها وجد من لـه مواحيـل =حيل ٍ و خلفات ٍ تـدوس الوسومـي
و عشاير ٍ شِقْـح ٍ ْتـلاد و مخاليـل= و معهن على شقران فِلْـوٍ قحومـي
سِبِّر لعجمان ٍ علـى كِنّـس ٍ حيـل= شيب المتون عيونهـن تقـل لومـي
كل ابلج ٍ ضـار ٍ بكسـب التنافيـل= ضرما يبون المال مـا فيـه لومـي
و غارت عليه القوم خيل ورجاجيـل= و طبّح على فِلْو ٍ حَشُـور ٍ عَزومـي
و اقفى يرادي به عن الخيل حِلْحيـل= شَذْر ٍ حَذِرْ تالـي شْيـوخ ٍ قْرومـي
و اقفت على ذوده عصـاة ٍ مشاكيـل= و كِلًّ ً على حَقَّه شِحـوح ٍ بِحومـي
وصلّه و خلاّ العـج مثـل المخاييـل= عج الرمك و البـل مثـل الغيومـي
يبي يداري هرجـة القـول والقيـل= أحضر حيـاه ولا بنفسـه وْهومـي
و طبّح له اللي ضـاريٍ بالمحاويـل= وثارت إلى ان حْذاه مثـل النجومـي
و اقفى مْـذِلًّ مـع دكـاك الغراميـل= يفـرك يديـه ومـر كبـده يزومـي
عقب السعد و العز و البن و الهيـل= و كبش ٍ مْرَبّينـه لكـل محشومـي
اليوم يسهر كـل مـا جَرْهَـد الليـل= و دايم على غيضه صنوت ٍ كضومي
هذا وجودي وجد مـن لـه مواحيـل= من عقب ما هي ذود صارت قْسومي
أو وجد من صدّر على اربع محاحيـل =لها ليـا غـاب الرقيـبه معلومـي
صدّر علـى اربعمايـة ٍ كلهـا كيـل= حبًّ حمـر تسقـي نواحيـه كومـي
اربع عقايبها اربـع ٍ كِنّـس ٍ حيـل= و يشيلن الما في وسـاع الكمومـي
يوم استتم الزرع شال النمـا شيـل= نِشَّت بردهـا كبـر روس البهومـي
و هلّت على وصط المفالـي هماليـل= و صارت على روس النواحي رجومي
و اللّي بقى من حبّها شالـه السيـل= غثوا السبل بالسيل مثـل الهدومـي
و اصبح يصيح و يزعج الويل= بالويل عن نول ما نالـت يديـه محرومـي
الله يكفيـنـا شــرور المخايـيـل= الا عطا الرحمه كمـا انّـه رحومـي
ما قلتهـا باللّـي تعـرف التهاويـل =ولا هي من اللّي يجمعـن العلومـي

م/ن