19-03-10, 03:16 PM
|
المشاركة رقم: 1 |
| المعلومات | | الكاتب: | | | اللقب: | مشرف سابق
| | الرتبة: | | | الصورة الرمزية | | | | البيانات | | التسجيل: | Aug 2008 | | العضوية: | 1293 | | الاقامة: | بريدة | | الجنس: | ذكر | | المواضيع: | 1624 | | الردود: | 5444 | | جميع المشاركات: | 7,068 [+] | | بمعدل : | 1.19 يوميا | | تلقى » 2 اعجاب | | اخر زياره : | [+] | | معدل التقييم: | | | نقاط التقييم: | 121 |
| الإتصالات | | الحالة: | | | وسائل الإتصال: | |
| المنتدى :
مجلس المحاورات والمساجلات الشعرية محاورة تركي 2000وفلاح القرقاح
هذه المحاوره جرت فالقصيم بين الشاعرين تركي 2000 وفلاح القرقاح
تركي:
تعال يالشاعر القرقاح لاتسري
الليل بدري مثلك لاسرا بدري
انا طرالي علوم اجداد في صدري
والراس مرفوع والرايات مرفوعه
ابسري علي القرقاح وبليس ملعون
لو انه يصيح ويزهم اعيال ريفه
وابا اطلع اجنانه ليا صار مجنون
وهاذي وقايع والخواطر نضيفه
القرقاح:
اذهن ترا ريفه اللي قلتها جده
الله يغفر لها ماتت قبل مده
وعرفت وبعض العرب محدن عرف جده
والراس مرفوع والرايات مرفوعه
ترانا هل الطالات والناس يدرون
مابين العرب مثل الجبال المنيفه
تغلب عصا موسي علي سحر فرعون
واضن الخليفه مالقوله خليفه
تركي:
انا ابن عباد هذا اسمي واسم جدي
ولا انت حضك مع الايام متردي
ومن اسم جددتك متعشي ومتغدي
والراس مرفوع والرايات مرفوعه
تقولون ولا ياعرب ماتقولون
نعرف الحمول ثقال ولا خفيفه
طوينا حزوم الارض فالعسر والهون
ولا همنا راعي العيون الكثيفه
القرقاح:
ملاسمع تبع وانتا حضرت التابع
خل ابن عباد منهو جدك الرابع
ترا ابن عباد لا سادس ولاسابع
والراس مرفوع والرايات مرفوعه
ياتركي لو اموالك مثل مال قرون
الاموال تنقص والمسافه كليفه
كثير العرب ركب علي راسه قرون
وهو من حلال الزاد ماشبع ضيفه
تركي :
جدي سميليل راعي العرف والطاله
وحنا ليا جا نهار الخيل خياله
ياقرب منزالك ويابعد منزاله
والراس مرفوع والرايات مرفوعه
انا مغتني ولا انت فالناس مديون
تذكر تذكر فاليالي المخيييفه
عليك الحنايا والناس يشوفون
وهذي وضيفتكم ياراعي الوظيفه
القرقاح:
جدك سميليل محدن يعرفه غيرك
ونا اشهد انه بيض افعولك وسارك
ياللي تجر اللحن والعجه اتديرك
والراس مرفوع والرايات مرفوعه
زمانن مضا روحت من نجد مغبون
عسالله يعز اهل الفعول الطريفه
ياللفين من اللي شال منك الشطرطون
وخلاك تسبق لافحات السفيفه
تركي:
جدي فعوله علي التاريخ مكتوبه
والبيت بانيه طوبه فوقها طوبه
انشدك جدك من اللي سالبن ثوبه
والراس مرفوع والرايات مرفوعه
زمانن مضى راسك علي النفد مدفون
ياوادي لبن عينت وادي حنيفه
اظنك عن الدنيا مكرتن بكرتون
ياليت القطيفي مايفارق قطيفه
القرقاح:
ان جات لفعول جدانك و جداني
لاترفع الصوت عندي وانت ميزاني
جدي فعوله تنومس كل قحطاني
والراس مرفوع والرايات مرفوعه
يومن العرب في نجد طاعن ومطعون
قالعنا مداكم فالسيوف الرهيفه
مادام الخبل متجود فالدركسون
عزالله قدا الحنتور شيفته شيفه
تركي:
اهل الاسامي نميزها بساميها
والخيل ماتصلح اللي عند راعيها
ولا انت مالك فعول تضدنا فيها
والراس مرفوع والرايات مرفوعه
ونا اقول والله عزوتن ماتذمون
ولاكن حنا اهل الفعول الشريفه
م/ن
|
| |
رد: محاورة تركي 2000وفلاح القرقاح 
العرض العادي
