قصائد صاحب السموالملكي الامير سعود بن بندر بن عبد العزيز رحمه الله

(قـــــالو تــــحــــبه)



قالـوا تحبه..قلـت ماهـو بالحـيـل
بس انه اغلى شوي من نـور عينـي
يسوى جميع الجيـل الاول وهالجيـل
أحبـابـي الماضـيـن والمقبليـنـي
شوقي له أعظم من ظما الأرض للسيل
وأشفق عليه أكثـر مـن أم الجنينـي
واحتاج له حاجة ثرى مصـر للنيـل
وعليه أغار ولو مـن والدينـي
اشتـاق لـه شـوق المحبيـن لليـل
وارتاح له راحـة دمـوع الحزينـي
لا صار جنبي لو سنه وقتـي بخيـل
ولا غاب لو لحظات صارت سنينـي
قالوا يحبك.. قلت هـذا هـو الويـل
ما ودي أنشـد ثـم رفضـه يجينـي
وأهدم رجاي بدبرتي مثـل مـا قيـل
والأفضل أحيـا بالأمـل لـو لحينـي
يا حبكـم يـا نـاس للقـال وللقيـل
والأمر لو هو سهـل يصبـح مهينـي
خلوني أحيا في الوهـم يـا عواذيـل
وش دخلكـم والأمـر بينـه وبينـي



--------------------------------------------------------------------------------

(أحــــبك)




احبك كلمه صارت رخيصه
يرددها من الجهـال واجـد
يرددها بلا نفـس بخيصـه
تعرف ان الهوى معناه واحد
يرددها بلا رغبه حريصـه
ويظن ختامها لف السواعـد




--------------------------------------------------------------------------------

(خــــلنا بالــــحب)





خلنا بالحب يـوم الله جمعنـا
لاتكدر بالعتب لحظـة لقانـا
نجني اللذات دام الوقت معنا
قبل فرقا ثانيـه تقلـع مدانـا
يااحبيبي ماعلى الله استطعنـا
نجتمع وش عاد مانروي هوانا





--------------------------------------------------------------------------------

(ماحــد خــذا غـــيرك)




ما حد خذا غيرك من النـاس عمريـن
عمرك وعمر اللي معـك فـات كلـه
وزود عليهـا صـرت مالـك لقلبيـن
قلبـك وقلـب فيـك هــام وتتـلـه
حبك نزل في القلـب بيـن البطينيـن
وفـوق المعاليـق الثـلاثـه محـلـه
يسري غرامك بالدمـا فـي الشراييـن
مسرى المرض في جسم من حسن عله
سيرتني برضاي ما قلـت لـك ويـن
معك على موج الهـوى قلـت يـا الله
وش غير هذا أعطيك يا كامـل الزيـن
روحي فـداك أطلـب وخذهـا تدلـه
مادام شوفـة طلعتـك تكحـل العيـن
وما همني غيرك وش اللـي حصلـه
نسيتنـي الماضـي ونـاس كثيـريـن
وما كن فـوق الارض غيـر إنـت لله




--------------------------------------------------------------------------------

(مـــحـــطات)





مـن لقيـتـك زاد حـبـي للحـيـاه
وقبـل اشوفـك فاقـد شـي كثـيـر
هـذا هــو المضـحـك المبـكـي
سـبـحـان مـغـيـر الاحـــوال
اللـي مــن اول عـلـي يشـكـي
الـيـوم اشـكـي علـيـه الـحـال
ويلك ارحمنـي ولا تشـق الخفـوق
حبك ارغمني علـى غـض البصـر
حبك اللي تدعـي هـو حـب ذاتـك
ومن يحب الـذات مايخلـص لغيـره
يسري غرامك بالدما فـي الشراييـن
مسرى المرض في جسم من حس عله
في رقة اسلوبـك تحالالـي الـذوق
وانت الحلا والـذوق يـاذوق ذاتـي
انا ماشعرت اني مع الناس قبل القـاك
ولا ذقت للدنيـا طعـم قبـل تلقانـي
ليـالـي خبـريـنـي ريحـيـنـي
انا ابحث بس عـن نصـف الحقيفـه








--------------------------------------------------------------------------------

(أنت الحياه) قالها بأمه رحمة الله عليه




ياليتنـي بينـك وبيـن المضـره
من غزة الشوكه الى سكرة الموت
او ليت شاورني القدر بـس مـره
ولبى مطالب رغبتي قبل مافـوت
اوليـت لجـرة مواطيـك جـره
احمي قدم رجلك مثل جزمة البوت
اوليت بيدينـي السعـد والمسـره
واحكم عليها عنك مالحظه تفـوت
يفداك عمر منـك يشعـر بعمـره
انتي الحياه لنفسي وردة الصـوت







--------------------------------------------------------------------------------

(عــــمر الـــزهــر)




لايصيبك شك منـي فـي غـلاك
يامغلي عيشـة أيـام .. العمـر
لايهمك من حكي هـذا ... وذاك
ولايصيبك يابعـد عمـري كـدر
منـوة العـذال يسعـون الهـلاك
حبنا اللي توه ... بعمـر الزهـر
لو يشوفك من عذلني في هـواك
مثل ما أشوفك عذرنـي واعتـذر
واعترف أنك على وصفي مـلاك
وإن عنـدي يـوم حبيتـك نظـر
واجد أهل الزين لكن فـي بهـاك
الجمـال بكـل معنـي مختصـر
خالقك سبحانه ... إختار وعطاك
كل كامل من تواصيـف البشـر
كان حور العين تشبهـك بحـلاك
هني أهل الخير في يوم الحشـر
دامني حي ...فلا أطمع في سواك
وباستمرار ارجي لقا بعـد القبـر










--------------------------------------------------------------------------------

(جـــيت الــمكان)




جيت المكان اللي بـدأ حبنـا فيـه
وأمطرته عيونـي بدمـع الحنينـي
وشكيت له قسوتك .. وإنكار ماضيه
يوم العهد .. وأيديك تحضن يدينـي
تعتب على معذور .. بس الزعل ليه
وأنا أعترفت بغلطتي لـك بحينـي
لو قلبك أحد قال حبيت ... قلت أيه
شف كيف حبك .. قادر يسود فيني
هذا الدليل .. الساطع اللي لك أبديه
إنك تحكم القلب ... حكـمٍ متينـي
إلى متـى نـاوي فـؤادي تعنيـه
تحرم عيوني منك .. ياشوف عيني
عمري بلا قربك ..وشوفتك مابيـه
من دونك الدنيا .. ملـل ياضنينـي









--------------------------------------------------------------------------------

(أهـــــــواك)




تخطي علي .. واستسمحك .. وترجـاك
ضعفـي هـواك ..وفطنتـك ماتخونـك
المشكل اني كـل .. ماجيـت ابنسـاك
فكرت نفسي كيـف .. ترتـاح دونـك
ومـا ظـن لاهــذا ..ولاذا.. ولاذاك
واللي سمعـت بذكـره ... يعوضونـك
تدري اني اعشق فيك شامـل سجايـاك
زينك وشينك .. فـي قسـاك وليونـك
وانـي متيـم فـي محاسـن محـيـاك
وتعرف على وشلون .. سلطة عيونـك
تامر على من موقها الموت ... هـذاك
واطاوع امره قبـل ترمـش ..حفونـك
رديت قلبـي عنـك لاشك..هـو جـاك
وجيتك معـه راضـي بمقبـل طعونـك
ارجع واقول .. اهواك..واهواك واهواك
وبكفيـك اتعـذب ... ولكـن بهـونـك



امين

حبيت ... قربك ولاادري ليش
تـرتـاح لمشاهدك..عيـنـي
دخلت في مهجتي .. بشويـش
وحبيـتـك بـكـل مافيـنـي
جنبك بديت .. استلـذ العيـش
واندم على ماضـي ..سنينـي
قبلك حياتي مضت .. في طيش
ياليت عارفك ... مـن حينـي
ذي قصتك ..وأنت رأيك ايـش
اميـن .. لـك رغبـه فينـي
وعلى حرير ومخدة...ريـش
سلمتك..القـلـب بيـديـنـي

م/ن