الحــــــــــــــــــــدا ثه ....

السلام عليكم ورحمه الله وبركاته:-

أنا عضو جديد على هذا المنتدى الغالي علينا واتقدم بالشكر الجزيل لكل القائمين على هذا الصرح

ويسعدني أن أشارك بأربع أبيات لقصيده قديمه لشاعر/ نواف عبدالله الفريدي



ياهل الاقلام هبو بالاغاثه
وأسعفو شعر النبط لا تفقدونه


حد علمي بالقصيد من الوراثه
وأندمر من يوم قام يجددونه


ودي أدري ويش مفهوم الحداثه
عند بعض الناس يوم يحدثونه


مقتنعت بتجربت غير الثلاثه
غيرهم ماشوف ناسن يتقنونه




الشاعر / نواف عبدالله الفريدي

حياك الله بين ربعك


واسعدتنا بانضمامك الينا

نتمنى ان تفيد وتستفيد


واتمنى لك التوفيق

الاسياح مشكور على المشاركه الاولى بس

سؤال محيرني الشاعر منهم الثلاثه اللي ذكرهم الشاعر لم يذكر أسمائهم

هلابك وننتظر الجديد يالاسياح

مرحـبـا ياشـاعـرٍ عـنـده دمـاثــهلابـدع قـافـه يهـيّـج فــي لحـونـه

يـابـو عـبــد الله ادوات الـحـراثـهماتـاثـر بالصـخـر لـــو يحـرثـونـه

الاصيل من الشعر صعب اجتثاثـهولــو تغـيّـر نهـجـهـم مايغـيّـرونـه

اختلـط حـسـن النـوايـا والخبـاثـهينشـرون مـن الغثـاء ويروجـونـه

اتـركـوهـم ماحـسـبـنـا للـعـبـاثـهماهم كفو لشعرنا حتى نصونه !!!

صح لسان الشاعر ومشكور ياراع الاسياح

عظم العرب الله يعطيك العافيه على المجاراة الرائعه ودمت فخر للقبيله اخوك(ابن هديب)

يامرحبا ياشاعـرٍ عنـده دماثـه

لابدع قافـه يهيّـج فـي لحونـه

يابـو عبـد الله ادوات الحراثـه

ماتاثر بالصخـر لـو يحرثونـه

الاصيل من الشعر صعب اجتثاثـه

ولو تغيّـر نهجهـم مايغيّرونـه

اختلط حسـن النوايـا والخباثـه

ينشرون من الغثـاء ويروجونـه

اتركوهـم ماحسبـنـا للعبـاثـه

ماهم كفو لشعرنا حتى نصونه !!!