قصيده مساجله لمولاي الراحل فهد بن عبد العزيز رحمه الله ولقبت اليتيمه 0

قصيده لمولاي خادم الحرمين الشريفين

قال القصيده في لندن في شهر شوال عام 1385هـ وذلك عندما كان في رحلة علاج حفظه الله ذلك الوقت
بعث بهذه القصيده لصاحب السمو الامير فهد بن سعد رحمه الله يشكو فيها غرابيل المرض ويتوجع مما يقاسيه... والقصيده هي:-

يا بو سعد صارت على اخوك غارات = شهرين اقاسي من شديد الغرابيل
سو المرض يحمل على اخوك حملات = وما في يدي حيله ولا في يدي حيل
والله فزع من فوق سبع السماوات = وانا احمد الله يوم صارت تساهيل
ما ينفع الخايف والايام عجلات = الخوف ما ينفع ولا القول والقيل
حنا هل العوجا ولا به مراوات = شرب المصايب عندنا مثل شرب الفناجيل
لا شك انا مشغول في كل الاوقات = على الذي حنا بظله رياجيل
ماني على نفسي كثير الحسافات = لا سلم راسه روسنا رفاع با لحيل
حامي حمانا بالليالي المخيفات = لو صار بالعالم كثير الزلازيل
فخر العروبة بالعدل والمساوات = هذاك هو فيصل ولا فيه تشكيل
يشهد له اللي شاهدوا منه ليات = ويشهد له التاريخ جيل بعد جيل

فأجابه الامير فد بن سعد رحمه الله بهذه القصيده:-

يا مرحبا بكتاب زبن المخلات = اهلا هلا به عد وبل الهماليل
حمدت من زال الكدر بالمسرات = فكاك من صكت عليه المحابيل
فزع لك اللي عالم بالخفيات = مبرى جروح ايوب غيث المراميل
لعل ما يزعج على فقدك اصوات = ولعلها لك يابو فيصل تماهيل
الله يجيرك من صواديف الافات = عساك تسلم يا عشير المشاكيل
منتب رخيص يا ربيع القرابات = لو هي بالايدي كان دونك حلاحيل
ترا النا بك يافتى الجود هقوات = في وقتنا الحاضر وباللي مقابيل
يفداك ربع قصروا بالمهمات = اللي على القالات ما تنطح الشيل
بعض العرب حي ومن عرض الاموات = ما يرتجي نفعه بحل المشاكيل
وفيصل ذرانا بالسنين المخيفات = هو درعنا الضافي الى ضدنا الميل
اللي نقل عنا حمول ثقيلات = راس الحصيل إن كملن المحاصيل

م/ن