%% لي حاجة عيت تحقـق مـن العـام %%

هذه قصيدة للشاعر / عبدالله بن زويبن المعمري الحربي وجدتها عند شخص في شريط فيديو وحبيت انقلها لكم واتحفكم بها اتمنى ان تنال على ذائقتكم الجميلة

لي حاجة عيت تحقـق مـن العـام = عيا يطيب الحظ لـو قلـت أظنـه
يفـز فـزة غاتـر عقـب مـانـام = جنـه حلـوم مزعجـه وأيقظـنـه
وجدي على تحقيقها وجـد صـدام = علـى يديـن بـالـولاء بايعـنـه
وبلاده اللـي ماعرضهـا للاسـوام = وعرش الرئاسة والجيوش المرنـه
اللي قذايفهـا تعـدت ورى الشـام = شاميـر يـوم ولايتـه روعـنـه
وبيوته اللي من سيراميـك ورخـام = خطط وصممهن على كيـف فنـه
ماتنتـعـدد تكلفتـهـن بـالارقـام = ماهـو مواطـن عايـدي يبهضنـه
حاكم من الحكـام ويصـدر الخـام = دار السريـة والــدول يدعمـنـه
متريّس لـه دولـة شعبهـا اقسـام = ويلعب على القسمين شيعـه وسنـه
مخلـي ٍ شيخانهـم تقـل خــدام = يمشون خلفه خـوف ماهـو محنـه
ملا البيوت من الارامـل والايتـام = وملا السجون المظلمـة والمجنـه
ياليـن طشنـه مقـاديـر الايــام = مـن النجـوم النايـفـة نزلـنـه
مثل الوليشة بين عـدوان الاسـلام = من كل صـوب كلابهـم ينهشنـه
او وجد عود يرتكـي كـل ماقـام = على كفوف يديه مـن كبـر سنـه
الليا غفـل بايامـه الماضيـه هـام = والليا انتبه من غفلته ( جر ونّـه )
من عقب ماهـو للمغاويـر مقـدام = اليـا غـزا صـم الرمـك يتبعنـه
ومروبع يزمـي مثـل عـز لـزام = اليا اقبلن شيـب الغـوارب نصنـه
بظهورهن ربـع كريميـن وحشـام = اليا جذبهـم صـوت نجـر يدنـه
يجذب له الغايـب وسمّـوه عـزام = من كثر مايجـذب شراريـب بنـه
اليوم كل اللي بقـي جلـد وعظـام = والمال خمس اشياه والبيـت عنـه
ولاله عيال ينصرونه الليـا انظـام = الا بنـات ٍ بالهضاااايـم شـوَنـه
ياقلـب خلـك للروابـع والاوهـام = رفيـق درب وكـل هـم ٍ تبَـنـه
والا انتفض واربط امحقاك بحـزام = وعن قوم ( وش سويت ) خافيك كنه
والشر عنك اخلاف والخيـر قـدام = والصبر في وقـت المعانـاة سنـه

ودمتم يود

والا انتفض واربط امحقاك بحـزام****وعن قوم ( وش سويت ) خافيك كنه


كلام جزل وقصيدة رائعة واختيار جميل يبن منيديل دمت لنا ذخرا وفخر يبن العم

الكلام الجميل كلامك يامنصور

وكلنا ذخرآ لبعض وفخر لبعضنا

الله يديم المعزة بين ربعنا



طلتك بهية

اخي ابن منيديل
شكرا على هذا الاختيار الموفق ولا شك ان نوع الاختيار يدل على معدن صاحبه

وابن زويبن من حكماء شعراء حرب صح لسانه وتسلم على النقل يابن ابوي

ملا البيوت من الارامل والايتام **** وملا السجون المظلمه والمجنه

والنهايه

اللي شفنا

صح السانه

وصح اختيارك ابن منيديل



قصيده رائعه من شخص رائع وناقل رائع



وصلت الى اعلى درجات الذائقه الشعريه



ولايكفي الشكر والثني للرد


بارك الله فيك والــــــــــــــــــــــــــــــــــى الامام

لا هان احساسك ابو تركي

دائما تتحفنا بكل بديع وجميل

دم متميزاً

وصح لسان الشاعر المبدع

خلف الفريد

معدنك انت ذهب وهذا هو مطلبي ان تعجبكم هذه القصيدة

شاكر لمرورك


بقايا انسان


الرائع مرورك بقايا انسان

لاهنت يالغالي


عبدالله غنام

لاهنت يالغالي وشكرآ للإطراء الجميل عزيزي